တဏှာနှင့်ဆန္ဒမတူပုံရှင်းလင်းချက်

အလိုရှိလျှင် ရှာမှီရမြဲ ဖြစ်ရကား လိုလားအပ်သော အာရုံကို ရှာမှီခြင်းသည် ဆန္ဒ၏ကိစ္စဖြစ်ပါတယ်။ ဆန္ဒရဲသဘော ဥပမာကတော့ ထမင်းဆာလို့ ထမင်းစားလိုက်တယ်၊ ရေဆာလို့ရေသောက်လိုက်တယ်၊ ဆီးသွားချင်လို့ ဆီးသွားလိုက်တယ် ဒီထိက ဆန္ဒရဲ့သဘောပဲ ရှိပါသေးတယ် နောကျမှ စားတဲ့ သောက်တဲ့ အပေါ်မှာ တဏှာစိတ်တွေ၊ ဒေါသစိတ်တွေ ဖြစ်လာရင်တော့ လောဘဖြစ်သွားပါတယ်။ လောက၌ လောဘနေယျအာရုံ ကာမဂုဏ်ကို ရှာမှီမှုမှ တစ်ပါး တရားရှာမှု ပညာရှာမှု နိဗ္ဗာန်ကို လိုချင်တောင့်တမှုများသည် ဆန္ဒ၏ သဘောကိစ္စချည်းသာ ဖြစ်သည်။ လောဘနေယျ အာရုံ ကာမဂုဏ်ကို အလိုရှိရာတွင် လောဘက ပြဋ္ဌာန်းသောကြောင့် လောဘအာရုံကို ဆန္ဒက လိုက်လျောရသည်။ လောဘနေယျအာရုံပင် ဖြစ်စေကာမူ သူတစ်ပါးအား လှူဒါန်းလို ချီးမြောက်လို၍ ပစ္စည်းဥစ္စာကို ရှာဖွေသိမ်းဆည်း၍ ငြိကပ်တွယ်တာ တဏှာသဘော မပါသူတို့အတွက်မှာ ဘောဘသဘောမဟုတ်၊ ဆန္ဒသဘောသာ ဖြစ်သည်။ ဥပမာ မြားပုံကြီးကို အနားထား၍ မြားပစ်သော လေးသမားသည် မြှားတို့ကို ကောက်၍ ယူသော်လည်း ထိုမြားပေါ်တွင် ငြိကပ်တွယ်တာမှု သဘောမပါသလိုပင် ဖြစ်ပါတယ်။

လိုချင်တပ်မက်တဲ့ လောဘဟာ သမုဒယသစ္စာပါ၊ သမုဒယသစ္စာဆိုတာ ဆင်းရဲကို ဖြစ်ပေါ်စေတဲ့ အကြောင်းပါပဲ။ ဆင်းရဲမှန်သမျှ လောဘကြောင့် ဖြစ်တာချည်းပါပဲ။ ဆယ်တန်းစာမေးပွဲမှာ ဒီ ငါးလုံး၊ ခြောက်လုံး ပါမယ်လို့ မျော်လင့်ထားပြီး ဒီ နှစ်လုံးပဲ ပါလို့ ချုံးချငိုတာဟာ ပညာရေး အဆင်မြင့်ကို လိုချင်တပ်မက်တဲ့ လောဘကြောင့် ဖြစ်တဲ့ ဆင်းရဲဆိုတာ ထင်ရှားပါတယ်။

(သဂြုင်္ိဘာသာဋီကာ၊ စာ-၁၇၁)

တရားကို ကျင့်ကြံ အားထုတ်နေသူများအတွက် ထပ်ဆင့် ရှင်းပါအုံးမယ်။

ကုသိုလ်ဆိုရာမှာလည်း လောကီကုသိုလ်နှင့် လောကုတ္တရာကုသိုလ်နှစ်မျိုးရှိပါတယ်။

ဗုဒ္ဓအဘိဓမ္မာအရကတော့ သမထကုသိုလ်နဲ့ ၀ိပဿနာ ကုသိုလ်တွေဟာ လောကီကုသိုလ် တွေပါပဲ လောကုတ္တရာ စင်စစ်ဖြစ်တဲ့ မဂ်ညဏ်ဖိုလ်ညဏ် နိဗ္ဗာန်မှ တစ်ပါး ဒါန၊ သီလ၊ ဘာဝနာ စတဲ့ ကုသိုလ်အားလုံးဟာ လောကီကုသိုလ်တွေပါပဲ။ အဘိဓမ္မာသဘောအရ လောကီကုသိုလ်ကို လောဘက အာရုံပြုနိုင်ပါတယ်။ အာရုံပြုနိုင်တယ်ဆိုရာမှာလည်း နှစ်မျိုးရှိပါတယ်။ ပထမတစ်မျိုးကတော့ ဒါန၊ သီလ၊ ဘာဝနာ၊ ဝေယျာဝစ္စ၊ ဓမ္မဿဝဏ၊ ဓမ္မဒေသနာ စတဲ့ ပုညကြိယ၀တ္ထုတွေကို ပြုတဲ့ ပုဂ္ဂိုလ်တွေဟာ မိမိတို့ ပြုတဲ့ ကုသိုလ်တွေကို ကြည်နူး ၀မ်းမြောက်နေတတ်ကြပါတယ်၊ ဒါတွေကတော့ ပီတိပါမောဇ္ဇကုသိုလ်တွေပါ တစ်ချို့ကျတော့ အဲ့ဒီ ကုသိုလ်တွေကို ကြည်နှုးဝမ်းမြောက်မှုထက် ပိုပြီး သာယာနေတတ်ကြပါတယ် နိကန္တိခေါ်တဲ့ သိမ်မွေ့တဲ့ လောဘပါပဲ။ သမထ ကမ္မဋ္ဌာန်း အားထုတ်သူများဟာလဲ မိမိ ဈာန်ရတဲ့အခါမှာ ကိုယ်တွေ့ ခံစားနေရတဲ့ ခံစားထားရတဲ့ ဈာန်ချမ်းသာတွေကို သယာနှစ်သက်နေတတ်ပါတယ် အဲ့ဒါဟာ လောဘပါပဲ ၀ိပဿနာအားထုတ်သူကလဲ မိမိကိုယ်တိုင် တွေ့သိထားတဲ့ ကောင်းတဲ့ တရားအတွေ့ကလေးတွေကို သဘောကျနေတတ်ပါတယ် နိကန္တိခေါ်တဲ့ သိမ်မွေ့တဲ့ လောဘပါပဲ။

ဒုတိယ အမျိုးအစားကတော့ ကိုယ်မပြုဘူးသေးတဲ့ ဒါန၊ သီလ၊ ဘာဝနာ ကုသိုလ်များကို ပြုဖို့ရာ စိတ်ထဲမှာ စွဲလမ်းတောင့်တနေမှုပါပဲ၊ သမထ အားထုတ်သူများ အနေနဲ့လည်း မိမိမရဘူးသေးတဲ့ အထက်အထက် ဈာန်အဘိညဏ်တွေကို ရဖို့ရာ စိတ်ထဲမှာ စွဲလမ်းတောင့်တနေတတ်ပါတယ်၊ ၀ိပဿနာ အားထုတ်သူများ အနေနဲ့လဲ မိမိမရဘူးသေးတဲ့ အထက်အထက် ၀ိပဿနာ တရားများကို ရလိုစိတ် ပြင်းထန်ပြီး စွဲလမ်းတောင့်တနေတတ်ပါတယ်။ ဒါတွေဟာ လောကီကုသိုလ်တွေကို လောဘက အာရုံပြုတာတွေပါပဲ။

လောကုတ္တရာဖြစ်တဲ့ မဂ်စစ် ဖိုလ်စစ် နိဗ္ဗာန်စစ် ကိုတော့ လောဘက အာရုံမပြု ဘာကြောင့်လဲဆိုတော့ နိဗ္ဗာန်ဟာ တဏှာကင်းဝေးရာဖြစ်တယ် တဏှာတွေကျက်စားရာနေရာ မဟုတ်လို့ပါ နောက်ပြီး လောဘနဲ့ အာရုံပြုနေသူရဲ့ သန္တာန်မှာ ကိုယ်တွေ့ ရထားတဲ့ မဂ်အသိဖိုလ်အသိနဲ့ ညဏ်တွေ မျက်မှောက်ထင်ထင် သိမြင်ထားတဲ့ ဆင်းရဲငြိမ်းတဲ့သဘာဝ နိဗ္ဗာန်စစ်စစ်ကို မရသေး မရှိသေးလို့ပါပဲ။ ဒါကြောင့် တဏှာလောဘ ရှိနေသေးသမျှ နိဗ္ဗာန်ကို မရနိုင်ပါဘူး ။ လောဘဟာ သယာဖွယ်ခံစားရတဲ့ သဘာဝကိုပဲ ကြိုက်နှစ်သက်တယ် နိဗ္ဗာန်မှာ လောဘကြိုက်တဲ့ သာယာဖွယ်ခံစားရတဲ့ သဘာဝမျိုး လုံးဝမရှိပါဘူး။ တရားရှု့မှတ်စဉ်မှာ တဏှာလောဘတွေနဲ့ နိဗ္ဗာန်ကိုလိုချင်စောနဲ့ အားထုတ်နေရင် နိဗ္ဗာန်နဲ့ ဝေးရာကို သွားနေတယ်လို့ မှတ်ပါ။ ဆရာတော်တွေရဲ့ ဆုံးမစကားလေးရှိပါတယ် ရအောင်မလုပ်နဲ့ လုပ်ရင်တော့ရပါတယ် နောက်ဥပမာတစ်ခုကတော့ သစ်ပင် ရှင်သန်ကြီးထွားအောင် ကျနောတို့ လုပ်လို့မရပါဘူး သစ်ပင်မသေအောင် ပေါင်းမြက်သင်းပြီး ရေလောင်းပေးရမှာက ကျနောတို့ အလုပ် သစ်ပင် ကြီးထွားမှာက သဘာဝအလုပ်ပါ ကျနောတို့လဲ ရှု့မှတ်နေရာမှက ကျနောတို့အလုပ် မဂ်ရ မရက ဓမ္မအလုပ် ဓမ္မကိုသာ လွဲထားပေးလိုက်ပါ။

(မဇ္စိုမနိကာယ်၊ ဥပရိပဏ္ဏသ ပါဋ္ဌိတော်၊ သဋ္ဌာယတန၀ိအရဟတ္တဖိုလ် ဘင်္ဂသုတ်) မှာ နေက္ခမ္မဿိတ ဒေါမနဿ (၀ိပဿနာကို မှီတဲ့ ဒေါမနဿ) ခြောက်မျိုးအကြောင်းကို မြတ်စွာဘုရား ဟေားကြားတော်မူတော့ ၀ိပဿနာရှုတဲ့ ပုဂ္ဂိုလ်ဟာ “ယခုအခါ ရဟန္တာအရှင်မြတ်များ အရဟတ္တဖိုလ်သို့ ဆိုက်ရောက်လျက် နေတော်မူကြတယ် ငါဟာ ဘယ်အခါများမှ အရဟတ္တဖိုလ်သို့ ရောက်လျက် နေရပါမည်လဲ။” ဟု အရဟတ္တဖိုလ်၌ လိုချင်တောင့်တမှုကို ဖြစ်ပေါ်စေတယ်။ ထိုပုဂ္ဂိုလ်အား လိုချင်တောင့်တမှုကြောင့် စိတ်မချမ်းသာခြင်း ဒေါမနဿဖြစ်၏လို့ ဟောတော်မှုတယ်။ ဒီ ဒေသနာတော်မှာ အရဟတ္တဖိုလ်ကို လိုချင်တောင့်တမှု လောဘဖြစ်တယ်လို့ အဓိပ္ပါယ် ကောက်ယူရမလို ဖြစ်နေပါတယ်။

ဒါကို ဥပရိပဏ္ဏသဋီကာ (မ-ဋီ ၄၊ ၃၈၃) မှာ ရှင်းပြထားပါတယ်။ ရရှိအပ်သော အရဟတ္တဖိုလ်သည် လိုချင်တောင့်တမှု လောဘ၏ အာရုံမဖြစ်ပေး။ ရရှိထားအပ်သော အရဟတ္တဖိုလ်ကို အာရုံပြု၍ လိုချင်တောင့်တမှု မဖြစ်ပေ။ စင်စစ်မူ တစ်ဆင့်ကြားဖြင့် ရအပ်သော ကြံစည်စဉ်းစားခြင်းဖြင့် ပြီးသော အရဟတ္တဖိုလ်ကို ရည်ရွယ်၍ လိုချင်တောင့်တမှုသည် ဖြစ်ပေါ်၏ ထို့ကြောင့်ပင် မြတ်စွာဘုရားရှင်က ၀ိပဿနာရှုသူမှာ “ငါဟာ ဘယ်အခါများမှ အရဟတ္တဖိုလ်ကို ရောက်လျက် နေရပါမည်လဲ” လို့ လိုင်ချင်တောင့်တမှု ဖြစ်ကြောင်း မိန့်တော်မူခြင်း ဖြစ်သည်။

ဒီဃာနီကာယ်၊ သုတ်မဟာဝါဋီကာ၊ သက္ကပဉ္ဖသုတ် အဖွင့် (ဒီ-ဋီ ၃၊ ၂၆၅) မှာလဲ “ရရှိထားသော အရဟတ္တဖိုလ်ကို အာရုံပြုသည်၏ အစွမ်းအားဖြင့် ထိုအရဟတ္တဖိုလ်၌ လိုချင်တောင့်တမှု ဖြစ်သည်ဟု မမှတ်ယူအပ်ပေ။ အဘယ်ကြောင့်ဆိုသော် လိုချင်တောင့်တမှုလောဘ၏ အရာမဟုတ်သောကြာင့် တစ်ကြောင်း၊ အရဟတ္တဖိုလ်ကို မရသေးသောကြောင့် တစ်ကြောင်းဖြစ်သည်။” တစ်ဆင့်ကြားဖြစ်သော အရဟတ္တဖိုလ်ကို ရည်ရွယ်ပြီး လိုချင်တောင့်တမှု ဖြစ်ပေါ်သည် ဟု မိန့်တော်မူခြင်း ဖြစ်၏ လို့ ရှင်းပြထားပါတယ်။

မြတ်စွာဘုရားရှင် လက်ထပ်တော်အခါတုန်းက အဋ္ဌကနဂရ မြို့သား ဒကာတစ်ယောက်ရဲ့ အမေးကို အရှင်အာနန္ဒာက ဖြေရှင်းပြပုံ အကျဉ်းချုပ်မှာ

“ဒါယကာ၊ ဒီသာသနာတော်မှာ ရဟန်း တစ်ပါးပါးဟာ ပထမဈာန် ၀င်စားပြီး အဲ့ဒီဈာန်ရဲ့ ဖြစ်ပျက်မှုကို ၀ိပဿနာရှုတယ်ဆိုရင် အဲ့ဒီ ပထမဈာန်နဲ့ ၀ိပဿနာညဏ်မှာ တည်ပြီးတော့ အာသဝေါကုန်ခန်း ရဟန္တာ ဖြစ်နိုင်တယ်၊ တကယ်လို့ အဲ့ဒီ ပထမဈာန်နဲ့ ၀ိပဿနာကို တပ်မက်တဲ့ဓမ္မရာဂနဲ့ နှစ်သက်တဲ့ ဓမ္မနန္ဒီကို မပယ်နိုင်ရင်တော့ အနာဂါမ်လောက်ပဲ ဖြစ်ပြီး သုဒ္ဓါဝါသဗြဟ္မဘုံကို ရောက်နိုင်တယ်” မဇ္စိုမပဏ္ဏသ ပါဋ္ဌိတော်၊ အဋ္ဌက နာဂရသုတ် (စာ-၁၃)နဲ့ ဒီသုတ်ရဲ့ အဖွင့် အဋ္ဌကထာ (စာ-၉)ကိုရောပြီး လိုရင်းမျှ ထုတ်နုတ်ထားတာပါ။ ဓမ္မရာဂနဲ့ ဓမ္မနန္ဒီ ဆိုတာ သမထ ၀ိပဿနာ တရားတို့မှာ လိုလားတပ်မက်မှုကို ခေါ်ကြောင်း အဋ္ဌကထာ ဖွင့်ပြပါတယ်။ တစ်ခါ မဇ္စိုမပဏ္ဏသ ဋီကာ (စာ-၈)ကလိုလားတပ်မက်မှု ဆိုတာ နိကန္တိလို့ ခေါ်တဲ့ သိမ့်မွေ့တဲ့ ငဲ့ကွက်မှုပါပဲလို့ ထပ်ပြီး ရှင်းပြပါတယ်။ သိမ်မွေ့တဲ့ လောဘလို့ ဆိုလိုတာပါ။

( လေလွှင့်သူရေးသားချက်မှ ကူးယူထားပါသည်)