ဝိပဿနာ ရှုနည်းများ

ဝေဘူဆရာတော်ဘုရားကြီး၏ ၀ိပဿနာ ရှုနည်း။

နှာဖျား နှာဝ မှာ ထွက်လေ ၀င်လေသည် အမြဲတိုက်ဝင် တိုက်ထွက်နေသည်။ နှာဖျား နှာဝ မှာ ကာယ ပသာဒ ခေါ် ရုပ်အကြည်ဓါတ်က အထိခံနေသည်။ ၀င်လေ ထွက်လေက ထိလာခြင်း ဖြစ်သည်။ ထိုအထိခံနှင့် ထိတာသည် ရုပ်ချည်းဖြစ်ပြီး ထိတာကို သိတာက နာမ်ဖြစ်သည်။ ကိုယ့်နှာဝ ကို ဥာဏ်ဖြင့် စောင့်ကြည့်ရမည်။ ထိဝင် ထိထွက်တာကို သိနေစေရမည်။ သိအောင် မှတ်နေရမည်။ ထိုသို့ ထိတာကို သိလျှင် လောဘ ဒေါသ မောဟ ဖြစ်ခွင့် မရသဖြင့် ငြိမ်း နေသည်။ ၀ိပဿနာ ဟူသည်ပစ္စုပ္ပန် (ဖြစ်ဆဲ) ကိုသာ ရှု မှတ်ရသည်။ နှာဝ ကို ၀င်လေ ထွက်လေ မထိခင်မှတ်ရွေ့လည်းမဖြစ်၊ သိရွေ့လည်းမဖြစ်၊ ထိပြီးနောက်မှ မှတ်ရွေ့ သိရွေ့ မဖြစ်။ ၀င်လေ ထွက်လေ သိဆဲ ကိုသာ "ထိတယ်" ဟု သိနေအောင် မှတ်ရသည်။ ထိတာကို သိနေလျှင် ရုပ်နှင့် နာမ်သာ ရှိကြောင်း၊ ငါ သူတပါး ယောက်ျား မိန်းမ မရှိကြောင်း သူတပါးကို မေးနေဖွယ်မလို၊ မိမိဘာသာ သိလာလိမ့်မည်။ ထိတာကို သိနေလျှင် ဥာဏ်အမြင် စင်ကြယ်ပြီး သမ္ပာ ဒိဌိ (အမြင်မှန်)ဖြစ်နိုင်သည်။ တိုသို့ ထိတာကို သိနေလျှင် ရုပ် နှင့် နာမ် ကွဲပြားမှု ကိုပါ ဥာဏ်ဖြင့် သိလာတတ်သည်။ ထိုသို့ သိသော ဥာဏ် ကို နာမရူပ ပရိစ္ဆေဒ (ရုပ်နှင့် နာမ်ကို ခွဲခြားသိမှု)ဥာဏ် ဟုခေါ်သည်။ နှာဖျား နှာဝ မှာ ထိလိုက် ပျောက်လိုက် တရိပ်ရိပ် ဖြစ်ပျက်နေပုံကို ရှုမှတ် သိမြင်နေရမည်။ ထိုသို့ သိမြင်နေတာ ကြာလာလျှင် ၀ိပဿနာသမာဓိ တစထက်တစ တိုးတက်ပြီး နှာဖျား နှာဝ မှာသာမက တစ်ကိုယ်လုံးမှာတရိပ် ရိပ် တရွရွ ဖြစ်ပျက်နေတာကိုတွေ့ ရပေလိမ့်မည်။ ပါးစပ်က မဆိုရပေ။ ၀ိပဿနာ အလုပ်ဟူသည် ထိမှု ကို ကြည့် ရှု သိမှတ်နေရုံသာ ဖြစ်သည်။ ထိုသို့ ရှုမှတ်နေလျှင် တစ်နေ့ထက်တစ်နေ့ တိုးတိုးပြီး အလုိုလို သိလာမည်ဖြစ်သည်။ ထိုသို့ဖြင့် တရိပ်ရိပ် ဖြစ်ပေါ်သော ထိမှု သိမှု တို့ကို ရှုမှတ်နေရင်းပင် မဂ်ဥာဏ် ဖိုလ်ဥာဏ် တို့ ဆိုက်ရောက်လာမည်ဖြစ်သည်။ မဂ်ဥာဏ် ဖိုလ်ဥာဏ် ရပြီးနောက် ဖလ သမာပတ် ကို ၀င်စားလျှင် မိမိလာခဲ့သည့် ၀ိပဿနာ လမ်းကို ပြန်ကြည့်ရသည်။ ဖလသမာပတ် ဟူသည် ကိုယ်ပိုင်အိမ်နှင့် တူပေသည်။သို့ဖြစ်ရွေ့ မဂ်ဥာဏ် ဖိုလ်ဥာဏ် ရရှိရန် ထိမှု သိမှုကို လုံ့လ၀ီရိယ ဖြင့် ကြည့် ရှုမှတ်သားနေကြရမည်။


မူလမင်းကွန်းဇေတ၀န်ဆရာတော်ဘုရားကြီး၏ ၀ိပဿနာ ရှုနည်း။

“ထိုင်တယ်၊ အိပ်တယ်၊ သွားတယ်၊ စားတယ”် ဟု ရှု မှတ်ရသောနည်းသည် ကာယာနုပဿနာ (ရုပ်အပေါင်းကို အဖန်ဖန် ရှု မှတ်မှု) ဖြစ်သည်။ သွားသည့်အခါ “ကြွတယ် လှမ်းတယ် ချတယ်” ဟု မှတ်ရသည်။ သွားစဉ်မှာ အာရုံ တစ်ခုခု ကိုမြင်လျှင်” မြင်တယ် မြင်တယ”် ၊ကြားလျှင် “ ကြားတယ် ကြားတယ် “နံလျှင် “နံတယ် နံတယ်” ဟု မှတ်ရသည်။ ထမင်းစားလျှင် “စားတယ် စားတယ် “ဟု မှတ်ရသည်။ မှတ်ကျင့် ရလာသည့်အခါ ထို့ထက် အမှတ်စိပ်ပြီး မှတ်ရမည်။ စားရန် ဇွန်းကို ကိုင်လျှင”် ကိုင်တယ် ကိုင်တယ် “ ဟင်းကိုခပ်လျှင် “ခပ်တယ် ခပ်တယ် “ ယူလာလျှင် “ယူတယ် ယူတယ် “ စသည်ဖြင့် အမူအရာတိုင်း ကို မှတ်ရမည်။ အားထုတ်စမှ ဆယ်ရက် လောက်အထိ ဟိုသည် အာရုံများပြီး ထင်သလောက် မရှုမှတ်နိုင်၊သမာဓိ မရနိုင်ဖြစ်တတ်သည်။ ကောင်းမကောင်း မည်သည့် အာရုံကို မြင်မြင် “ မြင်တယ် မြင်တယ် “ ဟု မှတ်ရမည်။ မှတ်ဖန်များလျှင် မြင်သောအာရုံများသည် “ မြင် သိ ပျက် “ မြင် သိ ပျက် “နှင့် ပြောင်းလဲ ဖြစ်ပျက်သွားတတ်သည်။ ထိုအခါ မြင်သည့် အဆင်းက ရုပ် သိတာက နာမ်ဟု ရုပ်နှင့် နာမ် ကိုခွဲခြားသိမြင်လာတတ်သည်။ ရှုမှတ်သည့် အခါ တစ်ခု ခုကို သိအောင် မိအောင် ရှုမှတ်ရမည်။ ထိုသို့ မရှုမှတ်လျှင် တိုက်ဆိုင်ထိတွေ့မှု (ဖဿ)ကြောင့် ခံစားမှု(ဝေဒနာ) ဖြစ်ပြီး ခံစားမှု(ဝေဒနာ)ကြောင့် နှစ်သက်မှု(တဏှာ)၊ စွဲလမ်းမှု (ဥပါဒါန်)စသည့် အကုသိုလ် တရားများ ဖြစ်ပွါးလာတတ်သည်။
ထို့ကြောင့် တစ်ခု နှင့် တစ်ခု၊ တစ်သဘောနှင့် တစ်သဘော ပြောင်းလဲ ရွေ့ ဖြစ်ပျက်နေပုံကို ဥာဏ်ဖြင့် မြင်အောင် ရှု မှတ်ရမည်။ တရား သဘောအတိုင်း ပြောင်းလဲဖြစ်ပျက်ပုံကို တွေ့လျှင် တဏှာ မဖြစ်၊တဏှာ ချုပ်လျှင် နောက် ဘ၀ပေါင်း အသင်္ချေ ဆက်ဖြစ်နေဦးမည့် ဥပါဒါန် ကံများလည်း ချုပ်ကြတော့သည်သာ။ ထိုအခါ ကောင်းသည့် အာရုံ တွေ့လည်း တဏှာ မဖြစ်၊ မကောင်းသည့် အာရုံ တွေ့လည်း ဒေါသ မဖြစ်၊ ကောင်း မကောင်း အာရုံတွေ့လည်း မောဟ မဖြစ်တော့ ချေ။ ထိုမျှသာမက မြင်တာကို “ မြင်တယ် မြင်တယ် “ ဟု ရှု မှတ်ရာတွင် တစ်မှတ် တစ်မှတ် နှိုက် မဂ္ဂင်(နိဗ္ဗာန်ဝင်ရာ လမ်း) ရှစ်ပါး ဖြစ်နိုင်သည်။ ရုပ် နာမ် တို့ ၏ ဖြစ်ပျက် ပုံ ကိုအမှန်သိမြင်ခြင်းသည် သမ္မာဒိဌိ (မှန်စွာ မြင်မှု)မဂ္ဂင်၊ ဖြစ်ပျက် အပေါ် စိတ်ကို တင်ထားလိုက်ခြင်းသည် သမ္မာ သင်္ကပ္ပ(မှန်စွာ ကြံမှု)မဂ္ဂင် ဖြစ်သည်။ ဒီနှစ်ပါးသည် ပညာမဂ္ဂင်တည်း။ ရှုမှတ်သော အာရုံမှာ စိတ်တည်ကြည်သွားခြင်းသည် သမ္မာသမာဓိ (မှန်စွာ တည်ကြည်မှု)မဂ္ဂင်၊ စိတ်မလွင့်သွားရအောင် ဆွဲဆောင်ထားခြင်းသည် သမ္မာဝါယာမ (မှန်စွာ အားထုတ်မှု)မဂ္ဂင်၊ ရှု မှတ်ရွေ့ ရခြင်း သိနေခြင်းသည် သမ္မာ သတိ( မှန်စွာ သိမှတ်မှု) မဂ္ဂင် ဖြစ်သည်။ ဒီမဂ္ဂင် သုံးပါးသည် သမာဓိ မဂ္ဂင် ဖြစ်သည်။ ထိုသို့ မှတ်နေသည့် အခိုက် မကောင်းသော ၀စီကံ ဒုစရိုက်ကို မကျူးလွန်ခြင်းသည် သမ္မာဝါစာ (မှန်စွာပြောဆိုခြင်း) မဂ္ဂင်ဖြစ်သည်။ မကောင်းသော ကာယ ဒုစရိုက်ကို မကျူးလွန်ခြင်းသည် သမ္မာ ကမ္မန္တ(မှန်စွာ ပြုမှု)မဂ္ဂင် ဖြစ်သည်။ တရားရှု မှတ်နေစဉ် အသက်မွေးမှု ဆိုင်ရာ ကာယကံ၊ ၀စီကံ ဒုစရိုက်များကို မကျူးလွန်ခြင်းသည် သမ္မာ အာဇီဝ(မှန်ကန်စွာအသက်မွေးမှု)မဂ္ဂင်ဖြစ်သည်။ ဒီသုံးပါး ကို သီလမဂ္ဂင် ဟု ခေါ်သည်။ ထို့ကြောင့် ရှု မှတ်သည့် အမှတ်တိုင်း အမှတ်တိုင်းမှာပင် မဂ္ဂင် ရှစ်ပါး ပါဝင်သည်ဟု ဆိုရခြင်းဖြစ်သည်။ ထိုသို့ ရှုမှတ်နေစဉ် မြင်သည့်အဆင်းက ရုပ်၊ မြင်တာက ရုပ်၊သိတာက နာမ်ဟု အမြင်ကွဲပြားသိခြင်းသည် နာမရူပပရိစ္ဆေဒ (နာမ်နှင့် ရုပ်ကို ခွဲခြားသိမြင်မှု)ဥာဏ် ဖြစ်သည်။ မျက်စိအကြည်၊ အဆင်းရုပ်၊ အလင်းရောင်၊ နှလုံးသွင်းတို့ကြောင့် မြင်သိစိတ် (စက္ခုဝိညာဉ် စိတ်) ဖြစ်ရသည်ဟု အကြောင်းအကျိုးကို သိမြင်ခြင်း ပစ္စယပရိဂ္ဂဟ ဥာဏ် ဖြစ်ပေါ်ပြီးနောက် ပျက်ပျက်သွားရွေ့ အနိစ္စ၊ မပျက်စီးအောင် အောင့်အည်းမရဘဲ ပျက်ပျက်သွား ရွေ့ ဒုက္ခ၊ ထိုသို့ ပျက်ပျက်နေ ရွေ့ ကိုယ့်အလို မကျသဖြင့် အနတ္တ ဟူရွေ့ သိမြင်ခြင်းသည် သမ္မသနဥာဏ်၊ ဤသို့စသည်ဖြင့် ဥာဏ်စဉ်များ အဆင့်ဆင့် တက်ပြီး မဂ်ဥာဏ် ဖိုလ်ဥာဏ်ဖြစ်ကာ နိဗ္ဗာန် ကိုမျက်မှောက်ပြုနိုင်ကြပါသည်။ အထူးအားဖြင့် မည်သည့် ၀ိပဿနာ ဆရာတော်၏နည်းပင်ဖြစ်စေ သမာဓိရအောင် ပထမ အားထုတ်ရသည်။ သတိခိုင်လျှင် သမာဓိ ပိုင်သည်။ သမာဓိပိုင်လျှင် ၀ိပဿနာ နိုင်ပါသည်။ ၀ိပဿနာ နိုင်လျှင် ၀ိဇ္ဖာ ခေါ် အလင်းဓာတ်ပေါ်လာမည် ဖြစ်ပါသည်။

တောင်ပုလု ဆရာတော်ဘုရားကြီး၏ ၀ိပဿနာရှုနည်း။

ယောဂီသည် ထိုင်တာကို “ထိုင်တယ”် ဟုသိလျှင် ၀ိဇ္ဇာ (အသိပညာ) ဖြစ်၏။ မသိလျှင် အ၀ိဇ္ဇာ (မသိမှုမောဟ) ဖြစ်၏။ ရပ်တာ သွားတ အိပ်တာ စသည် တို့ကိုသိလျှင် ၀ိဇ္ဇာ ဖြစ်၏။ မသိလျှင် အ၀ိဇ္ဇာ ဖြစ်၏။ စားတာကို “စားတယ်” သောက်တာ ကို “သောက်တယ် “ စသည်ရှုမှတ်ပြီး သိလျှင် ၀ိဇ္ဇာ ဖြစ်၏။ မသိလျှင် မ၀ိဇ္ဇာ ဖြစ်၏။ ထို့အတူ ကျင်ကြီးကျင်ငယ် စွန့်တာကို “ စွန့်တယ် စွန့်တယ် “ ဟု မှတ်ပြီး သိလျှင် ၀ိဇ္ဇာ မသိလျှင် အ၀ိဇ္ဇာ ဖြစ်သည်။ ထိုနည်းတူ ပြုပြုသမျှ အမူအရာအားလုံး ကိုသိအောင် မှတ်ရမည်။ ဤ ၌ “အ၀ိဇ္ဇာ၊ မသိတာ၊ မောဟ” စကားလုံးတို့၏ အဓိပ္ပါယ် အတူတူ ဖြစ်သည်။ “၀ိဇ္ဇာ၊ သိတာ၊ အမောဟ” ဟူသောစကားလုံးတို့၏ အဓိပ္ပါယ်လည်း အတူတူပင်ဖြစ်သည်။ အ၀ိဇ္ဇာဖြစ်လျှင် သင်္ခါရ( အကျိုးဆက်ကို ဆက်လက် ဖြစ်စေတတ်သော ကုသိုလ် အကုသိုလ်ကံ)စသည်တို့ ဆက်ဖြစ်သဖြင့် သံသရာ ရှည်မည်။ ၀ိဇ္ဇာဖြစ်လျှင်ကား အ၀ိဇ္ဇာ ချုပ်၏။ အ၀ိဇ္ဇာ ချုပ်လျှင် သင်္ခါရစသော တရားတို့ ချုပ်ပြတ် ကာ သံသရာ ရပ်တော့သည်။ ထို့ကြောင့် ၀ိဇ္ဇာ ဖြစ်အောင် မြင်တာ ကြားတာ နံတာ စားတာ စသော အာရုံများ ကိုတွေ့ကြုံတိုင်း တွေ့ကြုံတိုင်း မြင်ကာမျှစသည် သိအောင် ရှုမှတ်ရမည်။ အခြားအခြားသော စကားပြောတာ၊ ဆိတ်ဆိတ်နေတာ၊ရှူတာ၊ ရှိုက်တာ၊ပိန်တာ၊ဖောင်းတာ၊ဒေါသဖြစ်တာ၊နှမြောတာ စသည်ဖြင့် ကိုယ်အမူအရာ၊ နှုတ်အမူအရာ၊ စိတ်အမူအရာ ဖြစ်ဖြစ်သမျှကို သိအောင်အမြဲမပြတ် ရှုမှတ်နေရမည်။ ထိုသို့ ရှုမှတ်နိုင်မှသာ သံသရာပြတ်ကြောင်း ၀ိဇ္ဇာဖြစ်၍ မရှု မှတ်နိုင်ပါက သံသရာလည်ကြောင်း အ၀ိဇ္ဇာ ချည်းဖြစ်နေလိမ့်မည်။ နာမ်ရုပ်ကို အမှန်ထင်မြင်လျှင် ပုထုဇဉ် ဖြစ်သော်လည်း ရဟန္တာ လိုချမ်းသာစွာနေနိုင်သည်။ သို့သော် ပုထုဇဉ်ဖြစ်၍ တဒင်္ဂ(တခဏမျှ) သာနေနိုင်ခြင်းဖြစ်သည်။ ထိုသို့ နာမ်ရုပ်ကို အမှန်မြင်လျှင် မိစ္ဆာ ဒိဋ္ဌိ(၆၂)ပါးလည်း မဖြစ်နိုင်တော့ချေ။ ထို့ကြောင့် နာမ်ရုပ်ကို အမှန်အတိုင်း ပိုင်းခြားသိသော ပုဂ္ဂိုလ်သည် သက္ကာယ ဒိဋ္ဌိ(ငါအစွဲအမြင်) ကို ပယ်စွန့်နိုင် ၍ဥာဏ်အမြင်စင်ကြယ်ခြင်း ဖြစ်သည်။ ထို့ကြောင့် မြင် ကြား နဲ့ စား ထိ သိ အာရုံများနှင့်တကွ ဈေးရောင်း ဈေးဝယ် လယ်လုပ် ယာလုပ် စသောမည်သည့်ကိစ္စ ပြုပြု ပြုသမျှကို သတိမလစ်စေဘဲ စွဲစွဲမြဲမြဲ ရှုမှတ်သင့်ကြပါသည်။


အနာဂါမ် ဆရာသက်ကြီး၏ ၀ိပဿနာ ရှုနည်း

ရှေးဦးစွာ ဘုရား တရား သံဃာ ဆရာ မိဘ နှင့် ပြစ်မှားမိသူများကို ကန်တော့ရမည်။ ယင်းနောက် သီလ တစ်မျိုးမျိုးကိုဆောက်တည်ပြီး သတ္တ၀ါများကို မေတ္တာပို့ရမည်။ မေတ္တာ ပို့ပြီးလျှင် ဆင်းတုတော် မြတ်စွာဘုရားထံမှာ ကမ္မဋ္ဌာန်းကိုပေးသနားရန် တောင်းပန်ပြီး ကြာကြာထိုင်နိုင်သည့် နည်းဖြင့်ထိုင်ရမည်။ ယောဂီသည် သမာဓိ ထူထောင်ရန် သမထ ကို ရှေးဦးစွာ ကျင့်ရမည်။ထွက်သက် ၀င်သက်ကို ပကတိ အတိုင်းရှူ၍ နှာသီးဖျားမှာ ထားရမည်။ နှာသီးဖျားကို ထွက်လေ ၀င်လေ တိုးတိုင်းသိသိ နေအောင် သတိထား ရှုမှတ်ရမည်။ ငါ အပါယ်တံခါး ပိတ်လိမ့်မည် ဟူသောယုံကြည်ချက်ဖြင့် ထက်ထက်သန်သန် ရှုမှတ်နေရမည်။ ညောင်းအားကြီးလျှင် နေရာ ပြင်နိုင်သည်။ ရှုမှတ်ဖန်များလျှင် နိမိတ် တစ်ခုခု မြင်လာတတ်၏။ နှာသီးဖျားကို တိုးသော ထွက်လေ ၀င်လေ ကို သိအောင် ရှုမှတ်ဖန်များသောအခါ ထွက်လေ ၀င်လေသည် လေမြောင်းကြီးပမာ ဖြစ်ပေါ်ဟန် ထင်မြင်လာတတ်သည်။ ထွက်လေသည် နှာသီးဝ အပြင်သို့ တစ်ထွာ တစ်တောင် ရှည်ထွက်သွားပုံ၊ ၀င်လေသည် ချက်ထိအောင်ရောက်သွားပုံတို့ကို ထင်မြင်တတ်သည်။ နှာသီးဝမှာ ထွက်လေ ၀င်လေသည် မီးခိုးဖြူလို တစ်ခါ တစ်ခါ အဖြူခိုးနှင့် ရောလျက် ရွှေ မှုန့် ငွေ မှုန့်လို တစ်ခါ တစ်ခါ ပုလဲလုံးလေးလို အချို့ယောဂီများ ထင်မြင်တတ်ကြသည်။သမာဓိရင့်လာရင် ပုလဲလုံးလေးများအရောင်တောက်လာပြီး ထိုအရောင်ဖြင့် ၀မ်းထဲရှိ အရာများကိုပင်မြင်တတ်သည်။ အခြားအာရုံနိမိတ်များကိုလည်း မြင်တတ်သည်။ ထိုနိမိတ်တစ်ခုခု ပျောက်သွားလျှင် နှာသီးဝက ထွက်လေ ၀င်လေ ပြန်မှတ်ရမည်။ ထိုထင်လာသော နိမိတ်များကိုမူ နှစ်သက်ကျေနပ်မနေရပေ။ နိမိတ်ကို နှစ်သက်ကျေနပ်ပြီး မိမိကိုယ်ကို အထင်ကြီးနေလျှင် ကမ္မဋ္ဌာန်း အလုပ်ကို အနှောင့်အယှက်ဖြစ်တတ်သည်။ ထိုသို့တွေ့သော နိမိတ်အမျိုးမျိုးကို ဥဂ္ဂဟ နိမိတ်(ကြွတက်လာသောအာရုံ) ဟုခေါ်သည်။ ထိုနိမိတ်များမှ ထင်ရှားသော ဂုံညင်းခန့် ဥသျှစ်သီးခန့် နိမိတ် တစ်လုံးလုံးကို နှာသီးဖျားနှင့် တစ်တောင်ခန့်နေရာမှာ မြင်အောင် မျက်စိမှိတ်လျက် အာနာပါန ကိုရှု၊ ထိုနိမိတ်လုံးသည် အစတွင် မိမိထားလိုသော နေရာမှာ ရောက်လာသလိုလို ပျောက်သွားသလိုလိုထင်တတ်သည်။ ကြာသောအခါ မပျောက်တော့ဘဲ မျက်စိဖွင့်ကြည့်လျှင်ပင် မြင်နေတတ်၏။ သို့ရာတွင် မျက်စိမှတ်၍ စိတ်ဖြင့်မြင်အောင်ကြည့််ရသည်။ ကြည့်ဖန်များလျှင်သမာဓိ ခိုင်မြဲပြီး နိမိတ်လုံးသည် နေလအရောင်ထက်ပင် လင်းထိန် အေးမြ လာတတ်သည်။ ထို နိမိတ်သည် မိမိ ရှေ့မှာ တည်ငြိမ်နေလိမ့်မည်။ ထိုနိမိတ်ကို ပဋိဘာဂ နိမိတ်(သမထ ရှုရာတွင် နောက်ဆုံးထင်သော အာရုံ) ဟု ခေါ်သည်။ ထို ပဋိဘာဂ နိမိတ်ကို ကြည့် ရှုနေလျှင် ကြာလေ ထင်ရှားလေ၊ငြိမ်သက်အေးချမ်းလေ ဖြစ်ပြီး ပီတိ(နှစ်သက်မှု) ဖြစ်လာလိမ့်မည်။ ပီတိ ဖြစ်လျှင် သုခ (ချမ်းသာမှု)ဖြစ်၏။ ထိုသို့ သုခဖြစ်လျှင် ဧကဂ္ဂတာ(ခိုင်မြဲတည်တံ့မှု)ဖြစ်သည်။ ထိုအခါ ထိုပဋိဘာဂနိမိတ်အာရုံ ကိုမြင်သည်မှတပါး အခြားဘာကိုမျှ မမြင်တော့ပေ။ သို့ဖြစ်၍ ဈာန်အင်္ဂါ ငါးပါး(၀ိတက်.၀ိစာရ.ပီတိ.သုခ. ဧကဂ္ဂတာ)ပြည့်စုံပြီး ပထမဈာန်ဇောကျလေသည်။ ထိုပဋိဘာဂ နိမိတ်ကို ကြည့်မြင်နေသော ယောဂီမှာ သဘောတရားငါးမျိုးပါဝင်သော ပထမ ဈာန်စိတ် ဖြစ်လာသည်။ ပထမ ဈာန် ကိုရလာသည်ဟု ဆိုလိုသည်။ အာနာပါန သမထ မျှသာမဟုတ် အခြား မည်သည့်သမထ ကိုမဆို သမာဓိ ရအောင် ရှေးဦးစွာ ကျင့်ရပါမည်။

ဝိပဿနာ တက်၍ ရှုမှတ်နည်း။

ဆိုခဲ့သည် ဥဂ္ဂဟ နိမိတ်မျိုးကို ခပ်ကြာကြာမြင်ရလျှင် သမာဓိ အတော်အားကောင်းပြီးဖြစ်သည်။ ၀ိပဿနာ ကိုပြောင်းပြီး ရှုမှတ်မည်ဖြစ်သဖြင့် အာနာပါန ရှုခါနီးက ပြုသလို ကန်တော့ခြင်း၊ သီလ ဆောက်တည်ခြင်း တို့ကိုပြုရမည်။ ၀ိပဿနာတရားကိုငါရမည်ဟု ထက်သန်စွာ.ယုံကြည် စိတ်မွေးရမည်။ ထို့နောက် မိမိထိုင်တတ်သလို ထိုင်ပြီး (၁၀)မိနစ်ခန့် နှာသီးဖျား၌ ထွက်လေ ၀င်လေ ထွက်ခြင်း ဖြစ်ပေါ်ခြင်း ပျောက်သွားခြင်းသဘောတို့ကို အနိစ္စ (အမြဲမရှိ) ဟု ရှုမှတ်ရမည်။ (၁၀)မိနစ် (၁၅)မိနစ် ခန့်ရှိသောအခါ မိမိ၏ငယ်ထိပ်ကို အာရုံပြု၍ ငယ်ထိပ်မှာ စိတ်ထားရမည်။ ငါးမူးစေ့ ကျပ်စေ့ခန့်ရှိ ငယ်ထိပ်နေရာတွင် အေးခနဲ ပူခနဲ နွေးခနဲ တွေ့ရတတ်သည်။ စိတ်ကိုမလွင့်စေရ။ ငယ်ထိပ်နေရာမှ အာရုံသည် လှုပ်လာ ကြီးကျယ်ပွါးများလာတတ်သည်။ တရွရွ တဖွဖွ တဖွဲဖွဲ တသဲသဲ ဖြစ်လာတတ်သည်။ အာရုံအတွေ့ကို မျက်စိဖြင့် တွေ့မြင်ရခြင်းမဟုတ်၊ ဥာဏ်ဖြင့်တွေ့မြင်နေရခြင်း ဖြစ်သည်။ ဤသို့ ရုပ်နာမ်တို့ ၏ ဖြစ်ပျက် ခြင်းကို ရှုမှတ်ရာမှ နာမ ရူပ ပရိစ္ဆေဒ (ရုပ်နာမ်ကို ခွဲခြားမြင်မှု)ဥာဏ် စသော ဥာဏ်စဉ်များ အဆင့်ဆင့် ဖြစ်ပေါ်ပြီး တရားထူးကို ရရှိနိုင်ကြပါသည်။


မဟာစည်ဆရာတော်ဘုရားကြီး၏ ၀ိပဿနာရှုနည်း။

(ရဟန်းများ ပါတိမောက်သီလ နှင့် ပြည့်စုံပြီး လူပုဂ္ဂိုလ်များသည် အနည်းဆုံး ငါးပါးသီလ၊ ပြည့်စုံရမည်။ ယင်းနောက် တင်ပျဉ်ခွေထိုင်၊ အမျိုးသမီးများလည်း တင်ပျဉ်ခွေထိုင်နိုင်သည်။ မိန်းမထိုင် ကျုံ့ကျုံ့ထိုင်လိုက ထိုင်နိုင်သည်။ ခါးကိုမတ်မတ်ထား၍ ဘယ်လက်ဝါးဖြန့် အောက်ကထားပြီး ညာလက်ဝါးကို ဖြန့်၍ အပေါ်ကထားရမည်။ လက်မထိပ်နှစ်ခု ကို ထိရုံမျှ ထိထားရမည်။ ရှေ့တည့်တည့်မှာလည်း လက်နှစ်ဘက်ကို ယှဉ်ချထားနိုင်သည်။ ဘယ်ဒူးပေါ် ဘယ်လက်၊ညာဒူးပေါ် ညာလက် တင်၍လည်း ထိုင်နိုင်သည်။) ၀မ်းဗိုက်မှာ စိတ်ကိုထားရမည်။ အသက်ရှူသွင်းလိုက်လျှင် ဖောင်းတက်လာတာကိုတွေ့၍ အသက်ရှူထုတ်လိုက်သည့်အခါ ပိန်ကျသွားတာကို တွေ့လိမ့်မည်။ ဖောင်းတက်လာတာကို “ဖောင်းတယ် “ ၊ပိန်ကျသွားတာကို ”ပိန်တယ်” ဟုမှတ်ရမည်။ စိတ်ဖြင့်စိုက်ကြည့်ရုံနှင့် မထင်ရှားသေးလျှင် ဗိုက်ကိုလက်နှင့်ဖိထားရမည်။ အသက်ရှူတာကိုမပြင်ဘဲ နှေးအောင် မြန်အောင် တမင်အားမထုတ်ဘဲ ပကတိရှူမြဲအတိုင်း မှန်မှန်ရှူရမည်။ ထိုသို့ ရှူနေရင်း ဖောင်းတက်လာတာကို ”ဖောင်းတယ်”၊ ပိန်ကျသွားတာကို ”ပိန်တယ်” ဟု ဖောင်းတိုင်း ပိန်တိုင်း မပြတ်မှတ်နေရမည်။ ”ဖောင်းတယ်၊ပိန်တယ်” ဟု စိတ်ဖြင့်သာဆိုရမည်၊(၀ါ) စိတ်ဖြင့်သာ မှတ်ရမည်၊ ပါးစပ်ဖြင့်မဆိုရ။ ၀ိပဿနာဟူသည် အဆိုတွေ အမည်တွေက လိုရင်းမဟုတ်။ သိဖို့သာလိုရင်းဖြစ်သည်။ ထို့ကြောင့် စိတ်ဖြင့် ဆိုရုံနှင့် မပြီးသေးဘဲ ”ဖောင်းတယ်” ဟုမှတ်သည့်အခါ ဖောင်းစကနေပြီး ဖောင်းဆုံးတိုင်အောင် ဖောင်းတက်လာပုံကို မျက်စိဖြင့်မြင်သလို သေသေချာချာ သိသွားစေရမည်။ ”ပိန်တယ်” မှတ်သည့်အခါ ပိန်ကျသွားတာကို ပိန်စမှ ပိန်ဆုံးတိုင်အောင် မျက်စိဖြင့်မြင်သလို ထင်ထင်ရှားရှားသိသွားစေရမည်။ ”ဖောင်းတယ်” ဟုမှတ်လျှင် ဖောင်းတာ နှင့် အသိကပ်သွားစေရမည်။ ရှုမှတ်စရာ အာရုံနှင့် ရှုမှတ်လိုက်သည့် စိတ်သည် အံကျ ကိုက်ကိုက်သွားအောင် ဂရုစိုက်ပြီး မှတ်ရမည်။ ”ပိန်တယ်” ဟုမှတ်သည့်အခါ ပိန်တာနှင့် ရှုမှတ်တာ အံကျ ကိုက်သွားစေရမည်။ အခြား အထူးမှတ်စရာမရှိလျှင် ”ဖောင်းတယ်၊ပိန်တယ်” ဟုချည်း မှတ်နေရမည်။ ထိုသို့မှတ်နေစဉ် သမာဓိအားမကောင်းသေးခင် စိတ်က အပြင်ထွက်ထွက်သွားလိမ့်မည်။ ထိုစိတ်ကို ”သွားတယ်၊ သွားတယ်”၊ သို့မဟုတ် ”လွင့်တယ်၊လွင့်တယ်” ဟုလိုက်မှတ်ရမည်။ဤသို့ တစ်ချက် နှစ်ချက်မှတ်လိုက်လျှင် စိတ်သည်မလွင့်ဘဲ ရပ်သွားလိမ့်မည်။ ထိုအခါ ”ဖောင်းတယ်၊ပိန်တယ်” ဟု ပြန်မှတ်နေရမည်။ စိတ်ထဲမှာ လူတစ်ယောက်ယောက်နှင့်တွေ့လို့ စကားပြောနေမှ သတိရလျှင် ထိုစိတ်ကို ”ပြောတယ်၊ပြောတယ်” ဟု မှတ်၊ ဤ သို့ဖြင့် စိတ်ကူးလျှင် ”စိတ်ကူးတယ်”၊ စဉ်းစားလျှင် ” စဉ်းစားတယ်”၊ ကြံလျှင် ”ကြံတယ်”၊ သိလျှင် ”သိတယ်”၊ နှလုံးသွင်းလျှင် ”နှလုံးသွင်းတယ်”၊ ပျင်းလျှင် ”ပျင်းတယ်”၊ ပျော်လျှင် ”ပျော်တယ်”၊ ၀မ်းသာလျှင် ”၀မ်းသာတယ်”၊ စိတ်ပျက်လျှင် ”စိတ်ပျက်တယ်”ဤ သို့မှတ်ရမည်။ တစ်ချက်နှစ်ချက် မှတ်လိုက်ပြီးနောက် စိတ်ကိုမှတ်စရာမရှိလျှင် ”ဖောင်းတယ်၊ပိန်တယ်” ဟု ပြန်မှတ်ရမည်။ ထိုသို့မှတ်နေရင်း တံတွေးမျိုချင်လျှင် ” မျိုချင်တယ်” ဟုမှတ်၊ တံတွေးစုတာကို ”စုတယ်”၊ မျိုတော့ ”မျိုတယ်” ဟု မှတ်၊ တံတွေးထွေးချင်လျှင် ”ထွေးချင်တယ်”၊ ခေါင်းငုံ့တော့ ”ငုံ့တယ်”၊ ကြည့်သေးလျှင် ”ကြည့်တယ်”၊ မြင်လျှင် ”မြင်တယ်”၊ ထွေးတော့ ”ထွေးတယ်”ဟု မှတ်ပြီးလျှင် ”ဖောင်းတယ်၊ပိန်တယ်” ပြန်မှတ်ရမည်။ ထိုင်တာကြာလျှင် ညောင်းတာ ပူတာများ ဖြစ်လာလိမ့်မည်။ ညောင်းလျှင် ညောင်းတာကို သေသေချာချာ သိအောင် စိတ်စိုက်ပြီး ”ညောင်းတယ်၊ညောင်းတယ်” ဟုမှတ်၊ ပူလျှင် ” ပူတယ်”၊ နာလျှင် ”နာတယ်”၊ကျဉ်လျှင် ”ကျဉ်တယ်” ဟု ဒုက္ခ ဝေဒနာဖြစ်သမျှ အမည်အတိုင်း မှတ်ရ၏။ ထိုသို့ ညောင်းတာ ပူတာ စသည့် ဝေဒနာများ ဖြစ်ပေါ်လာလျှင် ”ညောင်းတယ်၊ညောင်းတယ်” စသည်ဖြင့် သည်းခံ မှတ်နေရမည်။ သည်းခံ မမှတ်ဘဲ ခဏခဏနေရာပြင်ပြင်နေလျှင် သမာဓိ မဖြစ်နိုင်၊ သမာဓိ မဖြစ်လျှင် ဥာဏ်မဖြစ်နိုင်၊ ဥာဏ်မဖြစ်လျှင် မဂ်ဖိုလ်နိဗ္ဗာန် မရောက်နိုင်။ ထို့ကြောင့် ညောင်းတာ ပူတာစသည့် ဝေဒနာများကို အတတ်နိုင်ဆုံး သည်းခံမှတ်နေရမည်။ ထိုသို့မှတ်နေလျှင် တော်ရုံတန်ရုံဝေဒနာများ ပျောက်သွားကြလိမ့်မည်။ သမာဓိဥာဏ်အားကောင်းသည့်အခါ အင်မတန်ကြီးကျယ်သည့်ဝေဒနာများပင် ပျောက်သွားတာကို တွေ့ကြရပါလိမ့်မည်။ အတော်ကြာအောင်မှတ်နေပါလျက် မပျောက်နိုင်ဘဲ မနေသာတော့၍ နေရာပြင်ချင်စိတ်ခဏခဏပေါ်နေလျှင် နေရာပြင်နိုင်သည်။ သို့ရာတွင် အမှတ်နှင့် နေရာပြင်ရမည်။ ပြင်ချင်တော့ ”ပြင်ချင်တယ်”၊လက်ကြွတော့ ”ကြွတယ်”၊ရွေ့တော့ ”ရွေ့တယ်”၊ စသည်ဖြင့်် ဖြည်းဖြည်းပြင်ရင်း ဖြစ်ပေါ်သမျှအမူအရာအားလုံးကိုမှတ်ရမည်။ နေရာပြင်ပြီးလျှင် ”ဖောင်းတယ်၊ပိန်တယ်” ပြန်မှတ်ရမည်။ ထိုသို့မှတ်နေရင်း တစ်နေရာရာက ယားလာလျှင် ယားသည့်နေရာကို စိတ်စိုက်ပြီး ”ယားတယ်၊ယားတယ်”ဟုမှတ်၊ အကြိမ်ကြိမ်မှတ်ပါလျက် မပျောက်လို့ အယားဖျောက်ချင်လျှင် ”ဖျောက်ချင်တယ်၊ဖျောက်ချင်တယ်” ဟု မှတ်၊ အယားဖျောက်ရန် လက်ကြွလာလျှင် ”ကြွတယ်၊ကြွတယ်”၊ ရွေ့လျှင် ”ရွေ့တယ်”၊ယားသည့်နေရာကိုထိတော့ ”ထိတယ်”၊ အယားဖျောက်တော့ ”ဖျောက်တယ်၊ဖျောက်တယ်”၊ လက်ပြန်ရွေ့တော့ ”ရွေ့တယ်”၊ တစ်နေရာရာကို ထိတော့ ”ထိတယ်” မှတ်ရမည်။ ပြီးလျှင် ”ဖောင်းတယ်၊ပိန်တယ်” ပြန်မှတ်နေရမည်။ ဤသို့ ဂရုစိုက်မှတ်နေစဉ် ကိုယ်ထဲ အခံခက်သည့် ဝေဒနာများ အလိုလိုပေါ်လာလိမ့်မည်။ တရားမရှုမှတ်သော ပုဂ္ဂိုလ်များကား နည်းနည်းလေး ညောင်းလာပူလာလျှင် အမှတ်အသိမရှိဘဲ ရွေ့လိုက် ပြင်လိုက်ကြ၏။ ထို့ကြောင့် ဆင်းရဲတာတွေ ထင်ထင်ရှားရှား မဖြစ်လိုက်ကြရပေ။ ဤကား ဆင်းရဲဒုက္ခများကို ဣရိယာပုထ် (နေပုံအမူအရာ) များက ဖုံးကွယ်ထားခြင်း ဖြစ်သည်။ ပြောင်းလဲ နေထိုင်ပုံအမျိုးမျိုးက ဖုံးကွယ် ဖုံးကွယ်သွား၍ လူများ၏ ကိုယ်တွင်းမှာ ဆင်းရဲဒုက္ခများ ရှိနေမှန်းမသိကြခြင်းဖြစ်သည်။ တစ်နေ့လုံး တစ်ညလုံး နေထိုင်ကောင်းနေသည်ဟု ထင်နေကြခြင်း ဖြစ်သည်။ ယောဂီများကား ကိုယ်ထဲက တရားများကို အရှိအတိုင်း မြင်အောင် မှတ်နေသဖြင့် ဒုက္ခများကို ထင်ရှားစွာ တွေ့မြင်လာခြင်း ဖြစ်သည်။ ထိုင်ရာက ထ မည်ကြံလျှင်လည်း ”ထချင်တယ်၊ထချင်တယ်” မှတ်၊ လက်ခြေတွေပြင်တော့ ”ကြွတယ်၊ရွေ့တယ်၊ ဆန့်တယ်၊ ထိတယ်၊ ထောက်တယ်” စသည်ဖြင့် အစဉ်အတိုင်းမှတ်လျက် ဖြည်းဖြည်းလေးထပြီး အမူအရာတိုင်းကို သိအောင်မှတ်ရမည်။ မြန်မြန်ပြုမူလျှင် လေ့ကျင့်စ သတိဥာဏ်ကလေးဖြင့် မှီအောင် မှတ်နိုင်တော့မည် မဟုတ်ပေ။ ထိုသို့ ထပြီး၍ ရပ်မိသည့်အခါ ”ရပ်တယ်၊ရပ်တယ်” ဟု မှတ်၊ ဟိုသည်ကြည့်မိပြန်လျှင် ”ကြည့်တယ်၊မြင်တယ်၊ ကြည့်တယ်၊ မြင်တယ်” ဟု မှတ်။ သွားသည့်အခါ ခြေလှမ်းကို မှတ်ရဦးမည်။ ညာဘက်ခြေက လှမ်းလျှင် ”ညာလှမ်းတယ်”၊ ဘယ်ဘက်ခြေက လှမ်းလျှင် ”ဘယ်လှမ်းတယ်” ဟူ၍ ခြေကြွသည်က စပြီး ခြေချသည်အထိ ရွေ့ရွေ့သွားသည့် အမူအရာကို အစဉ်အတိုင်းသိအောင်မှတ်ရမည်။ ”ညာလှမ်းတယ်၊ဘယ်လှမ်းတယ်၊ ညာလှမ်းတယ်၊ဘယ်လှမ်းတယ်” ဟူ၍ တစ်လှမ်း တစ်လှမ်း တစ်ခါ တစ်ခါ မှတ်ရမည်။ ဤကား မြန်မြန်သွားသည့်အခါ ခပ်ဝေးဝေးသွားရသည့်အခါ မှတ်ပုံတည်း။ ဖြည်းဖြည်းသွားသည့်အခါ၊ စင်္ကြံလျှောက်သည့်အခါ ခြေတစ်လှမ်းတွင် သုံးပိုင်းရှိသည်။ ခြေကြွတာက တစ်ပိုင်း၊ လှမ်းတာက တစ်ပိုင်း၊ ခြေချလိုက်တာက တစ်ပိုင်း ဖြစ်သည်။ ထိုတွင် ကြွတာနှင့် ချတာ နှစ်ပိုင်းကို စပြီး မှတ်ရမည်။ ခြေကြွတော့ ”ကြွတယ်” ဟု ကြွတက်လာပုံကို သေသေချာချာ သိအောင်မှတ်ရမည်။ နင်းချလိုက်တော့ ”ချတယ်” ဟု တရွေ့ရွေ့ ခြေကျသွားပုံကို သိအောင်မှတ်ရမည်။ ”ကြွတယ်၊ချတယ်၊ကြွတယ်၊ချတယ်” ဟူ၍ ခြေတစ်လှမ်း တစ်လှမ်း ကို နှစ်ချက် နှစ်ချက် မှတ်ရမည်။ နှစ်ရက်လောက် မှတ်ပြီးက လွယ်ကူပြီး ကျင့်သားရလာလိမ့်မည်။ ထိုအခါ သုံးချက်မှတ်ရမည်။ ”ကြွတယ်၊လှမ်းတယ်၊ချတယ်”၊ ”ကြွတယ်၊လှမ်းတယ်၊ချတယ်” ဟု သုံးချက် သုံးချက် မှတ်သွားရမည်။ ကြွတက်လာသည့် အမူအရာ၊ တရွေ့ရွေ့လှမ်းနေသည့်အမူအရာ၊ တဖြည်းဖြည်း ပိကျသွားသည့် အမူအရာများကိုသိအောင် ရှုမှတ်ရမည်။ ထိုသို့သွားနေစဉ် ထိုင်ချင်လာလျှင် ”ထိုင်ချင်တယ်၊ထိုင်ချင်တယ်” ဟုမှတ်၊ လှမ်းကြည့်မိလျှင် ”ကြည့်တယ်၊မြင်တယ်” ဟုမှတ်၊ထိုင်မည့်နေရာသို့ သွားလျှင် ”ကြွတယ်၊ချတယ်” ”ကြွတယ်၊ချတယ်” မှတ်၍သွားရမည်။ ထိုင်မည့်နေရာရောက်၍ ရပ်လျှင် ”ရပ်တယ်၊ရပ်တယ်” ဟုမှတ်၊ လှည့်လျှင် ”လှည့်တယ်၊လှည့်တယ်” မှတ်၊ ထိုင်ချင်စိတ်ပေါ်လာလျှင် ”ထိုင်ချင်တယ်၊ထိုင်ချင်တယ်” ဟုမှတ်၊ ထိုင်ချလိုက်တော့ ကိုယ်ကြီးလေးလေးပြီး ကျသွားတာကို စူးစိုက်လျှက် ”ထိုင်တယ်၊ထိုင်တယ်၊ထိုင်တယ်” ဟုမှတ်၊ထိုင်မိ၍ လက်ခြေတွေကိုပြင်လျှင်လည်း ရွေ့လျှင် ”ရွေ့တယ်”၊ ကွေးလျှင် ”ကွေးတယ်”၊ ဆန့်လျှင် ”ဆန့်တယ်” ဟူ၍ အမူအရာတိုင်းကို တစ်ခုမကျန် မှတ်ရမည်။ ဘာမျှ အပြုအပြင်မရှိဘဲ ငြိမ်နေပြီဆိုလျှင် ”ဖောင်းတယ်၊ပိန်တယ်၊ဖောင်းတယ်၊ပိန်တယ်” ဟု မှတ်နေရမည်။ လှဲအိပ်ချင်လျှင်လည်း ”အိပ်ချင်တယ်၊အိပ်ချင်တယ်” ဟု မှတ်၊ လှဲအိပ်ကာနီး လက်ခြေပြင်တာများကိုလည်း အကုန်လုံးမှတ်ရမည်။ လက်ကြွတော့ ”ကြွတယ်”၊ ရွေ့လျှင် ”ရွေ့တယ်”၊ ထောက်လျှင် ”ထောက်တယ်”၊ ကိုယ်ကြီးက ယိမ်းလာလျှင် ”ယိမ်းတယ်၊ယိမ်းတယ်”၊ ခြေဆန့်လျှင် ”ဆန့်တယ်၊ဆန့်တယ်”၊ လှဲအိပ်လိုက်သည့်အခါကျတော့ ”အိပ်တယ်၊အိပ်တယ်” ဟုမှတ်ပြီး ဖြည်းဖြည်းခြင်း လှဲအိပ်သွားရမည်။ ဟိုဘက် သည်ဘက်စောင်းလျှင်လည်း ”စောင်းတယ်၊စောင်းတယ်” ဟုမှတ်ရမည်။ ဘာမျှ အပြုအပြင်မရှိ ငြိမ်နေပြီဆိုလျှင် ”ဖောင်းတယ်၊ပိန်တယ်” ဟုမှတ်နေရမည်။ဤသို့မှတ်နေတုန်း စိတ်ကလွင့်သွားလျှင် ထိုင်တုန်း က မှတ်သလို လွင့်လျှင် ”လွင့်တယ်”၊ ရောက်လျှင် ”ရောက်တယ်”၊ ကြံလျှင် ”ကြံတယ်” စသည်ဖြင့်မှတ်ရမည်။ စိတ်သည် တစ်ချက် နှစ်ချက်မှတ်လိုက်လျှင် ပျောက်သွားတတ်၏။ ထိုအခါ ”ဖောင်းတယ်၊ပိန်တယ်” ပြန်မှတ်နေရမည်။ အမှတ်ကို လွှတ်ပြီးမအိပ်ရပေ။ မှတ်ရင်း မှတ်ရင်း အိပ်ပျော်သွားစေရမည်။ အမှတ်က နိုင်လျှင် အိပ်မပျော်ဘဲ နေတတ်သည်။ အိပ်ချင်တာနိုင်လျှင်လည်း အိပ်ပျော်သွားတတ်သည်။ အိပ်ချင်လျှင်လည်း ”အိပ်ချင်တယ်၊အိပ်ချင်တယ်”၊ မျက်စိမှေးလာလျှင် ”မှေးတယ်၊မှေးတယ်”၊ လေးလာလျှင် ”လေးတယ်၊လေးတယ်” ဟုမှတ်၊ အားထုတ်စမှာ လှဲအိပ်တာ မများစေရပေ။ ထိုင်မှတ်၊ စင်္ကြံမှတ်တာက များစေရမည်။ ယောဂီသည် အိပ်ပျော်သွားလျှင် ဘာကိုမျှ အမှတ်မရတော့ပေ။ ယောဂီ နားနေချိန်ဖြစ်သည်။ တကယ်တမ်းတရားအားထုတ်လျှင် သုံးနာရီ လေးနာရီထက်ပိုပြီး အိပ်မနေသင့်ပေ။ လေးနာရီအိပ်လျှင် ကောင်းကောင်းလုံလောက်ပါသည်။ အိပ်ပျော်ရာက နိုးလာလျှင် နိုးကတည်းက ”နိုးတယ်၊နိုးတယ်” ဟု မှတ်ပြီးလျှင် ”ဖောင်းတယ်၊ပိန်တယ်”ဆက်မှတ်ရမည်။ အသံကြားလျှင် ”ကြားတယ်၊ကြာတယ်” မှတ်၊ ပြီးတော့ ”ဖောင်းတယ်၊ပိန်တယ်” မှတ်၊ ဟိုဘက်သည်ဘက် စောင်းတာ ပြင်တာတွေကိုလည်း ပြုပြင်ချင်သည့် စိတ်ကူးကလေးကစပြီး ”ပြင်ချင်တယ်၊ပြင်တယ်၊စောင်းချင်တယ်၊စောင်းတယ်၊ လှည့်ချင်တယ်၊လှည့်တယ်၊ ကွေးချင်တယ်၊ကွေးတယ်” စသည်ဖြင့်မှတ်ရမည်။ ဘယ်အချိန် ရှိလိမ့်မလဲ ဟု စဉ်းစားလျှင်လည်း ”စဉ်းစားတယ်” ဟုမှတ်ရမည်။ အိပ်ရာက ထဖို့ကြံလျှင် ”ထချင်တယ်၊ထချင်တယ်” ဟုမှတ်၊ လက်ခြေပြင်တာ၊ခေါင်းထောင်ပြီး ထလာတာများကိုလည်း ”ပြင်တယ်၊ပြင်တယ်”၊ ”ထတယ်၊ထတယ်”၊ ထိုင်တော့ ”ထိုင်တယ်”၊ လက်ခြေပြင်တာများကိုလည်း ”ပြင်တယ်၊ပြင်တယ်” ဟု မှတ်၊ ငြိမ်ငြိမ်လေး ထိုင်နေပြီ ဆိုတော့ ”ဖောင်းတယ်၊ပိန်တယ်”ပြန်မှတ်။မျက်နှာသစ်၊ရေချိုးစဉ်မှာလည်းမှတ်နိုင်သမျှ မှတ်ရမည်။အ၀တ်အစား ၀တ်တာ၊ အိပ်ရာနေရာပြင်တာ၊ တံခါးပိတ်တာ၊ဖွင့်တာများကိုလည် အားလုံးမှတ်ရမည်။ ထမင်းစားသည့်အခါ ထမင်းပွဲကြည့်တာက စပြီး ”ကြည့်တယ်၊မြင်တယ်”မှတ်။ ထမင်းပွဲဆီ လက်လှမ်းလျှင် ”လှမ်းတယ်၊လှမ်းတယ်”၊ ထမင်းနှင့်လက် ထိတော့ ”ထိတယ်”၊ ထမင်းစုလျင် ”စုတယ်”၊ ထမင်းလုတ်ပြင်တော့ ”ပြင်တယ်”၊ ထမင်းလုတ်ကို ဆုပ်ကိုင်တော့ ” ကိုင်တယ်၊ကိုင်တယ်”၊ ထမင်းလုတ်ကို မြှောက်ပြီး ယူလာတော့ ”ယူတယ်၊ယူတယ်”၊ ခေါင်းငုံ့တော့ ”ငုံ့တယ်”၊ ခွံ့တော့ ”ခွံ့တယ်”၊ လက်ပြန်ချတော့ ”ချတယ်”၊ ပန်းကန်ပြားနှင့်ထိတော့ ”ထိတယ်”၊ခေါင်းပြန်ထောင်တော့ ”ထောင်တယ်”၊ ၀ါးတဲ့အခါ အချက်တိုင်းကို ”၀ါးတယ်၊၀ါးတယ်” အရသာကို သိတော့ ”သိတယ်၊သိတယ်”၊ ကောင်းလျှင် ”ကောင်းတယ် ကောင်းတယ်”၊ မျိုချလိုက်တော့ ”မျိုတယ်၊မျိုတယ်” ဟုမှတ်။ ဤကား ထမင်းတစ်လုတ်စားတုန်း မှတ်ပုံတည်း။ နောက်ထမင်းလုတ်များကိုလည်း ထိုနည်းအတိုင်းမှတ်ရမည်။ ဟင်းရည် သောက်လျှင်လည်း ကြည့်တာ မြင်တာ လက်လှမ်းတာ ဇွန်းကိုင်တာ ကော်တာ ခပ်တာ ယူလာတာ သောက်တာ မျိုတာ အကုန်လုံး သူ့အမည်အတိုင်းမှတ်ရမည်။ မှတ်ခါစတွင် မမှတ်လိုက်တာ မေ့သွားတာတွေ များစွာရှိလိမ့်မည်။ ကျင့်သားရလာသည့်အခါမှ အကုန်လုံး စေ့စပ်အောင် မှတ်နိုင်မည်ဖြစ်သည်။ ရှေးက ဘုရား ရဟန္တာများ နိဗ္ဗာန်သွားခြင်းသည် ဤ၀ိပဿနာလမ်းကချည်း သွားခြင်းဖြစ်သည်။ ၀ိပဿနာမပါဘ နိဗ္ဗာန်ကို မသွားနိုင်ကြ။ တရားနာနေရင်း မဂ်ဖိုလ် နိဗ္ဗာန်ရရောက်သည်ဆိုရာ ၌ နည်းနည်းတော့ ရှုမှတ်သွားသေးသည်။ ထို့ကြောင့် ၀ိပဿနာဟူသည် ဘုရား ရဟန္တာ အရိယာများ၏ နိဗ္ဗာန်သွား လမ်းမကြီးဖြစ်သည်။ သို့ဖြစ်၍ အပြည့်အစုံအားထုတ်ပြီး နိဗ္ဗာန်ကို မဂ်ဥာဏ် ဖိုလ်ဥာဏ်ဖြင့် လျင်မြန်စွာ ဆိုက်ရောက်၍မျက်မှောက် ပြုနိုင်ကြပါစေကုန်သတည်း။

မိုးကုတ်ဆရာတော်ဘုရားကြီး၏ ၀ိပဿနာရှုနည်း။

တရားအားမထုတ်ခင် ကြိုတင်ပြုလုပ်ရမည့် အမှုကိစ္စ(၅)မျိုးရှိသည်-
၁။ တရားအားထုတ်စဉ်အတွင်း မိမိကိုယ်ကို ဘုရားအားလှူပါ၏ ဟု လှူထားရမည်။
၂။ ဆရာမိဘတို့ကို ကံသုံးပါးဖြင့် ပြစ်မှားမိခဲ့ပါက ထိုအပြစ်တို့ ပျောက်စေခြင်းငှာ ၀န်ချတောင်းပန်ကန်တော့ပါ၏ ဟု ဆို၍ ကန်တော့ရမည်။
၃။ ကိုယ်စောင့်နတ်၊ အိမ်စောင့်နတ်၊ မြို့စောင့်နတ်၊သာသနာစောင့်နတ်နှင့်တ ကွ၊ သတ္တ၀ါအပေါင်းတို့ကျန်းမာချမ်းသာကြပါစေဟု မေတ္တာပို့ရမည်။
၎။ရှေးဘ၀ယခုဘ၀ပြုသမျှကုသိုလ်ဒါနတို့သည်ငါအလိုရှိသောမဂ်ဖိုလ်နိဗ္ဗာန်သို့ရောက် စေခြင်းငှာ လျင်မြန်စွာကျေးဇူးပြုပါစေသတည်းဟု ဆိုရမည်။
၅။ ငါသည်ဘ၀များစွာက သေခဲ့လှပြီ။ယခုဘ၀မသေခင်မှာ တရားအားထုတ်မှပဲ ဟု သေခြင်းတရားကို ပွါးများရမည်။

သမာဓိရရုံလောက်သာ သမထကကိုအားထုတ်ပြီး သမာဓိရလျှင် ၀ိပဿနာပြောင်း၍ အားထုတ်ရမည်။ ၀ိပဿနာပြောင်းခြင်းဟူသည် သမထ(သမာဓိ)လမ်းမှ ၀ိပဿနာ(ပညာ)လမ်းသို့ စိတ်လွှတ်ပြီး ရုပ်နာမ်တို့၏ ဖြစ်ပျက်မှုလက္ခဏာကို ဆင်ခြင်နေခြင်းဖြစ်သည်။ တရားအားထုတ်ရန် တင်ပလ္လင်ခွေထိုင်ရမည်။ ခါးကိုရှေ့မငိုက်၊ နောက်မငိုက်၊ ဘေးမစောင်းစေဘဲ ဖြောင့်ဖြောင့်မတ်မတ် ထားရမည်။ ကိုယ်ကိုတောင့်မထားဘဲ ခပ်လျော့လျော့ထိုင်ရမည်။ ခြေထောက်ချင်းဖိညှပ်မထားဘဲ ကြာကြာထိုင်နိုင်သောနည်းဖြင့်ထိုင်ရမည်။ ယောဂီသည် နှစ်သက်ရာ ဣရိယာပုထ်(အိပ် ထိုင် ရပ် သွား)ဖြင့် ထိုင်နိုင်သည်။ သို့သော် ထိုင်ခြင်း ဣရိယာပုထ်က သမာဓိကို ရလွယ်စေသည်။ ယင်းနောက် ၀င်သက်ထွက်သက်ကို မှန်မှန် ရှူရှိုက်ရမည်။ ပြင်းပြင်းထန်ထန်မြန်မြန် ရှူရှိုက်လျှင် မိမိကိုယ်ကို ညှဉ်းဆဲရာ ကျလိမ့်မည်။ သို့ဖြစ်၍ မှန်မှန် နှင့် လေ ကို ၀ အောင်ရှူရမည်။ နှာသီးဖျား၊ အထက်နှုတ်ခမ်း၊ ရင်ညွှန့် ကြိုက်ရာ နေရာမှာ စိတ်ကိုထားရမည်။ သတိမလစ်စေဘဲ ၀င်လေထွက်လေ ထိတာကို သိသိနေစေရမည်။ အခြား ဘယ်အာရုံကိုမျှ စိတ်မရောက်စေရပါ။ ၀င်လေ ထွက်လေ ရှူသည့်အခါ နှာခေါင်းဖြင့် ရှူရမည်။ ပါးစပ်က ရှူရမည်။ နှာခေါင်းက ရှူသည့်အခါ ဘယ်ဘက်က ရှူတယ်၊ ညာဘက်က ရှူတယ်ဆိုတာတွေကို လိုက်နေရန်မလို။ သမာဓိရဖို့သာလိုသည်။ ၀င်လေ ကိုရှူသည့်အခါ နှာသီးဖျားအစ၊ ရင်ညွှန့်အလယ်၊ ချက်အဆုံး ၀င်လေ ရောက်တာကိုသိရမည်။ လေကိုထုတ်သည့်အခါလည်း ချက်အစ ရင်ညွန့်အလယ်၊နှာသီးဖျားအဆုံး ထွက်လေကိုသိရမည်။ ထိုသို့ အသိကို လိုက်ပြီး အားထုတ်လျှင် သမာဓိရနိုင်သည်။ (၁၅)မိနစ်မျှနှင့်ပင် သမာဓိကို ထူထောင်နိုင်သည်။ ထိုသို့ ရှု ရှိုက်နေရာတွင် ရှူရှိုက်တာက ရုပ်၊ရှူရှိုက်နေမှုကိုသိတာက နာမ်ဟု သိခြင်းသည် နာမရူပပရိစ္ဆေဒ(ရုပ်နာမ်ကို ခွဲခြားသိမှု) ဥာဏ်ဖြစ်သည်။ ၀ိသုဒ္ဓိလို ပြောရလျှင် ဒိဋ္ဌိဝိသုဒ္ဓိ(အမြင်စင်ကြယ်ခြင်း)ဖြစ်သည်။အာရုံနှင့် သိမှတ်စိတ်ကို တည့်နေအောင် ရှုမှတ်ရမည်။ စဉ်းစား တွေးကြံမှု မပြုရ၊အခြားအာရုံဝင်မလာအောင်ထိန်းရမည်။ ဤသို့ဖြင့် သမာဓိအားကောင်းလာသည့်အခါ ၀ိပဿနာကို ပြောင်းပြီး ရှုမှတ်ရမည်။ ၀ိပဿနာဟူသည် နာမ်ရုပ်လက္ခဏာဖြစ်ပေါ်မှုကို ဆင်ခြင်ခြင်း ဖြစ်သည်။ ဤခန္ဓာသည် ပဋိသန္ဓေက စပြီး သေသည့်တိုင်အောင် မပြတ်မစဲထပ်တလဲလဲ ဖြစ်ပျက်နေသည်။ တရားထိုင်တာ ကြာလာလျှင် ရုပ်ဖေါက်ပြန်ပြီး ဝေဒနာပေါ်လာတတ်သည်။ ညောင်းလာလျှင်ညောင်းတာ၊ညောင်းမှန်းသိတာ နှစ်မျိုးကို ဖြစ်ပြီးပျက်သွားတာပဲဟု သိရမည်။ ထိုသို့သိသည့်အခါ ညောင်းသည့်ရုပ်နှင့် ညောင်းမှန်းသိသည့်စိတ် မရှိတော့ဘဲ ချုပ်ပျောက်သွားကုန်ပြီဟု နောက်ဥာဏ်က သိရမည်။ ညောင်းတာကိုပြုပြင်မပေးသမျှ ပြောင်းရွေ့ ပြုပြင်ချင်စိတ်ပေါ်လာလိမ့်မည်။ ထိုအခါ ဆန့်ချင် ကွေးချင် ပြောင်းချင် ရွေ့ချင်စိတ်ဖြစ်တာကို သိမှတ်ပါ။ ထိုသို့သိချိန် ထိုဆန့်ချင် ကွေးချင်သော ရုပ်နာမ်များ မရှိတော့တာကို ထပ်ပြီးသိမှတ်ပါ။ ဤသို့သိနေတုန်း အသံတစ်ခု ကြားလိုက်လျှင် ကြားပြန်ပြီဟု သိမှတ်ပါ။ တစ်ခုခုပေါ်လာတိုင်း ပေါ်လာတိုင်း သိပြီး ဖြစ်ပြီး ပျက်သွား ပျောက်သွားပါကလားဟု သိရမည်။ ဤသို့ အသိတရားတွေ ကျဲနေရာကနေ စိပ်သည်ထက် စ်ိပ်လာတာကို ဥာဏ်ဖြင့်မှတ်ပါ။ တဖြည်းဖြည်းရုပ်နာမ်တွေ တစ်ခုပြီးတစ်ခုဖြစ်ပြီး ပျက်သွားတာကို သတိဖြင့် စိုက်ကြည့်ကတွေ့လိမ့်မည်။ အနိစ္စ၊ ဒုက္ခ၊ အနတ္တ-ဟု ပါဠိလို ရွတ်မနေဘဲ ဖြစ်ပြီး ပျက်သွားပါကလားဟု တစ်ခုတည်းကိုသာ သတိဖြင့် စိုက်ပြီးကြည့်နေလျှင် ဆင်းရဲသည့်သဘော၊ အစိုးမရသည့်သဘောကို ပိုပြီးထင်မြင်လာလိမ့်မည်။ ဤသို့မိမိခန္ဓာကိုယ်မှာ ပေါ်တိုင်း ပေါ်တိုင်း ဖြစ်ပျက်တွေကို ရှုကြည့်ဖန်များလာလျှင် မိမိခန္ဓာကိုယ်ကို ရွံ့မုန်းလာစိတ်၊ စွန့်လွှတ်ချင်စိတ် ဖြစ်လာလိမ့်မည်။ ဖြစ်ပျက် ဒုက္ခ နှင့်မကင်းနိုင်ဘဲ အို နာ သေ ဒုက္ခများ နှင့် တွေ့ကြုံရဦးမည်ဟု ကြောက်ရွံ့ပြီး မိမိခန္ဓာကိုယ်ကို ရွံ့မုန်းလာလိမ့်မည်။ ဖြစ်ပျက်ကို ရှုဖန်များလာလျှင် လောဘ ဒေါသ မောဟ များတဖြည်းဖြည်း ခေါင်းပါးပြီး နောက်ဆုံးလွင့်ပျောက် ခန်းခြောက်သွားသည်အထိဖြစ်ပျက်ဆုံးအောင် ပွါးများအားထုတ်ရမည်။ ဖြစ်ပျက် ရှုဖန်များလာလျှင် ရုပ်နာမ်ကိုခွဲခြားသိသည့် နာမရူပ ပရိစ္ဆေဒဥာဏ်၊ဤရုပ်နာမ်သည် အကြောင်းတရားကြောင့်ဖြစ်ပေါ်လာသော အကျိုးတရား ဖြစ်ပြီး၊အကြောင်းလည်း ဖြစ်ပျက်၊ အကျိုးလည်း ဖြစ်ပျက် ဟုဆင်ခြင်ကာ အကြောင်းကိုသိမ်းဆည်းသိမြင်နိုင်သော ပစ္စယပရိဂ္ဂဟဥာဏ်၊ ရုပ်နာမ်တို့၏ ဖြစ်ပျက်ပုံကို မမြဲ ဆင်းရဲ အစိုးမရ ဟု ဆင်ခြင်သုံးသပ်သော သမ္မသနာဥာဏ်၊ ဖြစ်ဆဲ ရုပ်နာမ်တို့၏ ခဏမစဲ တသဲသဲ ဖြစ်ပျက်နေမှုကို ရှုမြင်သော ဥဒယဗ္ဗယဥာဏ်၊ ထိုသို့ ရှုဖန်များလာသည့်အခါ အပျက်ကိုသာ သိမြင်သော ဘင်္ဂဥာဏ်၊ ရုပ်နာမ်တို့၏ ပျက်မှု ချုပ်မှုကိုသာ မြင်နေသဖြင့် ကြောက်ဖွယ်ဘေးကြီး ဟု ထင်မြင်သော ဘယဥာဏ်၊ ချုပ်ပျက်မှု စသောအပြစ်တွေကိုသာ မြင်သော အာဒီန၀ဥာဏ်၊ ရုပ်နာမ်ခန္ဓာကိုယ်ကိုငြီးငွေ့သော နိဗ္ဗိဒါဥာဏ်၊ ထိုရုပ်နာမ်သင်္ခါရတို့မှ လွတ်မြောက်လိုသော မုစ္စိတုကမျတာဥာဏ်၊ရုပ်နာမ်တို့၏ မမြဲ ဆင်းရဲ အစိုးမရမှုကို အလွန်ထင်မြင်သော ပဋိသင်္ခါဥာဏ်၊ ရုပ်နာမ် သင်္ခါရ တို့ကို မချစ် မမုန်း လျစ်လျူရှုသော သင်္ခါရုပေက္ခာဥာဏ်၊ရှေ့ဥာဏ် နောက်ဥာဏ်တို့ကို မမြဲ ဆင်းရဲ အစိုးမရသော သဘောဖြင့် အစ မှ အဆုံး၊ အဆုံးမှ အစ ရှေ့ပြန် နောက်ပြန် ရှုပွါးသည့်အခါ နှစ်ဥာဏ်လုံးသင့်လျော်သော အနုလောမဥာဏ်များ ဖြစ်ပေါ်လာလိမ့်မည်။ ဤသို့ စသည်ဖြင့် ဥာဏ်စဉ်အဆင့်ဆင့်တက်ပြီး မဂ်ဥာဏ်ဖိုလ်ဥာဏ်ရကာ နိဗ္ဗာန်ကို မျက်မှောက်ပြုနိုင်ကြပေလိမ့်မည်။

Read More!

ဖန်ဆင်းရှင်သုံးဦး

ဖန်ဆင်းရှင်သုံးဦး
သားတို့သမီးတို့စဉ်းစားပါ၊ အရမ်းတော့မယုံစရာ၊
စာမေးပွဲမှာအောင်လိုက၊ စာကြိုးစားလိုက်ကြ၊
ဇွဲနဲ့လုံ့လအရင်းခံ၊ ကြိုးစားအချိန်မှန်မှန်၊
ထိုသူဧကန်ချမ်းသာပွား၊ ပညာစီးပွားကောင်းကျိုးများ၊
မကြိုးစားဘဲအပျင်းထူ၊ ဆုပဲတောင်းနေသူ၊
ကယ်မည့်သူဘယ်မရှိ၊ သေချာဒုက္ခရောက်မည်သိ၊
ကိုယ်၏စွမ်းအားကိုယ်ကိုး၊ သေချာကြီးပွားတိုးတက်မှာ၊
ဗုဒ္ဓမြတ်စွာဟောညွှန်ကြား၊ ကောင်းကျိုးလိုလားကျင့်စေသား၊
ကံဥာဏ်ဝီရိယစွမ်းအင်များ၊ ဖန်ဆင်းရှင်လို့မှတ်စေသား - တဲ့။
အရှင်ဇ၀န (မေတ္တာရှင်- ရွှေပြည်သာ)

Read More!

ထွဋ်ခေါင်ဆရာတော်ဘုရားကြီး၏ ကမ္မဌာန်းသံပေါက် လင်္ကာများ


ထွဋ်ခေါင်ဆရာတော်ဘုရားကြီး၏ ကမ္မဌာန်းသံပေါက် လင်္ကာများ

၁။ သဗ္ဗေသတ္တာ၊ ဝေနေယျာ၊ သံသာရှည်လှပြီ။
၂။ အတည်ကျကျ၊ ဘယ်ဘ၀၊ ရကြမရှိပြီ။
၃။ ရအံ့နိုးနိုး၊ လောဘမျိုး၊ အကျိုးယုတ်လှပြီ။
၎။ သုံးပါးညီးညီး၊ လောင်မီးကြီး၊ ဖိစီးလှလေပြီ။
၅။ လောင်မှန်းမသိ၊ မောဟဖိ၊ မိုက်မိလှလေပြီ။
၆။ ပိုးဖလံမျိုး၊ မီးကိုတိုး၊ ကိုယ်ကျိုးနည်းလှပြီ။
၇။ ကာမဂုဏ်မွဲ၊ သည်မိုက်ခဲ၊ မခွဲနိုင်ကြပြီ။
၈။ မခွဲနိုင်ကြ၊ လူ့ဗာလ၊ မိုက်စသိမ်းသင့်ပြီ။
၉။ ဂင်္ဂါသဲတူ၊ ပွင့်တော်မူ၊ ဆူဆူများလှပြီ။
၁၀။ များအသင်္ချေ၊ ရှင်စောထွေ၊ ရှောင်သွေလွဲခဲ့ပြီ။
၁၁။ တစ်ဆူမသင့်၊ တစ်ဆူသင့်၊ ဖူးခွင့်တွေ့ထိုက်ပြီ။
၁၂။ မတော်မတရား၊ ကျင့်ဖောက်ပြား၊ မိုက်အားကြီးလှပြီ။
၁၃။ အလိုမလိုက်၊ သည်အမိုက်၊ ပယ်ထိုက်သင့်လှပြီ။
၁၄။ မပယ်မချိုး၊ ဆင်ကန်းတိုး၊ ဟုတ်နိုးထင်လှပြီ။
၁၅။ ဟုတ်နိုးသမှု၊ ထင်တိုင်းပြု၊ ယခုတိုင်ခဲ့ပြီ။
၁၆။ တရားလက်လွတ်၊ ငှက်တောင်ကျွတ်၊ ၀ဋ်နှင့်မကင်းပြီ။
၁၇။ မနုဿတ္တ၊ ဒုလ္လဘ၊ မရများလေပြီ။
၁၈။ အရတော်စွ၊ သည်ဘ၀၊ လှလှကျင့်ထိုက်ပြီ။
၁၉။ ကြုံကြိုက်တော်စွာ၊ သာသနာ၊ ရောင်ဝါထွန်းလှပြီ။
၂၀။ သတိရရ၊ မြတ်ပုည၊ ပြုရကောင်းသင့်ပြီ။
၂၁။ တစ်နေ့တစ်နေ့၊ နက်ဖြန်ရွေ့၊ မမေ့ကောင်းသင့်ပြီ။
၂၂။ ငါ့ကိုယ်ငါ့သား၊ ငါ့မယား၊ ထင်မှားလှလေပြီ။
၂၃။ ထင်မှားတတ်စွာ၊ သက္ကာယာ၊ မိစ္ဆာကင်းသင့်ပြီ။
၂၄။ ငါးခုခန္ဓာ၊ ရုပ်နမ်မှာ၊ မှန်စွာ မှတ်သင့်ပြီ။
၂၅။ သမ္မသန၊ ဥာဏ်အစ၊ ထင်လှသင့်ကြပြီ။
၂၆။ နင်ဖြင့်နင့်ကိုယ်၊ ဆုံးမယဆို၊ နင့်ကိုယ်အမှုသည်။
၂၇။ နင်မဆုံးမ၊ နင့်တာပ၊ ဘယ်ကခံလိမ့်မည်။
၂၈။ နှလုံးဖုံဖုံ၊ ထုံတုံတုံ၊ နင့်ပုံကြော့ကြမ်းသည်။
၂၉။ နင်နှင့်နင့်ကံ၊ စီရင်ဖန်၊ အမှန်ဖြစ်တော့သည်။
၃၀။ ယခုနင့်ကိုယ်၊ နင့်အလို၊ ဘယ်ကိုပြည့်စုံသည်။
၃၁။ နင့်ကိုယ်နင်နှစ်၊ နင့်အပြစ်၊ နင်ဖြစ်ခံရမည်။
၃၂။ နင့်ကိုနင့်အား၊ နင်မသနား၊ နင်မှားရှာတော့သည်။
၃၃။ ဒါနသီလာ၊ ဘာဝနာ၊ နင်သာပြုသင့်သည်။
၃၄။ ဇာတိဇရာ၊ မရဏာ၊ မကြာနင်တွေ့မည်။
၃၅။ မျက်တောင်တစ်ယှက်၊ လျှပ်တစ်ပြက်၊ နင့်သက်သေလိမ့်မည်။
၃၆။ ဘယ်နှစ်ဘယ်လ၊ ရောက်ခါမှ၊ ကာလမရွေးပြီ။
၃၇။ ကြီးငယ်မဟူ၊ ကိုယ့်ရွယ်တူ၊ ခုမူသေလှပြီ။
၃၈။ အမှန်သေရိုး၊ ထိုလူမျိုး၊ ကြောက်စိုးရွံ့သင့်ပြီ။
၃၉။ မသွင်းနှလုံး၊ အထင်ရှုံး၊ ပျက်ပြုန်းလှလေပြီ။
၄၀။ ခန္ဓာကြွေလျော်၊ ရှိပြန်သော်၊ ပူဇော်ကောင်းလှပြီ။
၄၁။ သွားကျိုးဆံဖြူ၊ ရှိပါမူ၊ ဘယ်သူမကြောက်ပြီ။
၄၂။ ဤသည့်မယား၊ ဤသည့်သား၊ မီးပွားမှန်တော့သည်။
၄၃။ ခယ၀ယ၊ ဘိဇ္ဇန၊ ပျက်ကြလှလေပြီ။
၄၄။ အပ္ဗိယေဟိ၊ ပိယေဟိ၊ ဒုက္ခိကြုံလေပြီ။
၄၅။ ဒုက္ခအထွေထွေ၊ တပေပေ၊ ခံနေရလေပြီ။
၄၆။ နိဗ္ဗာန်သာခေါင်၊ ဘေးမဲ့သောင်၊ ရောက်အောင်ပြုသင့်ပြီ။
၄၇။ မပြုပါဘဲ၊ နင်ရှောင်လွဲ၊ နင်ပဲမိုက်လှသည်။
၄၈။ ယုတ္တိယုတ္တာ၊ နင်ဆင်ကာ၊ ဟန်သာနင်များသည်။
၄၉။ ဘုရားသွားသွား၊ ကျောင်းသွားသွား၊ စိတ်ထားနင်မကြည်။
၅၀။ ဒါနသီလာ၊ နင်ပြုခါ၊ စေတနာဇောမကြည်။
၅၁။ သို့ပင်ပြုလို၊ နင့်ကုသိုလ်၊ ဘယ်ကိုသွားလိမ့်မည်။
၅၂။ လောကုတ္တရာ၊ မြိုက်သြဇာ၊ နင်သာဝေးလှသည်။
၅၃။ ဇောစိတ်သန်သန်၊ ကုသိုလ်မှန်၊ နင်ကြံပြုရမည်။
၅၄။ သို့ပြုမှသာ၊ သည်ခေမာ၊ နင်သာနီးရမည်။
၅၅။ ဤသို့စုံစေ့၊ ပြန်လှန်၍၊ စေ့စေ့နှလုံးတည်။
၅၆။ အနမတဂ္ဂ၊ သံသာရ၊ ကြာလှလေကုန်ပြီ။
၅၇။ ဂင်္ဂါဝါဠု၊ ပမာပြု၊ သဲစု မကပြီ။
၅၈။ တဏှာ၏နောက်၊ တကောက်ကောက်၊ လိုက်ထောက်မသင့်ပြီ။
၅၉။ တဏှာမြစ်မ၊ ပင်လယ်ဝ၊ နစ်ကြလေကုန်ပြီ။
၆၀။ တဏှာလည်းပွား၊ ဒုက္ခများ၊ သွား၍မဆုံးပြီ။
၆၁။ တဏှာပို့တင်၊ ပါယ်လေးခွင်၊ လျင်စွာရောက်လေပြီ။
၆၂။ သေမင်းနိုင်ငံ၊ အဖန်ဖန်၊ လိုက်ပြန်ရလေပြီ။
၆၃။ ဝေဘူတောင်မျှ၊ ပမာပြ၊ အရိုးမကပြီ။
၆၄။ နစ်တုံပေါ်တုံ၊ သုံးပါးဘုံ၊ ကြုံပြန်ရလေပြီ။
၆၅။ ချမ်းသာမငွေ့၊ ဆင်းရဲတွေ့၊ ငြီးငွေ့သင့်လှပြီ။
၆၆။ အ၀ိဇ္ဇန္ဓ၊ သည်မောဟ၊ ညှဉ်းဆဲလှပေပြီ။
၆၇။ နီဝရဏ၊ ဆီးတားကြ၊ လမ်းစ မဆုံးပြီ။
၆၈။ ဂတိငါးပါး၊ ဆုံလည်နွား၊ သွား၍မဆုံးပြီ။
၆၉။ ဘ၀တိုင်းသေ၊ သင်္ချိုင်းမြေ၊ ပွားစေလှလေပြီ။
၇၀။ လမ်းကောက်လည်းသွား၊ လူအများ၊ အမှားကြိုက်ခဲ့ပြီ။
၇၁။ လမ်းကြောင်းမမှန်၊ မြတ်နိဗ္ဗာန်၊ ဧကန်လွဲခဲ့ပြီ။
၇၂။ ဘ၀မဆုံး၊ ဒုက္ခတုံး၊ လုံးလုံး ခံရပြီ။
၇၃။ လောကမျက်ရှူ၊ သဗ္ဗညု၊ ယခုရှိရဲ့ မင်း။
၇၄။ ဘုရားဖြစ်ခါ၊ သာသနာ၊ ရောင်ဝါတ၀င်းဝင်း။
၇၅။ မနုဿတ္တ၊ ဒုလ’ဘ၊ ရအောင်ခဲကြမင်း။
၇၆။ ဗြဟ္မာ့ပြည်က၊ အပ်ကိုချ၊ မြေကအပ်တစ်စင်း။
၇၇။ အပ်သွားချင်းသာ၊ ထိဖွယ်ရာ၊ ပမာမှတ်ကြမင်း။
၇၈။ နိယျာနိက၊ မြတ်ဓမ္မ၊ ကြားရခဲ၏မင်း။
၇၉။ သဒ္ဓါဗလ၀၊ ဒုလ’ဘ၊ ရအောင်ခဲကြမင်း။
၈၀။ အရတော်ခိုက်၊ လူတစ်ဝိုက်၊ ခဲလိုက်ကြကုန်မင်း။
၈၁။ ကိုယ့်ဖို့မရ၊ သည်နောင်တ၊ ဖြစ်တတ်ကြ၏မင်း။
၈၂။ ဤသို့ဘ၀၊ ဖြစ်သမျှ၊ ရမည်ခဲ၏မင်း။
၈၃။ ထူးမြတ်စွာလှ၊ လူ့ဘ၀၊ နှမြောကြကုန်မင်း။
၈၄။ မြတ်သည်ကိုမှ၊ မသိကြ၊ ဗာလနှလုံးသွင်း။
၈၅။ ဗာလဖြစ်က၊ လူ့ပါပ၊ ကြာကြကုန်ပြီမင်း။
၈၆။ လူဖြစ်ကျိုးမှ၊ မခံရ၊ ရှူံးလှချေ၏မင်း။
၈၇။ ဘ၀တိုင်းရှူံး၊ လူ့ကျောက်တုံး၊ စုန်းစုန်းမြုပ်၏မင်း။
၈၈။ စုန်းစုန်းမြုပ်ခါ၊ မပေါ်လာ၊ ကြမ္မာမှောက်၏မင်း။
၈၉။ နိဗ္ဗာန်လမ်းစ၊ ဤသို့ပြ၊ မှတ်ကြနှလုံးသွင်း။
၉၀။ ကလျာဏမိတ္တ၊ ပဏ္ဍိတ၊ ပေါင်းဖော်ရ၏မင်း။
၉၁။ ထိုကလျာဏ၊ ဆိုဆုံးမ၊ လိုက်နာရ၏မင်း။
၉၂။ ယောနိသောမန၊ သိကာရ၊ နေ့ညနှလုံးသွင်း။
၉၃။ သီလဓုတင်၊ ဆောက်တည်လျှင်၊ သည်တွင်အစမင်း။
၉၄။ အလောဘ အဒေါသ အမောဟ နိက္ခမ ၀ိဝေက နိဿရဏ၊ ဤခြောက်ဝ၊ အလိုရှိကြမင်း။
၉၅။ ရွှေပြည်သနစ်၊ သာသည့်ခေတ်၊ စိစစ်ကြကုန်မင်း။
၉၆။ ရွှေပြည်ချမ်းသာ၊ စံချင်ရှာ၊ ဆိတ်ငြိမ်ရာသို့ချဉ်း။
၉၇။ အနိစ္စကောင်၊ ဒုက္ခကောင်၊ အနတ္တကောင်၊ အသုဘကောင်၊ ထင်အောင် နှလုံးသွင်း။
၉၈။ အနိစ္စတုံး၊ ဒုက္ခတုံး၊ အနတ္တတုံး၊ အသုဘတုံး၊ လုံးလုံး နှလုံးသွင်း။
၉၉။ ဤသို့ထင်မှ၊ မဂ်လမ်းစ၊ ရမည်မှတ်စင်းစင်း။
၁၀၀။ မဂ္ဂင်ဖောင်ကြီး၊ တက်၍စီးမှ၊ ပြည်ကြီးအမတ၊ နိရောဓ၊ ရမည်မှတ်ကြမင်း။
၁၀၁။ ယခုဘ၀၊ မသိကြမူ၊ အမတမည်ခေါ်၊ ရွှေပြည်တော်၊ အစော်မနံလျှင်း။

အရတော်စွ ၊ သည်ဘ၀ ၊ လှလှကျင့်ထိုက်ပြီ ။
ကြုံကြိုက်တော်စွာ ၊ သာသနာ ၊ ရောင်ဝါထွန်းလှပြီ ။
သတိရရ ၊ မြတ်ပုည ၊ ပြုကြကောင်းသင့်ပြီ ။
တနေ့ တနေ့ ၊ နက်ဖြန်ရွေ့  ၊ မမေ့ ကောင်းသင့်ြ့ပီ ။
( ထွဋ်ခေါင်ဆရာတော် )

ငါ့ကိုယ် ငါ့သား ၊ ငါ့မယား ၊ ထင်မှားလှလေပြီ ။
ထင်မှားတတ်စွာ ၊ သက္ကာယာ ၊ မိစ္ဆာကင်းသင့်ပြီ ။
ငါးခုခန္ဓာ ၊ ရုပ်နာမ်မှာ ၊ မှန်စွာမှတ်သင့်ပြီ ။
သမ္မသန ၊ ဉာဏ်အစ ၊ ထင်လှသင့်ကြပြီ ။
( ထွဋ်ခေါင်ဆရာတော် )

Read More!

ဝိပဿနာ ညစ်ညူးကြောင်း ဆယ်မျိုး


ဝိပဿနာ ညစ်ညူးကြောင်း ဆယ်မျိုးကို ပဏ္ဍိတဝေဒနီယကျမ်းနောက်မှ ရေးသားသော အဘိဓမ္မတ္တသရူပဒီပနီ ကျမ်း၌ ပို၍ ပြည့်စုံစွာ ဖော်ပြထားသည်။

၁။ သြဘာသ = အရောင်အလင်း၊
၂။ ပီတိ = အလွန်ပီတိဖြစ်ခြင်း၊
၃။ ပဿဒ္ဓိ = ကိုယ်စိတ်နှစ်ပါး အလွန်အေးငြိမ်းနေခြင်း၊
၎။ အဓိမောက္ခ = အလွန်ကြည်လင်၍ သဒ္ဓါဖြစ်ခြင်း၊
၅။ ပဂ္ဂဟ = အလွန်ဝီရိယ မျှတခြင်း၊
၆။ သုခ = အလွန်ရွှင်လန်း ချမ်းသာခြင်း၊
၇။ ထက်မြက်ခြင်း၊
၈။ ဥပဋ္ဌာန = အလွန် သတိထင်ခြင်း၊
၉။ ဥပေက္ခာ = ဥပေက္ခာ အားကောင်းခြင်း၊ (ဟန်ချက်ညီခြင်း)
၁၀။ နိကန္တိ = (ယင်းသို့ ဖြစ်ရသည်များကို) နှစ်သက်သာယာခြင်း။

အထက်ပါဆယ်မျိုးတွင် အရောင်အလင်း နှင့် စပ်၍ ဤသို့ မှတ်ချက် ပေးတော်မူ၏။
အရောင်သြဘာသကား ပုဂ္ဂိုလ်တိုင်းမှာ မဖြစ်။ ဈာနလာဘီ သမာဓိ ကြီးထွားသော ပုဂ္ဂိုလ်တို့မှာ ဖြစ်တတ်၏။ သူတစ်ပါး မမြင်ရဘဲ မိမိသာ ဖြင်ရသော စိတ်ကြည် စိတ်လင်း၊ ဥာဏ်ကြည် ဥာဏ်လင်း အရောင်လည်း ဖြစ်ပေါ်လာတတ်၏။ သူတစ်ပါးတို့ပါ မြင်ကောင်း လောက်အောင် ကိုယ်ရောင်လည်း ထွက်တတ်၏။

Read More!

ဆရာတော်ကြီးများ၏မဂ်၊ဖိုလ်အကြောင်း ရှင်းလင်းချက်

မင်းကွန်းဆရာတော်ဘုရား၏ ဖိုလ်စိတ်အကြောင်း ရှင်းလင်းချက်

ဖိုလ်ဝင်စားတာ ထိုင်ရပ်လည်းဝင်စားနိုင်တယ်၊ ရပ်ပြီးလည်းဝင်စား နိုင်တယ်၊ လမ်းလျှောက်ပြီး လည်းဝင် စားနိုင်တယ်၊ လဲလျောင်းပြီးလည်း ၀င်စားနိုင်တယ်။တခြားစိတ်တွေမဖြစ်ပဲ ဒီဖိုလ်စိတ်နဲ.တစိတ်ပြီး တ စိတ် ဆက်ပြီးဖြစ်တာကို ဖိုလ်ဝင်စားတယ်ခေါ်တယ်။

ုအပ္ပာနာဇောများသည် ဣရိယာပုတ်ကိုလည်း ထောက်ပံ.ခိုင်ခံစေ၏ဒီလို ရှေ.ကနိသာယ ပြန်ခဲ.တယ်။အဲဒီမှာ အပ္ပာနာဇောများသည် ဣရိယာပုတ်ကိုလည်း ထောက်ပံ.၏ဟုဒီလိုကလေးများအနက်ပြန်ခဲ.ရင် ပိုဟန်ကျ မယ်လိုထင်ပါ၏။ အဲဒီမှာ အပ္ပာနာဇောများသည်ဣရိယာပုတ်ကိုလည်းပဲ ဆိုသည်.စကားဖြင်.စိတ်ကြောင်. ဖြစ်သော ရုပ်ရိုးရိုးကိုလည်းဖြစ်စေတယ်။လျောင်းသောအခြင်းအရာ၊ ထိုင်သောအခြင်းအရာ၊ ရပ်သောအခြင်း အရာ၊ သွားသောအခြင်းအရာတွေနှင်.စိတ်အထူးထူးကိုဖြစ်စေတယ်။ ဣရိယာပုတ်တွင် ကြာကြာနေနိုင်အောင်
ဒီစ်ိတ်ကကျေးဇူးပြုနိုင်တယ်။

အဲဒီမှာ ထောက်ပံခိုင်ခံစေနိုင်တယ်ဆိုတဲ. အဲဒီစကားကိုယူပြီးတော. ဖလသမာပတ်နှင်.ပတ်သတ်ပြီးသော အလွဲလွဲ အချော်ချော်တွေကိုစဉ်းစားနိုင်အောင်ဖြစ်ပါတယ်။ ထောက်ပံခိုင်ခံစေ ၏်ဆိုသော နိသာယ ဆရာတော် ကြီးများ၏အနက် ကိုကြည်.ပြီးတော. တချို.ဘာဖြစ်တယ်မဆိုနိုင်ဘူး၊ တခါတည်းမလှုပ်မရှပ်ပဲ ထိုင်နေတာတွေ အဲဒါကို ဖလသမာပတ်ဝင်စားတယ်လိုယနေ.လောက တချို.တချို.ဌာန တွင် သမုတ်ကြတယ်၊ပြောကြတယ်။ ဟုတ်ပါတယ်။တချိန်ကအဲဒီလိုဖလသမာပတ် ၀င်စားတယ်ဆိုတဲ. သူငယ်ကလေးတယောကိုတွေ.ဘူးတယ်။ အဲဒီသူငယ်လေးရဲ.ဆရာတော်က ကိုယ်တော် ဒီကလေးကိုကြည်.စမ်း၊ ဟေ.ကောင်မင်း ဖလသမာပတ်ဝင်စား ပြလိုက်စမ်းလို သူ.ဘုန်းကြီးကပြောတာပဲ။အဲဒီ အခါကျတော. ကလေးက ပကတိ မျက်တောင်လေး ခတ်ရာက မ ခတ်တော.ပဲ.ထွက်လေးဝင်လေ အာနာပါနလုပ်သလို အမူအရာပါပဲ။ ဒါကိုရှုတဲ. အမူအရာပြတယ်။ တော.ကြ တော. မျက်စိတွေမှိတ်ပြီးတော. မေ.သလိုဖြစ်သွားတယ်။ ကိုယ်တော် အဲဒါကိုဖလသမာပတ်ဝင်စားတယ်လို၊ သူ.လက်ကိုစမ်းကြည်.စမ်း ဘယ်လောက်ခိုင်သလဲဆိုတာနဲ. ဘုန်းကြီးကစမ်းကြည်.တယ်။ အဲဒါနဲ.သူ.လက်က လေးထားရာက မကြည်.တယ်။ ဘုန်းကြီးကမ မပြီဆိုရင်သူ.က အောက်ဖိတဲ.ပုံ မလိုက်ဖိလိုက် မလိုက်ဖိလိုက် ပေါ.။သူ.ကအောက်ကိုတအားဖိထားတယ်။ ဒါကြောင်.ဣရိယာပုတ်ခိုင်တဲ.ဆိုတာ ဒါကိုပြောတာပဲကို။ အမှန် ကတော. အပ္ပာနာဇောများသည်ဣရိယာပုတ်ကိုလည်း ထောက်ပံ.၏။ခိုင်ခံ.စေ၏ ဒါပေမယ်.မြောက်လိုမရ အောင်ဖြစ်တဲ. သဘောမျိုးမဟုတ်ဘူး။ သူတို.ကမြောက်လိုမရအောင်ဖြစ်တယ်လိုယူတယ်။ သူ.ကအံကြိတ်ပြီး ပြန်ပြီးဖိတဲ.ပုံပေါ်နေတယ်။ ဒါနဲ.စဉ်းစားကြည်.တယ်။

ကလေး ရဲ.ပကတိအားနဲ.ဆိုလိုချင်လျင် သူ.ကပြန်ပြီးဖိပေမယ်. ငါ.အထက်မြောက်ဆွဲလိုရှိလျှင်ပကတိက လေးရဲ. အားဆိုလျှင်ကြွပြီးတော. တမိုက်လောက် တထွာလောက်မြောက်ပါရမယ်။ အဲဒီလိုပါအောင်သူကိုဆွဲမမြောက်နိုင်ဘူး၊ဒါပကတိကလေးရဲ.အင်အားမဟုတ်ဘူး။ဖလသမာပတ်ကလေးရှင်ရဲ.ဘုန်းကြီးကိုအရှင်ဘုရားရဲ.က
လေးကိုဖလသမာပတ်ကမထစေနဲ.အုံးဆိုပြီးတော.ဘုန်းကြီးကအ၀ိဇိကဂုဏ်တော်တို.ဘာတို.
ရွတ်ပြီးခေါင်းကလေး
ပွတ်ပေးတယ်။အဲဒီလိုပွတ်ပေးတော.တော်တော်ကြာတော.ကလေးကသတိရလာတယ်။တွေး
ထားတဲ.အရာတခုက
တော.ဖလသမာပတ်မဟုတ်ဘူး။အဲဒီလိုမေ.ပြီးတော.သွားအောင်အဲဒီလိုအထင်ကြီး
အောင်လုပ်နည်းတခုခုရှိတယ်လို
အောက်မေ.တယ်။


အတုအယောင်တွေ.ပေါ.များသော ခေတ်မှာ အတုအယောင်တွေခွဲခြားတတ်အောင် ဖိုလ်စိတ်အ ကြောင်း ဗဟုသုတကိုတင်ပြပေးလိုက်ပါတယ်
------------------------------------------------------------------------------------
မဟာစည်ဆရာတော်၏နိဗ္ဗာန်အာရုံသို့ကူးသွားရှင်းလင်းချက်

ဤသို့ တက်လိုက်ကျလိုက်နဲ့ ဖြစ်နေသော ၀ိပသနာဥာဏ် သည် ပင်လယ်ကူး သဘောင်္မှ လွှတ်လိုက်သော ငှက်နှင့်တူ၏။ တူပုံကား ရှေးခေတ် ကာလက ပင်လယ် ခရီးသည်တို့သည် ကမ်းစကျွန်း နီးရာအရပ်ကို မမှန်းဆ နိုင်သောအခါ၌ အသင့် ယူဆောင်ခဲ့သော ကျီးငှက်ကို လွှတ်လိုက်၍ စူးစမ်းကြ သတဲ့။ ထိုငှက်သည် သဘောင်္မှ ပျံသွား၍ အရပ်လေးမျက်နှာ၌ ကမ်းစကို ရှာသတဲ့။ ကမ်းကို မတွေ့ရ သေးလျင် သဘောင်္သို့သာ ပြန်၍ ပြန်၍ နားရသတဲ့။ နိဗ္ဗာန်ကို မျက်မှောက်ပြုလျက် မဂ်ဥာဏ် ဖြစ်လောက်အောင် ဥာဏ်အား မပြည့်သေး၍ တဖန် ကျဲကျဲ သွားခြင်းသည် ကမ်းစကို မတွေ့ရသော ထိုငှက်၏ သဘောင်္ကို ပြန်ပြန် ကပ်နားခြင်းနှင့် တူ၏။ ကမ်းအရပ်ကို မြင်လျင်ကား ထိုငှက်သည် သဘောင်္ဆီသို့ မပြန်လာ တော့ဘဲ ထိုကမ်းဆီ သို့သာလျင် တဟုန်တည်း ပျံသွားသတဲ့။ ဤအတူပင် ဤမှတ်သိမှု ၀ိပဿနာ ဥာဏ်သည်လည်း က္ကနြေ္ဒငါးပါး ရင့်သန်သော ခဏ၌ အမှတ် အထူး ကောင်းနေစဉ် အတွင်းမှာပင် တစ်ကြိမ်ထက် တစ်ကြိမ် သာ၍ သွက်လက် ရှင်းလင်းစွာ အနည်းဆုံး သုံးလေးခါမျှ သိမြင်ပြီးလျင် ထိမှု သိမှု ကြားမှု မြင်မှု စားမှု နံမှု စသောဤသင်္ခါရ ၆ မျိုးတို့တွင် (တွေ့ကြုံ လွယ်ရာကို ရှေးထား၍ စဉ်သည်) ထိုခဏ၌ ထင်ရှား ဖြစ်ပျက်သော သင်္ခါရ တစ်မျိုးမျိုးကို မှတ်သိပြီး သည်နှင့် တစ်ပြိုင်နက် မှတ်တဲ့ အာရုံနှင့် မှတ်သိမှု ဟူသော သင်္ခါရ အလုံးစုံ ကင်းပြတ် ချုပ်ငြိမ်းသော နိဗ္ဗာန်ကို မျက်မှောက် တွေ့မြင်လျက် မဂ်ဖိုလ် အဆင့်သို့ သာလျှင် ဆိုက်ရောက်သွား လေတော့၏။

ဤသို့ ဆိုက်ရောက် သွားသော သူအား ဆိုက်ရောက် ခါနီးတွင် ရှေးအဖို့က တစ်ကြိမ်ထက် တစ်ကြိမ် သွက်လက် ကောင်းမွန်သော မှတ်ချက်များလည်း ကောင်းစွာ ထင်ရှားပေ၏။ နောက်ဆုံး မှတ်ချက်၏ အခြားမဲ့၌ သင်္ခါရ အာရုံ အလုံးစုံကို စွန့်လွှတ်ပြီးလျင် သင်္ခါရ ကင်းပြတ် ချုပ်ငြိမ်းသော နိဗ္ဗာန် အာရုံသို့ ကူးပြောင်း သွားပုံလဲ ကောင်းစွာထင်ရှား၏။ ထို့ကြောင့်ပင်လျှင် ထိုသို့ရောက်ပြီးသော သူတို့သည် ဤသို့ ပြောပြတတ်ကုန်၏။ “အာရုံနဲ့ အမှတ်တွေ အကုန်လုံးတိကနဲ ပြတ်ပြီး ရပ်စဲသွားသည် “ဟူ၍လည်းကောင်း၊”အာရုံနဲ့ အမှတ်တွေ အကုန်လုံး ပြုတ်ကျသွားသည်” ဟူ၍ လည်းကောင်း၊ “ဆွဲကိုင်ထားရာမှ လွတ်ကျ သွားသလိုပင် အာရုံနှင့် အမှတ်တွေမှ ကျွတ်လွတ်သွားသည်” ဟူ၍လည်းကောင်း၊ “အာရုံနဲ့ အမှတ်တွေ ချုပ်ပြတ်သွားပုံက မီးတောက်ကလေး ငြိမ်းသွားသလိုပင် သိပ်လျင်မြန်တာပဲ” ဟူ၍လည်းကောင်း၊ “အမှောင်ထဲမှ အလင်းထဲသို့ ရုတ်တရက် ရောက်သွားသလိုပင် အာရုံနှင့် အမှတ်တွေမှ လွတ်သွားသည်” ဟူ၍လည်းကောင်း၊’အရှူပ်ထဲမှ အရှင်းထဲသို့ ဖြုတ်ကနဲ ရောက်သွားသလိုပင် အာရုံနှင့် အမှတ်တွေမှလွတ်ထွက်သွားသည်” ဟူ၍လည်းကောင်း၊ “ရေထဲမှာ မြုပ်သွားသလိုပင် အာရုံရော မှတ်စိတ်ရော မြုပ်သွားသည်” ဟူ၍လည်းကောင်း၊ “ပြေးလာသော သူကို ဆီး၍ တွန်းလိုက်သလိုပင် အာရုံနှင့် အမှတ် ရပ်တန့် သွားသည်” ဟူ၍လည်းကောင်း၊ “အာရုံရော မှတ်စိတ်ရော ပျောက်သွားသည်” ဟူ၍ လည်းကောင်း ဤသို့ စသည်ဖြင့် ပြောပြတတ်ကြပေသည်။

သင်္ခါရ ချုပ်ငြိမ်းတဲ့ သဘောကို မျက်မှောက်တွေ့ရသော ထိုအချိန် ကာလ သည်လည်း မကြာမြင့် လှချေ။ တစ်ကြိမ် တည်းသော မှတ်သိမှု၏ ကာလကဲ့သို့ တစ်ခဏ ကလေးမျှ သာတည်း။ထို့နောင် ထိုသို့ ဖြစ်ပုံကို ပြန်၍ ဆင်ခြင်မိ၏။ အာရုံနှင့် အမှတ်တွေ ချုပ်ကင်းလျက် ငြိမ်းသွားတာဟာ တရားထူးပဲ ဟူ၍ ဖြစ်စေ၊ မဂ်ဖိုလ်နိဗ္ဗာန်ပဲ ဟူ၍ဖြစ်စေ၊ ဆင်ခြင်မိ၏။ အချို့သော သုတရှိသူ သည်ကား သင်္ခါရ ချုပ်ကင်းလျက် ငြိမ်းတဲ့ သဘောက နိဗ္ဗာန်ပဲ၊ ငြိမ်းရာသို့ ဆိုက်ရောက်လျက် မျက်မှောက် သိတာက မဂ်ဖိုလ်ပဲ၊ ငါသည် နိဗ္ဗာန်ကို မျက်မှောက်တွေ့ရပြီ၊ သောတပတ္တိမဂ်ဖိုလ် ရပြီ ဟု ဆင်ခြင်မိ၏။ ဤသို့သော ဆင်ခြင်မှုမှာ သင်္ခါရ ချုပ်ငြိမ်းမှုသို့ ဆိုက်ရောက်ပုံကို နာကြား မှတ်သားဖူးသော သူအား ကျန ပြည့်စုံစွာ ဖြစ်တတ်၏။ ထို့ပြင် ပယ်ပြီး ကင်းပြီးသော ကိလေသာ မပယ်ရသေး မကင်းသေးသော ကိလေသာတို့ကိုလည်း အချို့ ပုဂ္ဂိုလ်တို့သည် ဆင်ခြင် တတ်သေး၏။ ဆင်ခြင်ပြီးလျှင် ဖြစ်ဆဲ ကိုယ်စိတ် အမူအရာများကို မှတ်မြဲပင် မှတ်ပြန်၏။ ထိုအခါ၌ ရုပ်နာမ် အဖြစ်အပျက် များသည် ခပ်ကြမ်းကြမ်း ဖြစ်လျက် ထင်ပေါ်၏။ အစနှင့်အဆုံး အဖြစ်နှင့် အပျက် နှစ်ပါးလုံးပင် ပီပီသသ ထင်ရှား၏။ ထို့ကြောင့် အမှတ် ကျဲသွားသည် လျှောကျ သွားသည် ဟုထင်ရ၏။ အမှန်အားဖြင့်လည်း ဥဒယဗ္ဗယ ဥာဏ်သို့ ပြန်ရောက် နေပြီဖြစ်၍ လျောကျသည် မှန်ပေ၏။ထိုဥာဏ်သည် ဥဒယဗ္ဗယဥာဏ် ဖြစ်သောကြောင့် အလင်းရောင်နှင့် ပုံသဏ္ဍာန် အာရုံများကိုလည်း တွေ့ရတတ်၏။ အချို့မှာ ဒုက္ခ ဝေဒနာ ကလေးများ ကိုလည်း တစ်ခဏမျှ တွေ့ရတတ်၏။ အများ အားဖြင့်ကား အလွန်ကြည်လင်သော စိတ်များ အဆက်ဆက် ဖြစ်ပေါ်လျက် ရှိတတ်၏။ ထိုအခါမှာ ဟင်းလင်းပြင်၌ စိတ်တကိုယ်တည်း တည်နေရသလိုပင် ဟာတာ ရှင်းတင်းကြီး ဖြစ်လျက် အလွန်ချမ်းသာ၏။ အလွန်နေကောင်း၏။ ထိုစိတ် များကိုလည်း မမှတ်နိုင်။ မှတ်သော်လည်း ပိုင်းပိုင်းခြားခြား မသိနိုင်၊တခြားကိုလည်း စိတ်မကူးလို၊ စိတ်ကူး၍လည်း မဖြစ်နိုင်ဘဲ ကြည်လင် ချမ်းသာ လျက်သာ ရှိတတ်သည်။ ကြည်လင်သော ထိုစိတ်များ အားနည်းသွားသော အခါ၌ ဆက်၍ မှတ်လျင် အဖြစ်အပျက်ကို ရှင်းလင်းစွာ သိ၏။ အတန်ကြာလျှင် အသိမ်မွေ့ဆုံး အကောင်းဆုံး မှတ်သိမှုသို့ တဖန် ပြန်၍ရောက်တတ်၏။ ထိုအခါမှာ ဥာဏ်အားကောင်းလျှင် သင်္ခါရငြိမ်းတဲ့ သဘောသို့ ရှေးကလိုပင် ဆိုက်ရောက်သွားတတ်၏။ သမာဓိဥာဏ်ထက်သန်လျှင် ဤနည်းဖြင့် ခဏခဏလည်း ဆိုက်ရောက်တတ်၏။ ယခုကာလပုဂ္ဂိုလ်များမှာ ပထမ မဂ်ဖိုလ်ကိုရရန်သာ အဓိက ရည်ရွယ်ချက် ရှိသောကြောင့် ရောက်ပြီးသော ပထမဖိုလ်သို့သာလျှင် ထပ်ကာထပ်ကာ ရောက်ခြင်းပေတည်း။ ဤသည်ကား သောတာပတ္တိဖိုလ်သို့ ရောက်ပြီးသည့်တိုင်အောင် အားထုတ်ပုံ မှတ်စဉ်နှင့် ဥာဏ်ဖြင့်တွေ့မြင်ပုံပေတည်း။

Read More!

ရှင်က၀ိ(စွန်းလွန်း)ဆရာတော်အမေးနှင်.အဖြေ


ရေလယ်ဆရာတော်နှင့် ညောင်လွန့်တောရ ဆရာတော်တို့သည် တရားထူးရလျှင် အသိပေးကြ စတမ်း ကတိအရ ရှင်က၀ိအကြောင်း စာရေးလျှောက်ထားသဖြင့် ညောင်လွန့်ဆရာတော် မိတ္ထီလာသို့ ကြွလာ စုံစမ်း စစ်မေးတော်မူသည်။

ရှင်က၀ိက လောကီ လောကီသတ်သတ်၊ လောကုတ္တ့ရာ လောကုတ္တ့ရာ သတ်သတ်မေးရန် ကြိုတင် လျှောက် ထား၏။လောကုတ်-လောကီ တစ်ရက်စီခွဲ၍ မေးတော်မူသည်။

အနယ်နယ်မှ စာတတ် ပေတတ် အကျော် ဆရာတော်ကြီး အချို့ကလည်း စာမတတ်ဘဲ တရားထူး ရသည် ဆိုသည်ကို မယုံကြည်နိုင်ကြသဖြင့် အထပ်ထပ် စစ်မေးကြပုံ၊ နှိမ်ချသော စကားများ ပြောဆို၍ အပြစ်ကြီးကြပုံ၊ စာမတတ်သော ဦးက၀ိ၏ အလုပ်ခွင်နှင့် စပ်သော သိပုံများကို နောက်ဆက်တွဲ၌ ကြည့်ပါ။ ယင်းသို့ မေးမြန်းစိစစ် ကြသည်မှာ ပဓာနအားဖြင့် အစစ်အမှန် ၀မ်းမြောက် ကြည်ညိုလိုကြ၍ ဖြစ်သည်။ အထင်သေးသည့် ပုဂ္ဂိုလ်များ လည်း များစွာရှိ၏။ မည်သို့ဖြစ်စေ၊ ထိုအစစ် အဆေး အမေးအမြန်း အားလုံးသည် ဦးက၀ိ၏ အရဟတ္တဂုဏ် ကိုတစ်နိုင်ငံလုံးက ယုံကြည်လက်ခံ လာရအောင် မှတ်ကျောက်တင် အတည်ပြုပေး ကြရခြင်း ပင်တည်း။

မေးသော ပုဂ္ဂိုလ်တိုင်းကပင် စာမသင်ဘဲ စာတတ် နေသော ပဋိပတ်သဘောကို အံ့သြမဆုံး ရှိကြရလေ၏။ထို့ကြောင့် (ပဋိသမ္ဘိဒါမဂ်နှင့် ၀ိဘင်းအဋ္ဌကထာ) တို့၌ အရိယာဖြစ်သွားလျှင် ပဋိသမ္ဘိဒါပတ္တ မဖြစ်သူ မရှိနိုင် ဟု ဖွင့်ဆိုကြကုန်၏။

"ပဋိသမ္ဘိဒါပတ္တ" ဟူသည် ရုပ်နာမ် သဘာဝကို သဒ္ဒါ အနက် စသည် ခွဲခြား ဝေဖန်၍ အမှန်တကျ ထိုးထွင်း သိမြင်သွားသည့် အသိဥာဏ်ထူး ရသူဟု ဆိုလိုပေ၏။ အရိယာတိုင်း ပဋိဝေဓအဖြစ် ရောက်သည်ကိုပင် "ပဋိသမ္ဘိဒါဥာဏ် ရသည်"ဟု ဆိုသည်။

အရှင် ကောဋ္ဌိကကဲ့သို့ ဂုဏ်ထူးဆောင် ပဘိန္န ပဋိသမ္ဘိဒါပတ္တ ကား အသီးအခြားတည်း။ ထို့ကြောင့် အဋ္ဌကထာ စကားသည် အတ္ထ ပဋိသမ္ဘိဒါ သဘော သဘာဝကို သိမြင်ခြင်းမျှကိုသာ ဆိုလိုဟန်ရှိ၏။

မေး။ ။ရှင်က၀ိ၊ လောကီဈာန် အင်္ဂါ ငါးပါး ပြောစမ်းပါ။
ဖြေ။ ။ဆရာတော် အမိန့်ရှိတဲ့ ဈာန်ကို တပည့်တော် မပြောတတ်ပါ။ တပည့်တော် ပြောတတ်သလို ပြောပါရစေဘုရား။ (ပြောပါ၊ ပြောပါ ဆို၍) ဆရာတော်ဘုရား ဟောဒါက ကသိုဏ်းဝန်းပါ ဘုရား။ ပထမ ကသိုဏ်း ၀န်းပေါ်ကို အာရုံသိမ်းပြီး တင်လိုက်တယ်။ ပြီးတော့ ဆင်ခြင်တယ်။ ကြက်သီးထပြီး တုန်လာတယ်။ ချမ်းသာနေတယ်။ တည်ငြိမ်နေတယ်။

မေး။ ။ဘာ...ဘာ...ဘာဗျ ရှင်က၀ိရဲ့၊ ပြန်ပြောစမ်းပါဦး။
ဖြေ။ ။ဟောဒါက ကသိုဏ်းဝန်းပါ ဘုရား။ အဲသည်ပေါ်ကို အာရုံသိမ်းပြီး တင်လိုက်တယ်။ ပြီးတော့ ဆင်ခြင်တယ်။ ကြက်သီးထပြီး တုန်လာတယ်။ ချမ်းသာနေတယ်။ တည်ငြိမ်နေတယ်။ အဲဒါပါပဲ ဘုရား၊ အမည်ကတော့ အရှင်ဘုရားတို့ မှည့်ချင်သလိုမှည့်၊ ခေါ်ချင်သလို ခေါ်ရုံပါပဲဘုရား။

ထိုအခါ ညောင်လွန့်ဆရာတော်က ဟုတ်ပြီ ရှင်က၀ိရေ၊ ကသိုဏ်းဝန်းအပေါ် (နှာသီးဖျားမှာ မှတ်လျှင်နှာသီးဖျားကို ယူပါ။) အာရုံသိမ်းပြီးတင်လိုက်တာက ၀ိတက်၊ ဆင်ခြင်တာက ၀ိစာရ ၊ကြက်သီးထပြီးတုန်လာတာက ပီတိ၊ ချမ်းသာတာက သုခ၊ တည်ငြိမ်နေတာက ဧကဂ္ဂတာ၊ ကဲ...... သဘောကျပါပြီဗျာ၊ ရှေ့ဆက် လျှောက်ပါဦး ဆို၍ ပဉ္စမဈာန် အထိ ဆက်၍ လျှောက်ထားရ၏။ (စာ သိပုံနှင့် အလုပ်သိပုံကို နှိုင်းယှဉ် လေ့လာသင့်၏။)

မေး။ ။ဒါဖြင့် နေပါဦး၊ အာကာသာနဉ္စာယတန ဈာန်ဟာ ပညတ်အာရုံပြု သလား၊ ပရမတ် အာရုံပြုသလား။
ဖြေ။ ။ပညတ် အာရုံပြုပါတယ်ဘုရား။

မေး။ ။ဝိဥာဏဉ္စာယတန ဈာန်ကကော။
ဖြေ။ ။ပရမတ် အာရုံပြုပါတယ် ဘုရား။

မေး။ ။အာကိဉ္စညာယတန ဈာန်ကကော။
ဖြေ။ ။ပညတ် အာရုံပြုပါတယ်ဘုရား။

မေး။ ။နေ၀သညာ နာသညာယတန ဈာန်ကကော။
ဖြေ။ ။ပရမတ် အာရုံပြုပါတယ်ဘုရား။

မေး။ ။ဒါဖြင့် အာကာသာနဉ္စာ ယတန ဈာန်ကနေ ၀ိညာဏဉ္စာယတန ဈာန်ကို တက်တော့
အောက် အာရုံပြုသလား၊ အထက်အာရုံပြုသလား။
ဖြေ။ ။အောက် အာရုံပြုပြီး တက်ပါတယ် ဘုရား။

ထိုအခါ ဆရာတော်က ဟင်..... ဘယ့်နှယ် မဟုတ်တာ၊ အထက်တက်တာ ဘာ့ကြောင့်အောက်အာရုံပြုရမှာတုံးဗျဟု ဆို၍ ရှင်က၀ိက......

တပည့်တော် ဥပမာနဲ့ လျှောက်ပါ့မယ်ဘုရား၊ ဟောဟိုနားမှာ မစင်ပုံကြီး ရှိတယ်။ အဲဒီမစင်ပုံကြီးထဲကျသွားမှာစိုးလို့ အထက်တွယ်တက်ရတာပါ၊ အဲသလိုပါပဲ၊ အောက်ကို အာရုံပြုပြီး အထက်ကို တွယ်တက်ရခြင်းဖြစ်ပါတယ်ဘုရားဟုပြန်၍ လျှောက်ထားသဖြင့် ကျေနပ်တော်မူသွား၏။

အဲဒီတုန်းက ဆရာတော်များက ရှေ့ဆက်မမေးလို့၊ မေးရင် အရူပဘုံမှာ နတ္ထိဘောပညတ် မရှိလို့ စာက ဆိုထားတယ်။ ပညတ်ကိုလဲ အာရုံပြုတယ်လို့ ဆိုတယ်၊ ဘယ်လို ပညတ်ကို ဘယ်ပုံ အာရုံပြုသတုံးလို့ မေးမယ်ဆို ပါတော့။ ဒီတော့ မရှိပညတ်ကို အာရုံပြုတယ် လို့ ဖြေလိုက်မှာပဲ။ မရှိတာကို ဘယ်လိုအာရုံပြုသတုံးလို့ ထပ်မေး မယ်ဆိုရင် ပစ္စည်းတစ်ခုခုကိုပြီး ဒီမှာကြည့်စမ်း၊ မြင်တယ်မဟုတ်လား၊ ၀ှက်ထားလိုက်ပြီ၊ ရှိသေးရဲ့လား၊ မရှိတော့ ဘူး။ မရှိပေမယ့် စောစောက မြင်ဖူးတာကို အာရုံပြုကြည့်စမ်း၊ အာရုံပြုလို့ရတယ်မဟုတ်လား၊ အဲသလို မရှိပညတ် ကို အာရုံပြုတယ်လို့ ဖြေလိုက်မှာပဲ ဟု ဦးက၀ိ ကိုယ်တိုင် တစ်ချိန်က ဟောပြခဲ့ဖူး၏။

ရေလည် ဆရာတော်သည် ရှင်က၀ိနှင့် ရှင်ဝိဇေယတို့အား အပန်းဖြေစေပြီးနောက် စာပေ ကျမ်းဂန်နှင့်ညှိ၍ပို၍ တိကျစွာ ကြည်ညိုနိုင်ရန် အောက်ပါအတိုင်း ထပ်မံ မေးစစ် ပြန်လေ သည်။ ဦးဖြိုးသာ နှင့် ဦးဘစံတို့လည်း အနား၌ပင် နာယူကြည်ညို နေကြ၏။
(မှတ်ချက်။ ။စာမတတ်သူတစ်ဦးအနေဖြင့် ဖြေဆိုရန်မည်မျှခက်ခဲသော မေးခွန်းများ ဖြစ်သည်ကို သတိပြု၍ ဖတ်ပါ။)

မေး။ ။ရှင်က၀ိ၊ ဘုံသုံးပါးမှာ ဘယ်သူက အိမ်ဆောက်လုပ်ပေးပါသလဲ။
ဖြေ။ ။တဏှာက ဆောက်လုပ်ပေးပါတယ် ဘုရား။

မေး။ ။တေဘုမ္မက သင်္ခါရဟာ ဘယ်ကမျိုးစေ့ ဖြစ်ပါသလဲ။
ဖြေ။ ။အ၀ိဇ္ဇာက မျိုးစေ့ဖြစ်ပါတယ် ဘုရား။

မေး။ ။လူရယ်လို့ ဖြစ်တာ ကုသိုလ်ကြောင့်လား၊ ဒါမှမဟုတ် အကုသိုလ် ကြောင့်လား။
ဖြေ။ ။လူဖြစ်တာ ကုသိုလ်,အကုသိုလ် နှစ်မျိုးလုံးကြောင့် ဖြစ်ပါတယ်ဘုရား။

မေး။ ။ကုသိုလ်ဟာ သုခ ဆိုမလား၊ ဒုက္ခဆိုမလား။
ဖြေ။ ။ကုသိုလ်ဟာ သုခလို့ ဆိုပါတယ်။ စင်စစ်အားဖြင့် ဒုက္ခပါပဲ။

မေး။ ။လူချမ်းသာ နတ်ချမ်းသာဆိုတာ အမှန်ရှိသလား။
ဖြေ။ ။သင်္ခတနယ်မှာ အမှန်ပင်ရှိပါတယ်။ ပရမတ် သဘာအရဆိုလျှင် မရှိပါ။

မေး။ ။ငရဲခံတဲ့ပုဂ္ဂိုလ်၊ နတ်ပြည်စံတဲ့ ပုဂ္ဂိုလ်များ ရှိသလား။
ဖြေ။ ။မရှိပါဘုရား။

မေး။ ။လောကကြီးမှာ ခံစားသူ စံစားသူ နှစ်မျိုးရှိသည်တွင် ဘယ်သူ့ကို အမှန်ခေါ်မတုံး။
ဖြေ။ ။နှစ်မျိုးစလုံးပင် မှန်ပါတယ် ဘုရား။

မေး။ ။၎င်းင်း နှစ်မျိုးကို ဘာခေါ်မတုံး။
ဖြေ။ ။နာမ် ရုပ် နှစ်ပါးဟု ခေါ်ပါတယ် ဘုရား။

မေး။ ။လောကမှာ သတ်သူ၊ သေသူ ရှိသလား။
ဖြေ။ ။ရှိပါတယ် ဘုရား။

မေး။ ။ရှိပါတယ် ဆိုတာ ဘယ်လို မှတ်ရမလဲ။
ဖြေ။ ။နာမ်ရုပ် နှစ်ပါးပါပဲဘုရား။

မေး။ ။သူ့အသက် သတ်လျှင် ငရဲကျတယ်ဆိုတာ အမှန်ပဲလား။
ဖြေ။ ။အမှန်ပါပဲ ဘုရား။

မေး။ ။မှန်တယ်ဆိုလျှင် ဘယ်ဟာ အမှန်ခေါ်မတုံး။
ဖြေ။ ။ရုပ်နာမ် နှစ်ပါးဟာ ငရဲကျအောင်လဲ သူတို့ပါပဲ။ နိဗ္ဗာန်ရောက်အောင်လဲ သူတို့ပါပဲ။

မေး။ ။သတ်သူသေသူရှိတယ် ယူတာမျိုး၊ မရှိဘူးယူတာမျိုး၊ ထိုနှစ်မျိုးတို့တွင် ဘယ်ဟာ သမ္မာအယူခေါ်၍ ဘယ်ဟာ မိစ္ဆာအယူ ခေါ် တုံး။
ဖြေ။ ။ရုပ်နာမ် နှစ်ပါးကလွဲ၍ ရှိတယ်မရှိဘူး နှစ်မျိုးစလုံးပင် မိစ္ဆာအယူဆိုရမှာပဲ ဘုရား။

မေး။ ။သမ္မာအယူ ဖြစ်အောင် ဘယ်လို ယူရမှာတုံး။
ဖြေ။ ။ရုပ်နာမ် နှစ်ပါးသာ ရှိတယ်ယူလျှင် သမ္မာအယူ ဖြစ်ပါတယ် ဘုရား။

မေး။ ။ပရမတ်သဘောကို မသိသောသူ ပါရမီဆယ်ပါး ပြည့်စုံနိုင်ပါသလား။
ဖြေ။ ။မပြည့်စုံနိုင်ပါဘုရား။

မေး။ ။ပညတ်ပရမတ် နှစ်ပါးရှိရာ ပညတ်ကိုသာ သိသောသူ မဂ်ကိုရသလား။
ဖြေ။ ။မရနိုင်ပါဘုရား။

မေး။ ။ပညတ် ပရမတ် နှစ်ပါး ဘယ်ဟာ အမှန်ခေါ်မတုံး။
ဖြေ။ ။ပရမတ်ကိုသာ အမှန်ခေါ်နိုင်ပါတယ် ဘုရား။

မေး။ ။မိစ္ဆာအယူ သမ္မာအယူ နှစ်မျိုးတွင် ဘယ်အခါ သမ္မာအယူခေါ်မတုံး။
ဖြေ။ ။ဒိဋ္ဌိ၊ ၀ိစိကိစ္ဆာ ကင်းလွတ်သည်ကစ၍ သမ္မာအယု ဖြစ်ပါပြီဘုရား။

------------------------------------------------------------------------------------

၁၂၈၇-ခုနှစ် တော်သလင်းလဆန်း ၃ ရက်နေ့ ညနေ ၆ နာရီ အချိန်တွင် ဖက်ပင်အိုင် ဆရာတော် ဘုရားကြီး ကြွလာတော်မူသောအခါ ဆရာတော် ဦးပုည၊ ဦးဇာဂရ စသော ရဟန်း တော်များလည်း ပါကြ၏။

ဒါယကာများ ဆည်းကပ်နေကြစဉ် ဖက်ပင်အိုင် ဆရာတော် ဘုရားကြီးက မြင်းခြံဆရာ တော် ဦးက၀ိအား အောက်ပါအတိုင်း မေမြန်းစိစစ်လေသည်။

ဦးက၀ိတို့ ကြွလာမယ့် အကြောင်းကို ပင့်စာ၌ ပါသောကြောင့်သာ ယနေ့ညနေ လာခဲ့ရတာ ပါဘုရား။ သို့မဟုတ်လျှင် နက်ဖြန် နေ့ဆွမ်း မှီရုံလောက်မှာသာ လာမယ်ဟု ကြံပါတယ်။ လူကြီးဆို တော့ သွားရလာရတာများ တယ် ၀န်လေးတယ် ဦးက၀ိရဲ့။

မှန်လှပါ ဘုရား

ကဲ ဦးပုညတို့ ဦးဇာဂရတို့၊ ဦးက၀ိ နှင့် စကားပြောကြပါ ဘုရား၊ တပည့်တော်တော့ မော သေးတယ်။

မှန်လှပါ ဘုရား၊ အမောအပန်းဖြေ၍ နားနေပြီးနောက် ဆရာတော်ဘုရားသာ အမိန့်ရှိ တော်မူပါ ဘုရား ဟု လျှောက်ကြသဖြင့် အမောအပန်းမဖြေဘဲ ဆက်လက်၍ အောက်ပါအတိုင်း ပြောဆိုလေ၏။

ဦးက၀ိ၊ တပည့်တော်များသည် တစ်ပါးနှင့်တစ်ပါး ဘွားကနဲ ယခုမှ တွေ့မြင်ကြသော ပုဂ္ဂိုလ်
များလဲ မဟုတ်ကြပေ။ ရှေးကလဲ တွေ့ဖူးမြင်ဖူးသူများ ဖြစ်ကြ၍ တစ်ပါးကိုတစ်ပါး အားနာစရာ လဲမရှိ။ မေးမြန်းစရာရှိသလောက်တော့ မေးမြန်းခွင့် မရပေဘူးလားဘုရား။

မှန်လှပါ ဆရာတော်ဘုရား၏ တပည့်ကို အလိုရှိသရွေ့သာ ဆုံးမတော်မူပါဘုရား။
ကဲ-ဒါဖြင့် ရှေးက ပဲခူးမြို့ အဗျားရွာတွင် တွေ့ကြစဉ်ကတော့ ဗြုန်းကနဲ တွေ့ကြရတာကလဲ တကြောင်း၊ အာဂန္တုကချင်း ဖြစ်နေကြတာကလဲ တကြောင်းမို့ မေးသင့်သလောက်သာ မေးရပေတယ်။ ယခုဆက်၍ မေးရပြန်တာပေါ့။
မေး။ ။ဦးက၀ိရဲ့၊ ယခု သီတင်းလဲကျွတ်ခါနီးပြီ။ ယခုဝါတွင်း ဘာကိုများ အာရုံပြု၍ သီတင်း သုံး နေပါသတုံးဘုရား။
ဖြေ။ ။သာသနာတော်ကို အာရုံပြုနေပါတယ် ဘုရား။

မေး။ ။သာသနာတော်ကိုဘယ်ပုံ အာရုံပြုပါသတုံးဘုရား။ သာသနာ ဆိုတာပရိယတ် ပဋိပတ် နှစ်ပါး ရှိပါတယ်။ ထိုနှစ်ပါးတို့တွင် ဘယ်သာသနာကို ဘယ်ပုံအာရုံပြုပါသတုံးဘုရား။
ဖြေ။ ။ဘုရားတပည့်တော်မှာ စာကလဲမတတ်တော့ ပရိယတ္တိ သာသနာကို ချီးမြှင့်ခြင်းငှာ မစွမ်း နိုင်ပါ။ ဒါကြောင့် ပဋိပတ္တိ သာသနာပေါ်တွင်သာ သမာဓိ မရသေးသော ပုဂ္ဂိုလ် များလဲ သမာဓိ ရလေအောင်၊ ရပြီးသော ပုဂ္ဂိုလ်များလဲ ရင့်သည်ထက်ရင့်အောင်၊ ရင့်ပြီးသော ပုဂ္ဂိုလ်များလဲ လိုရင်းကိစ္စ ပြီးစီးကြအောင်သာ အာရုံပြုနေရပါ၏ဘုရား။

မေး။ ။ ဒါဖြင့်လျှင် မေတ္တာပေါ့ ဘုရား။
ဖြေ။ ။မှန်လှပါဘုရား။

မေး။ ။မေတ္တာဆိုတော့သတ္တပညတ် အပေါ်၌ စိတ်ကိုထား၍ လောကီရှိပါသေးတယ်။ လောကုတ္တ့ရာ၌ ကော ဘယ်လို အာရုံပြုပြီးစိတ်ကို ထားပါသတုံးဘုရား။ လောကုတ္တ့ရာ မှာကော စိတ်ကို မထားဘူးလား။
ဖြေ။ ။ လောကုတ္တ့ရာပေါ်မှာ စိတ်ကို ထားပါရဲ့ ဘုရား။

မေး။ ။အဲဒီ လောကုတ္တ့ရာပေါ်မှာချည်းဘဲ စိတ်တွေကိုထားပါတော့လား ဘုရား။ အဘယ်ကြောင့် လောကီ စိတ်တွေသို့ ရောက်နေရသေးသလဲ။
ဖြေ။ ။လောကုတ္တ့ရာပေါ်မှာ ချည်း သက်သက် စိတ်ကို မထားနိုင်ပါဘုရား၊ ခန္ဓာဝန်ကြီးက အလွန်လေးသောကြောင့် လောကီတလှည့်၊ လောကုတ္တ့ရာတလှည့် ပြောင်းခံနေရ ပါ ၏ ဘုရား။

မေး။ ။ကဲ-ဒါဖြင့် လောကီပညတ် အာရုံပြုပုံကိုတော့ ထားလိုက်ပါဦးတော့ ဘုရား၊ လောကုတ္တ့ရာ ပရမတ်ကိုတော့ ဘယ်လို အာရုံပြုပါသတုံးဘုရား။
ဖြေ။ ။မိမိ မြင်ဖူးတာကို အာရုံပြုပါတယ်ဘုရား။

မေး။ ။ဒါဖြင့် တခြားစာတွေ ထားလိုက်ပါဦးတော့၊ သင်္ဂြိုဟ် ဆိုတဲ့အတိုင်း မဂ္ဂံဖလဉ္စ နိဗ္ဗာနံ၊ ပစ္စဝေက္ခတိ ပဏ္ဍိတောစသည်ဖြင့် ပစ္စဝေက္ခဏာပေါ့။
ဖြေ။ ။မှန်လှပါဘုရား။

မေး။ ။ဒါဖြင့် မဂ်ဖိုလ်နိဗ္ဗာန်ကို အာရုံပြုရတာနှင့် ပညတ်ကို အာရုံပြုရတာ ဘယ်က သာ၍
ခက်သတုံးဘုရား။ မဂ်ဖိုလ်နိဗ္ဗာန်ကို အာရုံပြုရတာက သာ၍ မခက်ပေဘူးလား။
ဖြေ။ ။တပည့်တော်သဘောဖြင့် ဘယ်သင်းမှ မခက်ပါဘုရား။

မေး။ ။မဂ်ကို အာရုံပြုပုံ ပြောပြစမ်းပါဘုရား။
ဖြေ။ ။ဥပမာ-ယောဂီပုဂ္ဂိုလ်တစ်ယောက်သည် ၀ိပဿနာတရားအားထုတ်၍ တက်လာတယ် ဆိုပါ တော့ဘုရား၊ အဲသည်တော့ ဘ၀င် အနည်းငယ်မျှ ကျသွားပြီးနောက် ရှေ့စိတ်သုံးသုံးပါးက ကိလေသာတရားကို ဖယ်ရှားပေးပါရောဘုရား၊ နောက်စိတ်က နိဗ္ဗာန်ကို မြင်ပါရော။
ဒါနဲ့ စိတ်, စေတသိက,် ရုပ် ဆိုတဲ့ တရားသုံးပါး ဖြစ်ချုပ်-ဖြစ်ချုပ် ဖြစ်နေတာ ကိုပင် ကြီးစွာသော ဆင်းရဲကြီးပါကလား၊ ဒီဆင်းရဲဟာ ဘယ်သူ့ကြောင့် ဖြစ်သလဲလို့ စစ်လိုက်တော့ ၎င်းင်း စိတ်, စေတသိက်, ရုပ် ကို ပြုလုပ်ပေးတတ်တဲ့ လောဘကို မြင်ပါရောဘုရား။
ယခု ပြောနေတာက တစ်ခုစီ ပြောနေရလို့ ကြာနေတာပါဘုရား။ ဟိုမှာတော့ ဘာမှ မကြာပါဘုရား။ ဆင်းရဲကို သိတာနဲ့ တပြိုင်နက်ထဲ ဖြစ်သွားတာပါ။
(ကဲ-ပြောသာ ပြောပါဘုရား )

အဲဒီလို လုပ်ပေးတဲ့သူကို မြင်တော့ နိုင်တဲ့သူက ဗြုန်းခနဲ ပြုလုပ်ပေးတဲ့သူကို သတ်လိုက် ပါရော၊ အဲဒါက မဂ် ပါဘုရား။
ဒီတော့ စိတ်, စေတသိက်, ရုပ်များလဲ ဖရိုဖရဲဖြစ်သွားသလို ဖြစ်သွားတော့ အကြောင်းအကျိုး ပြတ်သွားပါရောဘုရား။ အဲဒါ နိဗ္ဗာန် ပါပဲဘုရား။
ဒါနဲ့ နောက်တော့ ဖိုလ်ဇော အုပ်သွားပါရော။ အဲဒါ မြင်ဖူးတာတွေပါပဲဘုရား။

မေး။ ။နေစမ်းပါဦးဘုရား။ ဒီမဂ်ဖြစ်တဲ့အခါများ ထင်ထင်ရှားရှား မဂ်ဖြစ်မှန်း သိရဲ့လား။
ဖြေ။ ။မသိပါဘုရား၊ နောက် ဆင်ခြင်မှ သိရပါတယ်ဘုရား။

မေး။ ။နောက်-ဆင်ခြင်မှ သိရတယ်ဆိုတာ ဟုတ်ပါရဲ့လား။

ယထာပိ မူလေ အနုပဒ္ဒဝေ ဒဠေ၊
ဆိန္နေပိ၊ ရုက္ခော ပုနရေ၀ ရူဟတိ။
ဧ၀ံပိ တဏှာနုသယေ အနုပဟတေ၊
နိဗ္ဗတ္တတေ ဒုက္ခမိဒံ ပုနပ္ပနံ။
(ဒဠေ-၌ ဟထိုး မပါ။ သတိပြု။ မနသာ ဒဠေန-စသည် ၎င်းး။)

အနုပဒ္ဒဝေ၊ စိမ်းစိမ်းလတ်လတ် မသတ်ဖြတ်သေးသော။ မူလေ၊ ရေသောက်မြစ်ကြီးသည်။ ဒဠေ၊ မြဲမြဲခိုင်ခံ့သည် ရှိသော်။ ဆိန္နေပိ၊ အခက်အရွက် အပင်ပြတ်သော်လည်း။ ရုက္ခော၊ သစ်ပင်သည်။ ဧ၀ံ၊ ဤအတူသာလျှင်။ တဏှာနုသယေ၊ အဖန်ဖန်ကိန်းတတ်သော တဏှာကို။ အနုပဟတေ၊ မဂ်ဖြင့် မပယ်အပ်သေးသည် ရှိသော်။ ပုနပ္ပုနံ၊ အဖန်ဖန်တလဲလဲ။ ဣဒံဒုက္ခမ္ပိ၊ ဤသံသရာ ၀ဋ်ဆင်းရဲသည်လည်း။ နိဗ္ဗတ္တတေ၊ ဖြစ်ရဦးမည်ကား မုချမလွဲတည်း။

ကျမ်းဂန်လာတဲ့အတိုင်း လောဘကို မဂ်ကပယ်တယ် ဆိုတာ ဟုတ်ပါရဲ့။ သိုသော်လည်း ယခုလောကမှာ တိုင်းတပါးက ရန်သူစစ်သည်ကို တိုက်ခိုက်သတ်ဖြတ်ရန် ထွက်သွားသော စစ်သူကြီးသည် မိမိတစ်ယောက်တည်း မသွားဘဲ နောက်လိုက် နောက်ပါ စစ်သည် ဗိုလ်ပါ များစွာတို့နှင့် ထွက်၍ ရန်သူစစ်သည်ကို တိုက်ခိုက် သတ်ဖြတ်သလို ယခု လောကုတ္တ့ရာမဂ်ဟာလဲ လောဘကို သတ်ရန် အဖော်များ ရှိသေးသလား၊ တစ်ယောက်ထဲဘဲသတ်လေရော့သလား။

ဖြေ။ ။အဖော်ရှိပါသေးရဲ့ ဘုရား။

မေး။ ။အဖော်က ဘယ်သူတုံး၊ ထည့်ပေးစမ်းပါ။
ဖြေ။ ။ဥပမာ-ယောဂီပုဂ္ဂိုလ် တစ်ယောက်သည် ၀ိပဿနာ တရားအားထုတ်၍ အထွဋ် အထိပ်ရောက်ခါနီး ရှေ့စိတ်သုံးပါးက ကိလေသာတရား ကင်းစင်သွားအောင် ပယ်ရှားလိုက်ပါရောဘုရား။ အဲဒီလို ကိလေသာ စင်သွားတော့ နိဗ္ဗာန်ကို မြင်တဲ့စိတ် ပေါ်ပေါက်လာပါရောဘုရား။ ၎င်းစိတ်က နိဗ္ဗာန်ကို မြင်တော့ ၎င်းစိတ် မြင်သော နိဗ္ဗာန်ကို မဂ်ကမှီခိုတွယ်ကပ်ပြီး လောဘကို ပယ်သတ်လိုက်ပါရော ဘုရား။

မေး။ ။မဂ်တော့ သဘောကျပါပြီ ဦးက၀ိရယ်၊ အလွန်သိမ်မွေ့ ခက်ခဲနက်နဲတဲ့ နေရာတွေနော်၊
တပည့်တော် များကတော့ စာတွေ့ ပြောရတာ၊ ဒါနဲ့ မဂ်နောက်ဖိုလ် ဇောအုပ်လိုက်တယ် ဆိုတာ စိတ်ထဲမှာ ဘယ့်နှယ်နေသတုံး ဘုရား။
ဖြေ။ ။ကောင်းကောင်း မသိလိုက်ရပါဘုရား။

မေး။ ။မဂ်နောက်ဖြစ်တဲ့ ဖိုလ်က အာနန္တ့ရိကဖိုလ် ခေါ်တယ် ဘုရား၊ နှစ်ကြိမ်-သုံးကြိမ် ထဲဖြစ်တော့ စိတ်ကလဲ အလွန်လျင်မြန်သဖြင့် ကောင်းမွန်စွာ သိနိုင်မှာ မဟုတ်ဘူး၊ ဒါထက် မဂ်ကို ဆင်ခြင်တဲ့အခါ သိရှိပုံများ ဘယ်လို နေသတုံးဘုရား။
ဖြေ။ ။ဥပမာ-ယောဂီပုဂ္ဂိုလ် တစ်ယောက်ဟာ သောတာပတ္တိမဂ်ကို ရတယ်ဆိုပါတော့၊ ၎င်းး ပုဂ္ဂိုလ်ဟာ မိမိရသော မဂ်ကို ဆင်ခြင်သောအခါ ငါ သောတာပတ္တိ မဂ်ကို ရပြီ ဟု သိရုံပါဘဲ ဘုရား။

မေး။ ။ဖိုလ်ကိုဆင်ခြင်တဲ့အခါ ဘာကို အာရုံပြုသတုံး ဘုရား၊ အဲဒီ ဖိုလ် စိတ်ဖြစ်နေတဲ့အခါ စိတ်ထဲမှာ ဘယ်လိုများနေသတုံးဘုရား။
ဖြေ။ ။မိမိ မြင်ဖူးတဲ့ အကြောင်းအကျိုး ပြတ်ရာကလေးကို အာရုံပြုလိုက်တာနှင့် ဖိုလ်စိတ်ဖြစ်လာပါရော ဘုရား၊ အဲဒီတော့ စိတ်ချမ်းသာပြီး မှိန်းနေပါရော ဘုရား။

အဲဒီလို ဆင်ခြင်ပြီးဝင်စားတာက ၀ဠဉ္စနဖိုလ် ခေါ်တယ်။ အဲဒီဖိုလ်မှ သေသေချာချာ သိရတယ် ၊တယ်ပြီးသိမ်မွေ့တယ်ဘုရား၊
------------------------------------------------------------------------------------
ဂြုပ်ပင်ဆရာတော်က ဦးက၀ိအား-
ဝိသုဒ္ဓိ ခုနစ်ပါး ပြောစမ်းပါ ဟု မေးရာ-
အရှင်ဘုရားတို့ ၀ိသုဒ္ဓိကို တပည့်တော် မပြောတတ်ပါ၊ တပည့်တော် ပြောတတ်သလို ပြောပါရစေ
ပြောပါ ပြောပါ ဟု ခွင့်ပြုသည်နှင့် ဦးက၀ိက အောက်ပါအတိုင်း လျှောက်ထားသည်။

၁။ တရားအားထုတ်တဲ့ ယောဂီပုဂ္ဂိုလ်ဟာ ရှေးဦးစွာ ဘုရားကန်တော့၊ မေတ္တာပို့၊ အမျှဝေပြီးလျှင် မိမိခန္ဓာကိုယ် ရုပ်နာမ်နှစ်ပါးကို အားထုတ်ဆဲအခါ ဘုရားကိုလှူ၊ အချိန်မပိုင်းနှင့်၊ မိမိ စွမ်းနိုင် သမျှ အားထုတ်၊ သမာဓိရလာတော့ ခန္ဓာကိုယ်ပေါ်မှာ ပူမှု၊ အေးမှု စသော ဝေဒနာ ပေါ်လာ လိမ့်မယ်။ အဲဒီ ပေါ်လာတဲ့ ဝေဒနာကို ရှုဆဲအခါ၌ မျက်စိကလည်း တောင်ကြည့် မြောက်ကြည့် မကြည့်ဘူး။ ပါးစပ်ကလည်း စကားမပြောဘူး။ လက်ကလည်း ကိုးယိုးကားယား မလုပ်ဘူး။ အဲဒီတော့ စက္ခုံနြေ္ဒ၊ သောတိနြေ္ဒ၊ ယာနိနြေ္ဒ၊ ဇီဝှိနြေ္ဒ၊ ကာယိနြေ္ဒ ဟူသော ဣနြေ္ဒငါးပါး လုံနေတယ်၊ အဲဒါ သီလ စင်ကြယ်တယ်။ အဲဒါ သီလ၀ိသုဒ္ဓိ လို့ ခေါ်တယ်။

၂။ ဝေဒနာပေါ်မှာ စိတ်တည်နေတော့ စိတ် စင်ကြယ်တယ်။ အဲဒါ စိတ္တ၀ိသုဒ္ဓိ လို့ ခေါ်တယ်။

၃။ သီလကလည်း စင်ကြယ်၊ စိတ်ကလည်း စင်ကြယ်တော့ မှန်တာ မြင်တာပေါ့။ မှန်တာ မြင်တယ် ဆိုတာ ဘယ်လိုလဲ ဆိုတော့ မီးခတ်နဲ့ မီးခတ်ကျောက် ခတ်လိုက်တော့ မီးပွင့် ကလေးတွေ ဖွားဖွား ဖွားဖွား နှင့် မြင်ရသလို မိမိ ခန္ဓာကိုယ်ပေါ်မှာ မွေးတွင်းပေါက်က မြင်ရတယ်။ အဲသည်လို မြင်ရတော့ ငါ့မှာ ခြေလည်းမရှိ၊ လက်လည်း မရှိ၊ ကိုယ်လည်း မရှိ၊ ဦးခေါင်းလည်း မရှိ၊ ခန္ဓာကိုယ်ကြီး သုဉ်းသွားတယ်။ အဲသည်တော့ အမြင် စင်ကြယ်တယ်။ အဲဒါကို ဒိဋ္ဌိဝိသုဒ္ဓိ လို့ ခေါ်တယ်။

၎။ အဲသည်လို မြင်ရတော့ ဟုတ်ပါပေတယ်၊ မှန်ပါပေတယ် ဟု ဘုရားကို ယုံကြည်ခြင်း ဖြစ်လာတယ်။ အဲသည်တော့ ယုံမှား ကင်းသွားတယ်၊ ကင်္ခါဝိတရဏ ၀ိသုဒ္ဓိ လို့ ခေါ်တယ်။

၅။ အဲသည်လို မြင်ရ တွေ့ရတော့ ၀မ်းသာတာပေါ့။ ၀မ်းသာတော့ အလင်းဓာတ်ဟာ မိမိရှေ့မှာ ပေါ်လာတယ်။ ၄င်း အလင်းဓာတ်ကြီးထဲမှာ သွားပြီး တွယ်နေတယ်၊ အဲသည်လို အလင်း ဓာတ်ကြီးထဲမှာ သွားတွယ်နေတော့ ခန္ဓာကိုယ်ပေါ်မှာ ဝေဒနာတွေ ချုပ်ပြီး အေးနေတယ်။ အဲဒါ အန္တ့ရာယ် ၁၀-ပါးထဲမှာ နစ်နေတယ်လို့ ခေါ်တယ်။ အဲဒီလို အလင်းဓာတ်ကြီးထဲမှာ တွယ်နေရာမှ ငါ့ဟာ မဟုတ်သေးပါဘူး ဟု ဆိုပြီး ခန္ဓာကိုယ်ပေါ် အာရုံပြန်ပြီး ထိန်းလိုက်တယ်။ အဲဒါ မဂ္ဂါမဂ္ဂ ဥာဏဒဿန ၀ိသုဒ္ဓိ လို့ ခေါ်တယ်။

၆။ အဲသည်လို ခန္ဓာကိုယ်ပေါ် အာရုံရောက်လာတော့ ဝေဒနာတွေ ပြန်ပြီး ပေါ်လာတယ်။ အဲသည်တော့ အာရုံက အထက် လွန်သွားလိုက်၊ အောက် ပြန်ကျသွားလိုက်နှင့် နေတယ်၊ မဇ္ဈိမပဋိပဒါ မကျသေးဘူး။ အဲသည်တော့ ဇောကိုတင်ပြီး တဖြည်းဖြည်း ချလာတော့ မဇ္ဈိမပဋိပဒါ ကျသွားရော၊ အဲဒါ ပဋိပဒါ ဥာဏဒဿန ၀ိသုဒ္ဓိ လို့ ခေါ်တယ်။

၇။ အဲသည်လို ပဋိပဒါလည်း ကျသွားရော၊ သေနတ်ကို ယမ်းတောင့်ထည့်ပြီး စိတ်ကိုင်ဖြုတ် လိုက်သလို ဒင်း ဆို ပြတ်သွားပါရော၊ အဲဒါ ဥာဏ ဒဿန ၀ိသုဒ္ဓိ လို့ ခေါ်တယ်။

------------------------------------------------------------------------------------
၁၂၈၇-ခုနှစ် ကဆုန်လဆုတ် ၄-ရက်နေ့ ပဲခူးမြို့ အဗျားရွာတွင် ဖက်ပင်အိုင် ဆရာတော်ကြီးက မြင်းခြံ ဆရာတော် ဦးက၀ိအား မေးမြန်းပြောဆို စိစစ်ပုံကို အကျဉ်းချုပ်အားဖြင့် အောက်ပါအတိုင်း မှတ်တမ်းတင် ထားပါသည်။

ဖက်ပင်အိုင် ဆရာတော်ကြီးကား နာမည်ကျော် စာတတ်ပုဂ္ဂိုလ်ကြီး ဖြစ်ပါသည်။

မေး။.....။ စက္ခုနဲ့ ရူပါရုံ ပြိုင်သောအခါ စက္ခုက ရူပါရုံထံ သွားသလား၊ ရူပါရုံက စက္ခုထံ လာလေသလား။
ဖြေ။.....။ စက္ခုကလဲ မသွား၊ ရူပါရုံကလဲ မလာပါဘုရား။
မေး။.....။ ဒါဖြင့် ဘယ့်နှယ်မြင်နိုင်သတုံးဗျ။
ဖြေ။.....။ သူ့သတ္တိက ရှေးရူသောအခါ မြင်ခြင်းငှာ စွမ်းနိုင်ပါ၏ဘုရား။
မေး။.....။ ဒါဖြင့် ရူပါရုံက လာတာပေါ့ဗျား။
ဖြေ။.....။ မလာပါဘုရား။ (ဥပမာ) နေကိုကြည့်သော သူသည် နေ၏ သတ္တိ အရောင်အလင်း မျက်စိကျိန်းခြင်းသာ ရှိပါ၏ ဘုရား။ နေ၀န်းကြီးက မျက်စိထဲ ၀င်လာသည် မဟုတ်ပါ။ မျက်စိကလည်း နေ၀န်းထဲ ၀င်သွားသည် မဟုတ်ပါ ဘုရား။

မေး။.....။ ဒါဖြင့် နေပါအုံးတော့ဗျာ၊ နိဗ္ဗာန်အကြောင်း ပြောစမ်းပါ။
ဖြေ။.....။ နိဗ္ဗာန်ဆိုတာ ဘုရား (ဥပမာ) ယောဂီပုဂ္ဂိုလ် တစ်ယောက်သည် ၀ိပဿနာ အားထုတ်၍ စိတ်၊ စေတသိက်၊ ရုပ်တရားတို့၏ ဖြစ်ခြင်း ပျက်ခြင်းကို အလွန် ကြီးမားသော ဆင်းရဲကြီးဟု ငြီးငွေ့လျက် ဆင်းရဲခြင်း၏ အကြောင်းကို ရှာက တဏှာကို သိရသည်နှင့် တပြိုင်နက် မဂ် က ၄င်းတဏှာကို ပယ်လိုက်တော့ အကြောင်းအကျိုး ပြတ်သွားပါရော။ အဲဒီ ရှေးဦးစွာ မဂ်က မပယ်မီ ဖြစ်ပျက်နေတာ သင်္ခတ၊ နောက်တော့ အကြောင်းအကျိုး ပြတ်၍ ဘာမှ မရှိတာကတော့ "အသင်္ခတ-နိဗ္ဗာန်" ပါပဲဘုရား။

မေး။.....။ ၄င်းနိဗ္ဗာန်မှာ နေ၀န်းလ၀န်းများလို အရောင်တွေများ ရှိသလား။
ဖြေ။.....။ အရောင်တွေ မရှိပါဘုရား။
မေး။.....။ ဒါဖြင့် ဘယ့်နှယ်နေသတုံး ပြောစမ်းပါဗျာ။
ဖြေ။.....။ ပြောစရာ မရှိပါဘုရား။
မေး။.....။ ဒါဖြင့် နိဗ္ဗာန် မရှိဘူးလား။
ဖြေ။.....။ ရှိပါရဲ့ဘုရား။
မေး။.....။ စိတ်၊ စေတသိက်၊ ရုပ်၊ နိဗ္ဗာန် ရယ်လို့ ပရမတ် တရားလေးပါးရှိ မဟုတ်လားဗျ။
ဖြေ။.....။ ရှိပါတယ်ဘုရား။
မေး။.....။ အဲဒီ ပရမတ်ပြောပါဗျား။
ဖြေ။.....။ ဆရာတော်ဘုရား၊ ဦးက၀ိက ပရမတ်ဆိုလျှင် ဘာမှ ပြောစရာမရှိ၊ လက်ပိုက် ထိုင်နေရုံပဲ။
မေး။.....။ နေစမ်းပါဦးဗျာ၊ ဟောဒီ ရွှေတုံးကြီးကို ခဲလို့ ပြောဆိုကာမျှဖြင့် ၄င်းရွှေတုံးကြီး ခဲဖြစ်သွားမှာလားဗျ ပြောစမ်းပါအုံး။
ဖြေ။.....။ ခဲမဖြစ်ပါဘုရား။ သို့သော်လည်း ပညတ် တရားကြီးလို ဒြဗ်ဝတ္ထုနှင့် ထင်ရှား မပြနိုင်ပါ။ နာမ် ရုပ်တို့၌ ဥပါဒ်၊ ဌီ ဘင် မရှိ၊ ချုပ်ငြိမ်းသွားတာကို နိဗ္ဗာန်လို့ ခေါ်တာပဲ။

မေး။.....။ ဥာဏ် ၁၀-ပါး ပွားများတာ ပြောစမ်းပါဗျာ။
ဖြေ။.....။ (ဥပမာ) ယောဂီပုဂ္ဂိုလ် တစ်ယောက်သည် အာနာပါနနှင့် သမာဓိ ရင့်သောအခါ မိမိ ကိုယ်ပေါ်မှာ ဝေဒနာကို သတိနှင့် လိုက်ပါရော ဘုရား။ အဲဒါနှင့် ပထမကတော့ သညာအားဖြင့် ဝေဒနာ ပေါ်ပြီးနောက် ဖြစ်ပျက်ခြင်း ဓမ္မကို ဟုတ်တိုင်းမှန်စွာ မြင်ပါရော။ ဒါနဲ့ ကြောက်ခြင်း ရွံရှာခြင်း ဖြစ်ပါရော ဘုရား။
မေး။.....။ဥာဏ်၁၀-ပါးဟာ တစ်ခုစီ ပွားရမည် မဟုတ်လားဗျ။
ဖြေ။.....။ တစ်ခုစီ ပွားတာက ကိုယ့်အလိုပါ ဘုရား။
မေး။.....။ တစ်ခုစီ မပွားလျှင် ဘယ့်နှယ်လုပ်မှာတုံးဗျ။
ဖြေ။.....။ သမ္မသနဥာဏ် သုံးသပ်ရုံမျှနှင့် ဖြစ်ပျက်ခြင်း၊ ကြောက်ခြင်း ရွံ့ခြင်း စသည် ဖြစ်ပွားပါရော ဘုရား။

နေစမ်းပါအုံးဗျာ၊
အင်း-ဒီဟာက သမ္မသနဥာဏ်
သုံးသပ်လိုက်တော့ ဖြစ်ပျက်တာက ဥဒယဗ္ဗယဥာဏ်
ပျက်တာက ဘင်္ဂဥာဏ်
ကြောက်တာက ဘယဥာဏ်
ရွံ့တာက အာဒီန၀ဥာဏ်
အေး ဟုတ်ပေတယ်ဗျ၊ ဟုတ်ပေတယ်။

မေး။.....။ ဦးက၀ိရဲ့- လောကမှာ ပညတ်အားဖြင့် သောတာပန်၊ သကဒါဂါမ်၊ အနာဂါမ်၊ ရဟန္တာလို့ ရှိကြမဟုတ်လား။
ဖြေ။.....။ ရှိပါရဲ့ဘုရား။
မေး။.....။ အဲဒီ ပုဂ္ဂိုလ်များဟာ အစဉ်အတိုင်း တောက်လျှောက် သောတာပန်၊ သကဒါဂါမ်၊ အနာဂါမ်၊ ရဟန္တာလို့ တက်သွားသလား။
ဖြေ။.....။ မတက်ပါဘုရား။
မေး။.....။ ဒါဖြင့် ဘယ်လို တက်ရတုံးဗျ။ တက်ပုံ ပြောစမ်းပါဗျာ။
ဖြေ။.....။ (ဥပမာ) ယောဂီပုဂ္ဂိုလ် တစ်ယောက်ဟာ သမ္မသနဥာဏ်ကို သုံးသပ်၍ ဥာဏ် ၁၀-ပါး ကုန်သွားပြီးနောက် ပညတ်အားဖြင့် ၄င်း ပုဂ္ဂိုလ်ကို သောတာပန် ဟု ခေါ်ကြပါတယ် ဘုရား။ ၄င်းနောက် သမ္မသနဥာဏ်ကို သုံးသပ်အုံး၊ ဥာဏ်၁၀-ပါး ကုန်ပြန်က သကဒါဂါမ် လို့ ခေါ်ကြပါတယ် ဘုရား။ ဤကဲ့သို့ လေးကြိမ်တက်က ရဟန္တာ လို့ ခေါ်ကြပါတယ် ဘုရား။


Read More!

သပိတ်အိုင် တောရဆရာတော်၏တရား အနှစ်သာရများ


တရား အနှစ်သာရများ

သပိတ်အိုင် တောရဆရာတော်သည် သီမာကောသလ’ကျမ်းငယ် တစ်စောင်ပြုစုခဲ့၏။ ၎င်းပြင် ယောဂီနန္ဒီခေါ် "စူဠသောတာပန်ဖြစ်ခန်း ဓာတ်ကမ္မဋ္ဌာန်း" ကျမ်းကိုလည်း ပြုစုခဲ့သည်။ ငယ်ငယ်နှင့် ထိမိလှသော ကျမ်းဖြစ်၏။

ဆရာတော် ဟောပြောဆုံးမလေ့ရှိသော တရားများကို လူအများ တောင်းပန်၍ စာအုပ်အဖြစ် ရေးသားချီးမြှင့်ခြင်း ဖြစ်သည်။
"ဆရာတော် အဘယ်တရားကို အဘယ်သို့ နှလုံးသွင်း၍ ပေါက်မြောက်သနည်း" ဟူသော အမေး၏ အဖြေလည်း ဖြစ်သည်။ ထိုကျမ်းကပင် ဆရာတော်၏ ပရိယတ်, ပဋိပတ်,ပဋိဝေဓကို ညွှန်ပြနေသည်။ဓာတ်ခွဲမှုနှင့် အာနာပါနကို လူပြိန်းနားလည်အောင် ကျမ်းဂန်သာဓက ပြ၍ ရေးထားသည်။

ဝိပဿနာ အလုပ်နှင့်စပ်၍ အရေးတကြီး သိမှတ်ဖွယ်များအတွက် ထိုကျမ်းငယ်သည် အထိုက် အလျောက်လုံလောက်၏။ ကျမ်းဂန်နှင့်လာသော အဓိပ္ပာယ်များ၊ ကိုယ်ပိုင်သဘောပေါက် သော အဓိပ္ပာယ်များကို ကွက်ကွက်ကွင်းကွင်း ရေးထားသည်။

ထိုကျမ်းမှ ရေးသားချက်အချို့ကို အနည်းငယ် ထုတ်ပြပါဦးအံ့။

လက္ခဏာရေး သုံးပါး

"သောတာပန်နှင့် သကဒါဂါမ် ပုဂ္ဂိုလ်တို့သည် အနတ္တ အချက်ကို အစွမ်းကုန် ထင်မြင်သည်။ အနိစ္စ အချက်နှင့် ဒုက္ခအချက်ကို အစွမ်းကုန် မထင်မြင်နိုင်။"

"အနာဂါမ် ပုဂ္ဂိုလ်တို့သည် အနတ္တအချက်နှင့် အနိစ္စအချက်ကို အစွမ်းကုန် ထင်မြင်သည်။ ဒုက္ခ
အချက်ကို အစွမ်းကုန် မထင်မြင်နိုင်။"

"ရဟန္တာပုဂ္ဂိုလ်သည် သုံးပါးလုံးကို အစွမ်းကုန် ထင်မြင်နိုင်သည်။"


ကြိုက်ရာတစ်ခုတည်းရွေး အဟုတ်လုပ်

တရားဆိုသည်ကား သမထတရားပင် ဖြစ်စေ၊ ၀ိပဿတရားပင် ဖြစ်စေ သဘောအကျဆုံး၊ စိတ်ဥာဏ်အရှင်းဆုံးဖြစ်သော တရားတစ်ခုခုကိုသာ ရှာကြံ၍ မိမိရရ တစ်သက်ပတ်လုံး အားထုတ်ရာသည်။

ဟိုတရားက ကောင်းလိမ့်ထင့်၊ ဒီတရားက ကောင်းလိမ့်ထင့်၊ ဟိုတရားကို အားထုတ်လိုက် ဦးမှ၊ ဒီတရားကို အားထုတ်လိုက်ဦးမှ စသည်ဖြင့် ဓမ္မ၀ိတက် ဖြစ်တတ်ကြသည်။ အဆုံးသတ်လိုက်တော့ ဟိုတရားကိုလဲမိမိရရ မရှိ၊ ဒီတရားကိုလဲ မိမိရရ မရှိ၊ ဟိုလိုလို သည်လိုလိုနှင့်အချိန်ကုန်တတ်ကြ သည်

အာနာပါန ကမ္မဋ္ဌာန်းသည် ၀ိတက်စရိုက် ပြောသူနှင့် သင့်လျော်၏ ဟု ပြဆိုသော်လည်း ၀ိတက်စရိုက် မပြောသောသူတို့မှာမူ သာ၍ပင်သင့်လျော်သေး၏။ စရိုက် ပဓာနမဟုတ်။
စိတ်ဥာဏ်ရှင်းလင်း၍ ထင်လွယ်၊ မြင်လွယ်၊ သိလွယ်သည်သာလျှင် ပဓာန ဖြစ်၏။


နိမိတ် အစစ် အတု

စိတ်သည် ခန္ဓာကိုယ်ထဲ၌မနေဘဲ အာရုံရှိရာသို့ သွားလာ၍ အမျိုးမျိုး အဖုံဖုံ ကြံစည် စဉ်းစား၍ ထင်ခြင်းသည် နိမိတ်အစစ်မဟုတ်

စိတ်ရှိရာသို့ အာရုံက လာရိုက်၍ ထင်စေရမည်

ဥပမာကား ဓာတ်ပုံရိုက်သကဲ့သို့ ဖြစ်စေရမည်။ စိတ်ကား ဓာတ်မှန်ကဲ့သို့ တည်စေရမည်။ အာရုံကား အရိပ်အရောင်ကဲ့သို့ ရိုက်၍ ထင်စေရမည်။ ဤကဲ့သို့ ထင်စေမှသာလျှင် နိမိတ်အစစ် ဖြစ်မည်။

ဈာန်ပျံခြင်း

ဈာန်ရလျှင် ကောင်းကင်သို့ ပျံနိုင်သည်ဟု တစ်ထစ်ချ မှတ်ယူတတ်ကြကုန်၏။ ပ၊ ဒု၊ တ၊ စ
ဈာန်ကို ရရုံမျှဖြင့် ကောင်းကင်သို့ မပျံနိုင်

ပဉ္စဈာန်သည် သက်သက်သော ပဉ္စမဈာန်၊ အဘိညာဉ်ကိစ္စ တပ်သော ပဉ္စမ ဈာန်အားဖြင့် နှစ်ပါးရှိ သည်တွင် ဣဒ္ဓိဝိဓ အဘိညာဉ်ကိစ္စတပ်သော ပဉ္စမဈာန်မှသာလျှင် လိုရာအရပ်သို့ ပျံသန်းနိုင်သည်။

ကိုယ်ကို ပေါ့ပေါ့ပါးပါး လူရှင်အများတို့ ထင်မြင်အောင် ပျံသွားခြင်း တစ်မျိုး၊ လူရှင် အများတို့
မထင်မမြင်နိုင်ဘဲ ခဏတစ်ဖြုတ် ရုတ်တရက် လျင်မြန်စွာ မျက်စိတစ်မှိတ် လျှပ်တစ်ပြက် စိတ္တက္ခဏ အတွင်းမှာပင်လျှင် လိုရာအရပ်သို့ ပျံသွားခြင်း တစ်မျိုးအားဖြင့် နှစ်မျိုးရှိသည်။

သီသီကလေးနှင့် တစ်သက်လုံးလွဲ

ရုပ်မှန်း၊ နာမ်မှန်း၊ အနိစ္စအချက်မှန်း၊ ဒုက္ခအချက်မှန်း၊ အနတ္တအချက်မှန်း မသိဘဲလျက် ထွက်သက် လေ၊ ၀င်သက်လေကိုသာ အာရုံပြု၍ မှတ်နေလျှင် သမထပင် ဖြစ်သည်။

ရုပ်မှန်းအနတ္တ အချက်မှန်း သိလျက် ထိုရုပ်နာမ်တို့၏ အဖြစ်အပျက်ကို လက္ခဏာတင်၍ သုံးသပ် ပါမူ ၀ိပဿနာ ဖြစ်လေတော့၏။

နားမလည်လျှင် သီသီကလေးနှင့် တစ်သက်လုံး လွဲချော်တတ်၏။

ထွက်သက်လေနှင့် ၀င်သက်လေတို့သည် ၀ါယောဓာတ်ဟု ဆိုရသော်လည်း ပထ၀ီ၊ အာပေါ၊ တေဇောဓာတ်တို့လည်း ပါမြဲဖြစ်လေသည်။

ထွက်သက်လေမဟာဘုတ်နှင့် ၀င်သက်လေ မဟာဘုတ်သည် ရုပ်၊ ထွက်မှန်းသိသော စိတ်သည် နာမ်။ (လေ၊ခံစားမှု၊မှတ်သားမှု၊ စေ့ဆော်မှု၊ သိမှု- ခန္ဓာငါးပါးနှင့်လည်း ခွဲပြထားသည်။)

စိတ်ဥာဏ်က ( အစ-အလယ်-အဆုံး ) မလိုက်နိုင်မူ-
အ၀င်၌ အဖြစ် တစ်ချက်တည်းကိုဖမ်း။
အထွက်၌ အပျက် တစ်ချက်တည်းကိုဖမ်း။

အဖြစ်ကိုဖြစ်စေ၊ အပျက်ကိုဖြစ်စေ တစ်ချက်ချက်မိလျှင် မဂ်ကိစ္စ ပြီးနိုင်သည်။ အရေးကြီးသော အချက်၊ ကောင်းစွာမှတ်။

ရုပ်နာမ်တရားတို့သည် တစ်နေရာမှ တစ်နေရာသို့ တစ်ဆံဖျားမျှ ရွှေ့ပြောင်းသည်ဟူ၍ မရှိ။ တစ်နေရာတည်း၌ပင် ဖြစ်၍ ပျက်ကြရကုန်၏။

"ဝေဒနာလိုက်" ဟု ဆိုသော်လည်း

နာမ်တရားဟူသမျှတို့တွင် ဝေဒနာသည် အထင်အရှားဆုံး၊ အသိလွယ်ဆုံး ဖြစ်သည်။ ဝေဒနာတရား နှင့် ပရိနိဗ္ဗာန် စံဝင်တော်မူကြသည်ကား များစွာရှိကုန်၏။ မိမိတို့၏ ကိုယ်ကို ဒွိဟိတ်မှန်း တိဟိတ်မှန်း ဧကန်မသိသေးဘဲလျက် ဂေါဓိကရဟန်း ကို အားကျ၍ လည်ပင်းကို ဖြတ်သည်ရှိသော် လည်ပြတ်ရုံသာ ရှိလိမ့်မည်။

ဝေဒနာတရား ငါးပါးတို့တွင်လည်း ဒုက္ခဝေဒနာသည် အသိလွယ်ဆုံး၊ အထင်ရှားဆုံး ဖြစ်သည်။

နည်းနည်းညောင်းလျှင် နည်းနည်းထင်ရှား၏။ များများညောင်းလျှင် များများထင်ရှားသည်။ ညောင်းညာပါစေ၊ ထုံကျဉ်ပါစေ၊ ကိုက်ခဲပါစေ၊ ယိမ်းယိုင်ပါစေဟူ၍ ဘယ်အခါမျှ နှလုံ မသွင်း အပ်။ဝေဒနာဖုံးနေသည်။

ညောင်းအားကြီးလွန်းလျှင် ပြင်ဆင်နိုင်သည်။ အညောင်းလွန်သော် စိတ်ပျံ့လွင့်၍ အမျိုးမျိုးအဖုံဖုံ ဖြစ်တတ်ကြသည်။ ဤကဲ့သို့ ဖြစ်တတ်သည်ကိုပင် အကောင်း ထင်မှတ် ကြသေး၏။ မထင်မှတ် အပ်။

ယောဂီ ပုဂ္ဂိုလ်တစ်ဦးက ရှေ့ကနေ၍ လွဲနေလျှင် နောက်ကလိုက်သော ယောဂီတွေ အကုန်လွဲကုန် ၏။ ညောင်းညာ ထုံကျဉ် ကိုက်ခဲ၍ လာသောအခါ သူ့အလိုလို ယိမ်းယိုင် လာတတ်သည်။ ထ၍ပင်ခုန်တတ်သေးသည်။ အကောင်းမဟုတ်၊ စိတ်ကိုမလွှတ်ရာ။ ကြာလျှင် အရူးကဲ့သို့ ဖြစ်တတ်၏။ ဤကဲ့သို့ ဖြစ်သည်ကိုပင် သမာဓိ မှတ်ထင်တတ်သေးသည်။

စိတ်ဥာဏ်က လိုက်နိုင်ပါမူ တစ်ကိုယ်လုံး၌ ပျံ့နှံ့၍ သွားသည်တို့ကို ထင်မြင်အောင် နှလုံးသွင်း အပ်၏။ မိုးတိမ်များ လေသင့်ရာသို့ ရေးရေး ရေးရေးနှင့် သွားနေသကဲ့သို့ အသစ်အဟောင်း ပြောင်းလဲ၍ ပြောင်းလဲ၍ ဖြစ်ပျက်၍ ဖြစ်ပျက်၍ သွားသည်တို့ကို အာရုံစူးစိုက်၍ နှလုံးသွင်း နိုင်လျှင်လက္ခဏာ အထူးတင်နေရန် မလိုတော့ချေ။ တင်ပြီးသကဲ့သို့ ဖြစ်၏။

Read More!

သာသနာနဲ့ သာသနာပြု


သာသနာနဲ့ သာသနာပြု
သာသနာက ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာလို့ သုံးရပ်ရှိတယ်။ တစ်နည်း သီလသာသနာ၊ သမာဓိသာသနာ၊ ပညာသာသနာလို့ သုံးရပ်ရှိတယ်။ တစ်နည်း ယထာပရာဓသာသနာ၊ ယထာနုလောမသာသနာ၊ ယထာဓမ္မသာသနာလို့ သုံးရပ်ရှိတယ်။
ပရိယတ္တိသာသနာဆိုတာ ဘုရားဟော ထားခဲ့တဲ့ ပိဋကတ်သုံးပုံ၊ နိကာယ်ငါးရပ်ဆိုတဲ့ ပိဋကတ်စာပေတွေကို သင်ယူခြင်း၊ လေ့လာခြင်း၊ မှတ်သားခြင်း၊ သင်ကြားပို့ချခြင်း၊ ဟောပြောခြင်း၊ နှုတ်ငုံဆောင်ထားခြင်း တို့ကိုခေါ်တယ်။
ပဋိပတ္တိသာသနာဆိုတာကတော့ ဘုရားဟောထား၊ ဆုံးမထားတဲ့ တရားတော်အတိုင်း လိုက်နာကျင့်ကြံ၊ အားထုတ်ခြင်းကိုခေါ်တယ်။ ပဋိဝေဓသာသနာ ဆိုတာကတော့ အပတ်တကုတ်ကျင့်ကြံ အားထုတ်လို့ မဂ်ဖိုလ် နိဗ္ဗာန်တရားတွေကို ထိုးထွင်း သိခြင်းပဲ။
သီလသာသနာဆိုတာ လူတွေမှာ ငါးပါး သီလ၊ ရှစ်ပါးသီလ။ ရဟန်းတော်တွေမှာ ၂၂၇ သွယ် ရှိတဲ့ သိက္ခာပုဒ်သီလတွေကို ထိန်းသိမ်းစောင့်ရှောက် လိုက်နာခြင်းပဲ။ သမာဓိသာသနာဆိုတာ ဘုရားရှိခိုးခြင်း၊ ဂုဏ်တော်ပွားခြင်း၊ ပုတီးစိတ်ခြင်းစတဲ့ စိတ်အေးငြိမ်းကြောင်း၊ စိတ်တည်ငြိမ်ကြောင်း သမာဓိလုပ်ငန်းတွေကို လုပ်ခြင်းပဲ။ ပညာသာသနာ ဆိုတာကတော့ ၀ိပဿနာအလုပ်ကိုအားထုတ်လို့ ရုပ်နာမ်ကိုသိခြင်း၊ အနိစ္စ၊ ဒုက္ခ၊ အနတ္တကိုမြင်ခြင်း၊ မဂ်ဖိုလ်နိဗ္ဗာန်ကို သိမြင်ခြင်းပဲ။

ယထာပရာဓသာသနာဆိုတာ အပြစ်ရှိတဲ့ သတ္တ၀ါတွေ အပြစ်အားလျော်စွာ ဆုံးမထားတဲ့ ၀ိနည်းပိဋကတ်ကိုခေါ်တာ။ ယထာနုလောမ သာသနာဆိုတာ သတ္တ၀ါတွေရဲ့ အလိုဆန္ဒ အဇ္ဈာသယ၊ ကိန်းဝပ်နေတဲ့ အနုသယအားလျော်စွာ ဟောကြားဆုံးမထားတဲ့ သုတ္တန်ပိဋကတ်ကိုခေါ်တာ။ ယထာဓမ္မသာသနာဆိုတာ ရုပ်အစုအဝေး၊ နာမ်အစုအဝေး၊ ရုပ်အပုံ နာမ်အပုံမျှသာရှိတဲ့ ဒီခန္ဓာကြီးကို ငါ၊ ငါလို့ထင်မှတ်နေတဲ့ သတ္တ၀ါ တွေကို ရုပ်အစု အဝေး၊ နာမ်အစုအဝေး၊ ရုပ်အပုံ နာမ်အပုံမျှသာရှိ ပါလားလို့ထင်အောင်မြင်အောင် ဆုံးမ၊ ဟောကြားထားတဲ့ အဘိဓမ္မာပိဋကတ်ကိုခေါ်တာ။
တစ်ခွန်းတည်းခြုံပြောရရင်တော့ သာသနာဆိုတာ ဘုရားရှင်ရဲ့အဆုံးအမစကားတော်၊ မိန့်ခွန်းတော်၊ နှုတ်ခပတ်တော်၊ ပညတ်တော်ပါပဲ။
သာသနာပြုတယ်ဆိုတဲ့ ဝေါဟာရဟာ ဒီခေတ်ထဲမှာ ဖောဖောသီသီ လှိုင်လှိုင်ကြီးကို သုံးစွဲ နေကြတာပဲ။ ဘုရားဖူး သာသနာပြုအဖွဲ့တဲ့။ ဘုရားဖူးရင်း လိပ်ဥတူးရင်းဆိုတာလို အများစုဟာ ဘုရားဖူး နာမည်ခံပြီး အပျော်အပါးထွက်ကြတာ များတာပါ။ အလုပ်တွေ၊ တာဝန်တွေနဲ့ ဖိအားတွေများတော့ စိတ်ထွက်ပေါက်တစ်ခု အနေနဲ့ ဘုရားဖူးနာမည်ခံပြီး လွပ်လပ်မှုတစ်ခု ရှာကြတာ၊ ခံစားကြတာ များတာပါ။
ကျေးဇူးတော်ရှင် တောင်မြို့၊ မဟာဂန္ဓာရုံဆရာတော်ဘုရားက သာသနာဆိုတာ အဆောက် အဦးကို ခေါ်တာ မဟုတ်ဘူးလို့ မိန့်ခဲ့တယ်။ ဒါကြောင့် သာသနာဆိုတာ ဘုရားမဟုတ်ဘူး။ စေတီမဟုတ်ဘူး၊ ပုထိုးမဟုတ်ဘူး။ ကျောင်းမဟုတ်ဘူး။ ကန်မဟုတ်ဘူး။ သာသနာဆိုတာ ဘုရား အဆုံးအမကိုခေါ်တာ။
ဘုရားတည်တဲ့ ပုဂ္ဂိုလ်တွေ သူတို့ကိုယ် သူတို့ သာသနာပြုလိုင်းတဲ့။ သာသနာပြုပုဂ္ဂိုလ်တဲ့။ မဟာဂန္ဓာရုံဆရာတော်ဘုရားရဲ့အလိုဆိုရင် ဟုတ်၊ မဟုတ် စဉ်းစားကြည့်ပေ့ါ။ ဘုရားမရှိတဲ့အရပ်မှာ ဘုရားတည် တာကောင်းပါတယ်။ ဘုရားရှိပြီးသား အရပ်မှာတော့ နောက်ထပ်အသစ်တည်ဖို့မလိုပါဘူး။ ဘုရားထက်အရေး ကြီးတာတွေ အများကြီးရှိ ပါသေးတယ်။
ကိုယ့်ဖယောင်းတိုင်မှာ မီးတောက် မရှိဘဲ တခြားဖယောင်းတိုင်ကို မီးကူးပေးလို့ မရဘူး။ ဒီလိုပဲ.. ကိုယ့်သန္ဓာန်မှာ သာသနာ မရှိဘဲ သူများကို သာသနာပြုလို့မရဘူး။ သာသနာပြုတယ်ဆိုတာ လူတိုင်းနဲ့ တန်တာ မှတ်လို့။
နိုင်ငံရပ်ခြား သာသနာပြုထွက်ကြတယ်။ ကောင်းပါတယ်။ ပဏ္ဍိတာရာမ ဆရာတော်ဘုရား ကတော့ သာသနာပြုဆိုတဲ့ ဝေါဟာရကြီးဟာ ကြီး ကျယ်လွန်းလို့ မသုံးရဘူး။ ပြည်ပသွားတာ ဓမ္မဒူတခရီးလို့ပဲ အမည်တပ်တယ်။
ပရိယတ္တိမူလကံ သာသနံ လို့ ဋီကာ ဆရာတို့မိန့်ဆိုကြတယ်။ သာသနာရဲ့အခြေခံ ရေသောက်မြစ်ဟာ ပရိယတ္တိပဲ။ ဒါကြောင့် နံပါတ်တစ် သာသနာပြုပုဂ္ဂိုလ်စစ်စစ်ဟာ စာချပုဂ္ဂိုလ်ပဲ။ ဒီနောက်မှာတော့ တရားဟော၊ တရားပြပုဂ္ဂိုလ်တွေပေ့ါ။
ပရိယတ္တိက ရေကန်ကြီးရဲ့ ကန်ဘောင်နဲ့တူတယ်။ ပဋိပတ္တိက ရေကန်ထဲက ရေတွေနဲ့တူတယ်။ ပဋိဝေဓက ရေကန်ထဲက ပွင့်နေတဲ့ကြာမျိုး ငါးပါးနဲ့တူတယ်။ ပရိယတ္တိ ကန်ဘောင်ခိုင်မှ၊ ကောင်းမှ၊ လုံခြုံမှ၊ ပဋိပတ္တိရေတွေ ကြာရှည်တည်တံ့နိုင်တယ်။ ပဋိပတ္တိရေတွေ ကြည်ကြည်လင်လင် သန့်သန့်ရှင်းရှင်း တည်ရှိမှ ပဋိဝေဓ ကြာပန်းတို့ပွင့်လန်းနိုင်တယ်။

ဓမ္မပိယဆရာတော်
အရှင်သံဝရာလင်္ကာရ

Read More!

ဒေ၀ဒူတ သုတ္တာန် ပါဠိတော်ကြီး (ယမမင်းစစ်တမ်း)


ဒေ၀ဒူတ သုတ္တာန် ပါဠိတော်ကြီး (ယမမင်းစစ်တမ်း)

ယမမင်း ။ ။ မောင်မင်း .. သင်သည်လူ့ပြည်၌ ပထမသေမင်းတမန် ထင်ထင်ရှားရှား ဖြစ်သည်ကို မမြင်ပါသလော။

ငရဲသား ။ ။ ကျွန်ုပ် မမြင်မိပါ။

ယမမင်း ။ ။ မောင်မင်း .. သင်သည် လူ့ပြည်၌ မိမိ၏ကျင်ကြီးကျင်ငယ် မသုတ်သင်နိုင်ဘဲ လူးလိမ့်ကာ နေရရှာသော ကလေးသူငယ်များကို မတွေ့ခဲ့ဘူးလား ။

ငရဲသား ။ ။ ကျွန်ုပ် မြင်မိပါသည်။

ယမမင်း ။ ။ မိမိကိုယ်တိုင်နားလည်သော အရွယ်သို့ရောက်သောအခါ ထိုကလေးများကိုကြည့်၍ ““ငါသည် ဘာမျှမသိနားမလည်ရှာသေးသော ယခုလို ကလေးသူငယ်ဖြစ်ဖို့ရာ နောင်ခါ ပဋိသန္ဓေနေရဦး မည်။ ပဋိသန္ဓေ နေခြင်းသဘောကို မလွန်ဆန်နိုင်သေးအံတကား ။ ယခုငါသည် ကိုယ်၊ နှုတ်၊ စိတ် တို့ဖြင့် ကောင်းမှုကုသိုလ်များကိုပြုတော့မှတော်ကာကြတော့မည်”” ဟု အကြံအစည်များ အမောင် မဖြစ်ခဲ့ဘူးလား ။
(အလွန်ကြင်နာစွာမေးသည်။)


(အော်...ဘယ်လိုမေးခွန်းကြီးပါလိမ့် ၊ ဒီလိုမေးလိမ့်မယ်လို့တစ်ခါမှမထင်ခဲ့ပါဘူး။ ငယ်ငယ်တုန်းက ယမမင်း မေးရင် မင်းလူ့ပြည်မှာ ဘာကောင်းမှုလုပ်ခဲ့သလဲ။ သတိရရင် လွတ်ပြီ။ ဒီလိုဘဲ ထင်ခဲ့တာ။ အခုတော့ တွေ့ပြီ ။ ကဲ သင်တို့ရော ဒီလို အကြံအစည်ဖြစ်ဖူးပါသလား။ ကဲဖြေလိုက်ပါ ...)

ငရဲသား ။ ။ ကျွန်ုပ် မတတ်နိုင်ခဲ့ပါ။ မေ့လျော့ခဲ့ပါသည်။ ဟို... ကျွန်ုပ် မိဘတွေကို လုပ်ကျွေးနေ ..

ယမမင်း ။ ။ တော်တော် .. မောင်မင်း ...မင်းမိဘ ဆွေမျိုးညာတကာ ဆရာ တွေကပြုပေးသည်မဟုတ်။ သူတို့နဲ့မဆိုင်။ မောင်မင်း ကိုယ်တိုင် ပြုခဲ့သည်ဖြစ်လို့ အမောင့် မေ့ပြစ် အမောင်သာဆိုင်တယ်။ ဘာမှ ဆင်ခြေပေးလို့မရတော့ဘူး။
ကဲရှိစေတော့ ... ထပ်မေးမယ် ... မောင်မင်း

ယမမင်း ။ ။ အမောင်လူ့ပြည်မှာတုန်းက ဒုတိယ သေမင်းတမန်ထင်ထင်ရှားရှား ဖြစ်သည်ကို မမြင်ပါသလော။

ငရဲသား ။ ။ ကျွန်ုပ် မမြင်မိပါ။

ယမမင်း ။ ။ အမောင်လူသား ... သင်သည်လူ့ပြည်၌ တောင်ဝှေးကိုသာမှီခို အားထားရာရှိလျက်၊ ဆံဖြူ၊ သွားကျိုး၊ အရေတွန့်လိပ် ..စသည်ဖြင့် တုန်တုန်ချည့်ချည့်ဖြင့် နောက်ဆုံးအရွယ်သို့ရောက်ရှိနေ သော အိုမင်းရင့်ရော်နေသည် လူသားတို့ကို အမောင်တွေ့မိခဲ့ပါသလား..။

ငရဲသား ။ ။ ကျွန်ုပ် မြင်မိပါသည် အရှင်ယမမင်းကြီး။

ယမမင်း ။ ။ အေး .. ဒါဆိုကွာ ... သင်မိမိကိုယ်တိုင်နားလည်သော အရွယ်သို့ရောက်သောအခါ ထိုသူတို့ကို ကြည့်ပြီး ၊“အော်ငါသည်လည်း စင်စစ် ဤသို့ အိုရခြင်းသဘောကို မလွန်ဆန်နိုင်အံ။ ယခုငါသည် ကိုယ်၊ နှုတ်၊ စိတ် တို့ဖြင့် ကောင်းမှုကုသိုလ်များကိုပြုတော့မှတော်ကာကြတော့မည်” ဟု အကြံအစည်များ အမောင် မဖြစ်ခဲ့ဘူးလား ။

ငရဲသား ။ ။ ကျွန်ုပ် မတတ်နိုင်ခဲ့ပါ။ မေ့လျော့ခဲ့ပါသည် အရှင်ယမမင်းကြီး။ ဒီလိုပါ ...

ယမမင်း ။ ။ တော်ပြီ ... အမောင့် မေ့ပြစ်ဟာ အမောင်သာဆိုင်တယ်။ ဘာမှ ဆင်ခြေပေးမနေနဲ့။

ဤနည်းအတိုင်း တတိယသေမင်းတမန်အဖြစ် .. သူနာ ကိုညွှန်ပြလေသည်။
ဤနည်းအတိုင်း စတုတ္ထသေမင်းတမန်အဖြစ် .. သူသေ ကိုညွှန်ပြလေသည်။
ဤနည်းအတိုင်း ပဉ္စမသေမင်းတမန်အဖြစ် .. နှိပ်စက်ခံနေရသော အကျဉ်းသား၊ ထောင်သား၊ ရာဇ၀တ်သား ကိုညွှန်ပြလေသည်။

၅ ကြိမ်တိုင်အောင်မေး၍ မေ့လျော့ပေါ့ဆခဲ့သဖြင့် .. သတိမရနိုင်လျှင် .. ယမမင်းကြီးကိုယ်တိုင် “လူ့ဘ၀တယ် ထိုသူ ကုသိုလ်ပြုခဲ့ဖူးသလား၊ ပြုသည့်အခါတုန်းက မိမိအား အမျှအတန်း ဝေခဲ့ဖူးသလား” ဟုစဉ်းစား၏။
စဉ်းစား၍ရလျှင်ထိုကုသိုလ်ကို ဖော်ပြ၏။ ယမမင်းကပြောသောကြောင့်ဖြစ်စေ၊ျွိမိဘာသာ သတိရ၍ဖြစ်စေ ကုသိုလ်ကို သတိရသည်နှင့် တစ်ပြိုင်နက် ငရဲမှလွတ်မြောက်ရလေသည်။
(ထိုအချိန်မျိုးမှာ မိမိ၏ ကုသိုလ်များ အားထားရကြောင်းထင်ရှားပေသည်။ ကောင်းမှုကုသိုလ်များပြုလုပ်ပါ သူငယ်ချင်းအပေါင်းတို့ ..)

ယမမင်းကြီး ကိုယ်တိုင်စဉ်းစာတိုင်စဉ်းစား၍ မရသောအခါ ဆိတ်ဆိတ်နေရတော့၏။ ထိုအခါ ငရဲကောင် သတ္တ၀ါကို ငရဲထိန်းတို့ ယူဆောင်လျက် အမျိုးမျိုးနှိပ်စက်ကြကာ ငရဲခံရရှာတော့သည်။

ရှေးဦးစွာ ထိုသူကို ငရဲထိန်းများသည် နှောင်ဖွဲ့ခြင်း ငါးရပ်ခေါ်သော – လက်နှစ်ဖက်၌၄င်း၊ ခြေနှစ်ဖက်၌၄င်း၊ ရင်လယ်၌၄င်း၊ သံနပူဖြင့် စိုက်နှက်ခြင်းတည်းဟူသော ချုပ်နှောင်ခြင်းကိုပြုကြ၏။

ထိုနောက် - ထိုသူကို ငရဲထိန်းများသည် ရဲရဲငြီးသော သံမြေပြင်၌ လှဲအိပ်လှိမ့်လိုက်ကာ ဒါးမ များဖြင့် အမျိုးမျိုးခုတ်ရွှေကြ၏။

ခြေကိုမိုးမျှော်၊ ဦးခေါင်းဇောက်ထိုး၊ ဆွဲကိုင်ကာ ပဲကွတ်များဖြင့် ခုတ်ရွှေကြ၏။

ရထားမှာတပ်၍ မီးတောက်လောင်နေသောမြေ၌ ရှေ့တိုး၊ နောက်ဆုတ် သွားခိုင်းကြ၏။

ခြေကိုမိုးမျှော်၊ ဦးခေါင်းဇောက်ထိုး၊ ဆွဲကိုင်ကာ သံအိုးပူထဲ၌ ပစ်ချကြ၏။

သံရည်ပူများ၊ ကြေးရည်ပူများ ကို တိုက်ကြ၏။ ထို သံရည်၊ ကြေးရည်ပူများသည် အတွင်းကိုယ်အင်္ဂါများကို ကျက်ကျက်ဆူစေပြီးမှ ဒွါရကိုးပေါက်မှ နေ၍ပြန်ထွက်သည်။

သံအိုးပူထဲတွင်လည်း မြုပ်ချည် ပေါ်ချည် ဖီလာကန့်လန့် ကျက်စားရတော့၏။
သို့သော် မသေနိုင်ဘဲ စူးရှကြမ်းတမ်း၍ ခါးစပ်သော၊ သည်းထန်သော ဆင်းရဲဝေဒနာများကို ခံစားရလေတော့သည်။

ဤသည်မှာ ယမမင်းကြီးထံ စစ်မေးပြီး၍ ငရဲပြည်၏ အကြိုအစမ်းနှိပ်စက်ခြင်း (ငရဲပြည်၏ ကြိုဆိုရေး Reception) မှာပင်ရှိသေး၏။

ထိုနောက်မှ ထိုသူကို ငရဲထိန်းတို့သည် သူနှင့်သက်ဆိုင်ရာ ငရဲကြီးရှစ်ထပ်ရှိငရဲများကို ငရဲငယ်များကို တစ်ငရဲပြီးတစ်ငရဲ ဖြတ်သန်း အဆင့်ဆင့်ခံ၍ ငရဲကြီးသို့ကျရောက်ခံစားရလေတော့သတည်း။

ငါ၏ချစ်သား ရဟန်းတို့ .. စင်စစ် ငါဘုရားသည် ထိုငရဲ၌ ကျရောက်ခံစားရပုံတို့ကို ကိုယ်တော်တိုင် သိမြင်ထင်လင်းပြီးသော အကြောင်းတို့ကိုသာလျှင် ငါဘုရားဟောကြားတော်မူပေသည်။
ငရဲ၏ ဒုက္ခ ဆင်းရဲတို့ကို ငါဘုရား ထိုင်ပြောနေလျှင် ပြီးမည်မဟုတ်... အင်မတန်ဆိုးရွားလှသဖြင့် သတိထား၍ ကုသိုလ်တရား၊ ဘာဝနာတရား၊ ၀ိပဿနာတရားတို့ကို အားထုတ်ကြလော့ ။

ဤ ဒေ၀ဒူတသုတ္တန် ၏ အဆုံး၌ တရားကို အားထုတ်ကြ၍ ရဟန္တာဖြစ်သော ပုဂ္ဂိုလ်မြတ်များ ၊ သောတာပန်၊ သကဒါဂါမ်၊ အနာဂါမ် တည်သော ပုဂ္ဂိုလ်မြတ်များ မရေမတွက်နိုင်အောင်ရှိခဲ့ဖူးပြီ။
ဘုရားရှင်အဆူဆူလည်း ဤ ဒေ၀ဒူတသုတ္တန်ကို ဟောတော်မူမြဲပင် ဖြစ်ပလေတော့သတည်း ။


Read More!

ပြဿဒါး၊ရက်ရာဇာ

သမ္မာဒိဋ္ဌိတွင်(၁) ကမ္မသကတာသမ္မာဒိဋ္ဌိ(၂) ၀ိပဿနာသမ္မာဒိဋ္ဌိ (၃) မဂ္ဂသမ္မာဒိဋ္ဌိ (၄) ဖလသမ္မာဒိဋ္ဌိ (၅)ပစ္စဝေက္ခဏာသမ္မာဒိဋ္ဌိ
ဟူ၍ ငါးမျိုးရှိပါသည်။ ယင်းငါးမျိုးတွင် ၁) ကမ္မသကတာသမ္မာဒိဋ္ဌိသည်
အခြေခံအုတ်မြစ်ဖြစ်ပါသည်။ ယင်းအခြေခံအုတ်မြစ်အပေါ်တွင်သာထို့ထက်အဆင့်
မြင့်သော သမ္မာဒိဋ္ဌိလေးမျိုးကို အဆင့်ဆင့် တည်ဆောက်သွားနိုင်ပါသည်။
ဗုဒ္ဓဘာသာဝင်တစ်ဦးအနေဖြင့် မိမိကိုယ်ကို သမ္မာဒိဋ္ဌိဟုခံယူ
လိုသော် အနိမ့်ဆုံးအဆင့်အားဖြင့် ကမ္မသကတာသမ္မာဒိဋ္ဌိ၌သက်ဝင်ဖို့
လိုပေမည်။ ယင်းသမ္မာဒိဋ္ဌိ၌မျှနက်နက်ရှိုင်းရှိုင်းစွဲစွဲမြဲမြဲ ယုံကြည်သက်ဝင်မှု
မရှိလျှင် မည်သည့်နည်းနှင့်မျှ ဗုဒ္ဓဘာသာဝင်ကောင်းတစ်ယောက် ဖြစ်လာလိမ့်မည် မဟုတ်ပါ။


ကမ္မသကတာသမ္မာဒိဋ္ဌိဟူသည် မိမိပြုလုပ်သော စေတနာကောင်းကံ ၊
မကောင်းကံ၏ အကြောင်းအလိုက် ထိုက်တန်သလောက် ဖြစ်ပေါ်ခံစားသည်
ဟူ၍ယုံကြည်ခြင်းဖြစ်ပါ၏။ မိမိ၏ အလုပ်(ကံ)နှင့် ကံကြောင့်ရသော လုပ်ခခေါ်
သည့် ကံ၏အကျိုးကို ယုံကြည်ခြင်းဖြစ်ပါ၏။ ကောင်းသောအမှုလုပ်လျှင်
ကောင်းကျိုးချမ်းသာရရှိပြီး ၊ မကောင်းမှုလုပ်လျှင် မကောင်းကျိုး ဆင်းရဲဒုက္ခ
ရရှိမည်ဟု မုချယုံကြည်ခြင်းပင်ဖြစ်ပါ၏။ လူသား၏ ကံကြမ္မာကို ထိုလူ၏
"အလုပ်"၊"အကျင့်စရိုက်" ကသာဖန်တီး၍ အခြားမည်သည့်အရာကမျှ မဖန်တီးနိုင်
ဟုလည်း ခိုင်ခိုင်မြဲမြဲ စွဲစွဲနစ်နစ် ယုံကြည်သက်ဝင်ရခြင်းပင် ဖြစ်ပါ၏။

ဗုဒ္ဓဘာသာဝင်တစ်ဦးအနေဖြင့် ဤ ကမ္မသကတာသမ္မာဒိဋ္ဌိနှင့်
ဆန့်ကျင်သော အယူအစွဲတို့၌ မွေ့လျော်သက်ဝင်နေမိခြင်းရှိမရှိ မိမိကိုယ်ကို
ဝေဖန်စိစစ်ရန် များစွာလိုအပ်ပါသည်။

ဗြဟ္မဏတို့၏ ဝေဒကျမ်းလာ "ပြဿဒါး"၊"ရက်ရာဇာ"၊"၀ါရမိတ္တူ"၊
"နဂါးလှည့်" စသော အယူများသည် ကမ္မသကတာသမ္မာဒိဋ္ဌိနှင့် ဆန့်ကျင်သော
"အယူမှား" ၊ "အစွဲမှား" များဖြစ်၍ ယင်းအယူအစွဲမှားများ၌ယုံကြည်သူသည်
မည်သည့်နည်းနှင့်မျှ သမ္မာဒိဋ္ဌိ မဖြစ်နိုင်ပါပေ။ဗုဒ္ဓဘာသာဝင်တို့၏
အခြေခံဖြစ်သောကမ္မသကတာသမ္မာဒိဋ္ဌိတွင်သက်ဝင်မှုမရှိလျှင်အဘယ်မှာလျှင်
ဗုဒ္ဓဘာသာဝင်ကောင်းတစ်ယောက်ဖြစ်လာပါမည်နည်း။

နမ္မားဆရာတော်ကြီး အရှင်ဉာဏက ရက်ရာဇာ ပြဿဒါးတို့နှင့် ပတ်သက်၍
ပြက်ပြက်ထင်ထင် ရှင်းရှင်းလင်းလင်း ဝေဖန်ခွဲခြား စိစစ်တော်မူခဲ့သည်။
ရက်ရာဇာ ပြဿဒါး အယူစွဲ၍ အလွဲမွေ့လျော်သက်ဝင်သူများ ဆင်ခြင်
သံဝေဂရစိမ့်သောငှာ ကောက်နုတ်တင်ပြအပ်ပါသည်။

တနင်္ဂနွေ ၊ တနင်္လာ ဆိုတာ

"မောင်စိန်ရေ၊ တနင်္ဂနွေ တနင်္လာဆိုတာ ပူသလား အေးသလား"
"သဘောတရား မရှိပါဘုရား"
"သဘောတရားမရှိရင် ပညတ်ပေါ့၊ အဟုတ်ရှိ မဟုတ်ဘူးပေါ့ကွဲ့"
"မှန်ပါ့၊ ပညတ်ပါဘုရား"
"အဲဒီ အဟုတ်ရှိမဟုတ်တဲ့ ပညတ်တွေကို အဟုတ်ရှိထင်ပြီး ပြဿဒါးကို
ကြောက်ရ၊ ရက်ရာဇာကို အားကိုးရနဲ့ ပုထုဇဉ်တွေမှာ မောပြီး ဒုက္ခ
ဖြစ်နေကြတယ်မဟုတ်လား မောင်စိန်ရဲ့"
"မှန်ပါ့၊ ဒုက္ခဖြစ်နေကြပါတယ် ဘုရား"

ပြဿဒါး


"ပြဿဒါးနေ့မှာ ထန်းလျက်ခဲကိုစားရင် မချိုဘူးလား"
"ချိုပါတယ်ဘုရား"
"ကုသိုလ်လုပ်ရင် ကုသိုလ်မဖြစ်ဘူးလား"
"ဖြစ်ပါတယ်ဘုရား"
"ကုသိုလ်ကံသည် အကျိုးပေးခွင့်ရသော်လည်း ပြဿဒါးနေ့မှာ အကျိုးမပေးသေးဘဲ
ဆိုင်းငံ့နေတယ်လို့ ဘုရားဟောသလား"
"မဟောပါဘုရား"
"ဒီလိုဆိုရင် ကံကောင်းထောက်ပံ့နေသောသူသည် ပြဿဒါးနေ့မှာ အိမ်တိုင်ထူ
ခြင်းကြောင့် မကောင်းကျိုးရဦးမှာလား"
"မရပါဘုရား"
"ဒီလိုဆိုရင် ကံကောင်းထောက်ပံ့နေသောသူသည် အကုသိုလ်ကိုသာ ကြောက်
ရမယ် မဟုတ်လား"
"မှန်ပါ့ဘုရား"
"အဲဒါကြောင့် အကုသိုလ်ကို မကြောက်ဘဲ ပြဿဒါးကိုကြောက်လျှင် ဗြဟ္မဏ
ဘာသာ၊ ပြဿဒါးကို မကြောက် အကုသိုလ်ကိုကြောက်မှ ဗုဒ္ဓဘာသာ
လို့မှတ်ကွဲ့"
"မှန်ပါ့ဘုရား"

ရက်ရာဇာ


"ရက်ရာဇာနေ့မှာ ငရုတ်သီးစားရင် မစပ်ဘူးလား"
"စပ်ပါတယ်ဘုရား"
"ရက်ရာဇာနေ့မှာလုပ်သော အကုသိုလ်သည် မကောင်းကျိုးကို မပေးဘဲ
နေပါ့မလား"
"မနေပါဘုရား"
"ကံမကောင်းသောသူသည်ရက်ရာဇာနေ့မှာအိမ်တိုင်ထူခြင်းကြော င့်
ချမ်းသာပါ့မလား"
"မချမ်းသာပါဘုရား"
"မောင်စိန်တို့ရွာမှာ အိမ်ခြေဘယ်လောက်ရှိသလဲ"
"တစ်ရာရှိပါတယ်ဘုရား"
"၄င်းအိမ်ခြေတစ်ရာမှာ ရက်မရွေးဘဲ ဆောက်တဲ့အိမ်ပါရဲ့လား"
"မပါပါဘုရား"
"ရက်ရွေးပြီးဆောက်တဲ့အိမ်တွေသည် ချမ်းသာတဲ့ အိမ်တွေချည်းပဲလား"
"မွဲသောအိမ်တွေသာ များပါတယ်ဘုရား"
"ဒီလိုဆိုရင် ရက်ကောင်းတွေက ကောင်းကျိုးပေးနိုင်သလား"
"မပေးနိုင်ပါဘုရား"
"ရက်မရွေးဘဲ မင်္ဂလာဆောင်တဲ့ လင်မယားရှိရဲ့လား"
"မရှိပါဘုရား"
"လင်မယားတိုင်း မကွဲမကွာနဲ့ ချမ်းသာတာချည်းပဲလား"
"မဟုတ်ပါဘုရား"
"ရက်ကောင်းတွေကို အားကိုးရတာ အလကားပေါ့"
"အလကားပါဘုရား"
"ကုသိုလ်ကို အားကိုးမှ ဗုဒ္ဓဘာသာကွဲ့ မောင်စိန်ရဲ့"
"မှန်ပါ့ဘုရား"

စင်စစ်သော်လူသားတစ်ဦး၏ဘ၀လောကဓံဟူသည်ထိုလူသား၏စိတ်သန္တာန်
တွင်ဖြစ်ပေါ်လာသော စေတနာအလျောက် ခံစားရသည့် တုံ့ပြန်မှုသာလျှင်ဖြစ်ပါ၏။

ကောင်းသောလောကဓံတရားများသည် လူသား၏ စိတ်အစဉ်တွင် ဖြစ်ထွန်း
သည့် မေတ္တာ၊ စေတနာ၊ ကရုဏာ၊ မုဒိတာတရားများ၏ ထုထည်ပမာဏနှင့်
လျော်ညီထိုက်တန်စွာ ခံစားရသည့် အကျိုးရလဒ်ဖြစ်ပါ၏။ ယင်းသည် တရား
မျှတသော ကမ္မနိယာမဖြစ်ပါ၏။ ဤကမ္မနိယာမကို ကပြောင်းကပြန်
တော်လှန်နိုင်သော တန်ခိုးဣဒ္ဓိပါဒ်ရှင်ဟူ၍ ဤကမ္ဘာ၌မရှိ။

ရက်ရာဇာ ပြဿဒါး ၀ါရမိတ္တုတို့က စွမ်းနိုင်သောအရာလည်း မဟုတ်။
ကိလေသာတန်းလန်း ၊ အာသဝေါတရားများ ထွေးလုံးရစ်ပတ်နေသောဗြဟ္မဏ
ပုဏ္ဏားတို့၏ "ရက်ရာဇာ" "ပြဿဒါး"ဟူသော အယူသည် ကမ္မနိယာမနှင့်
ဆန့်ကျင်ခြားနားသော အယူမှား ၊ အစွဲမှားသာဖြစ်ပါ၏။
ယင်းရက်ရာဇာ၊ ပြဿဒါး အယူမှား အစွဲမှားတွင် သက်ဝင်ယုံကြည်နေသူများ
အနေဖြင့် အမှားကိုပြင် နိုင်စေရန် စေတနာဖြင့် အောက်ပါ စာပိုဒ်ကို
လက်ဆောင်ပါးအပ်ပါသည်။

အမှားအမှန်ကို တိကျစွာ သိရန်ခဲယဉ်း၏။
အမှားအမှန်ကို စိစစ်ခဲ၏။
အမှားအမှန်ကို ဝေဖန်ခွဲခြား၍ ပြောခဲ၏။
အမှားကို ပယ်၍ အမှန်ကိုပြုလုပ်ခဲ၏။
ထိုခဲယဉ်းခြင်းလေးမျိုးတို့ကမှ လွတ်မြောက်အောင် အထူးအားထုတ်သင့်၏}}
( အရှင်သေဋ္ဌိလာဘိဝံသ ဆရာတော်ဘုရားကြီး )

Happyvalley ရေးသားသော Myanmar cupid မှကောက်နုတ်တင်ပြထားပါသည်။

Read More!

  © Blogger template 'Fly Away' by Ourblogtemplates.com 2008

Back to TOP