အရိယသစ္စာတရားအရေးကြီးပုံဥပမာ

ရဟန်းတို့ ... ဥပမာသော်ကား ယောက်ျားတစ်ယောက်သည် အသက် အနှစ်တစ်ရာ ရှိလေရာ၏၊ (အနှစ်တစ်ရာ အသက်ရှည်လေရာ၏။) ထို ယောက်ျားကို "အမောင်ယောက်ျား လာလော့ ... နံနက်အခါ၌ သင့်ကို လှံအချက် တစ်ရာဖြင့်ညှဉ်းပန်းကုန်လတ္တံ့၊ မွန်းတည့်အခါ၌ သင့်ကို လှံအချက် တစ်ရာဖြင့် ညှဉ်းပန်းကုန်လတ္တံ့၊ ညနေချမ်းအခါ၌ သင့်ကို လှံအချက် တစ်ရာဖြင့် ညှဉ်းပန်းကုန်လတ္တံ့၊ အမောင်ယောက်ျား ... လှံအချက်သုံးရာသုံးရာတို့ဖြင့် ညှဉ်းပန်းခံရသော သင်သည် အသက် အနှစ် တစ်ရာ ရှိသည်ဖြစ်၍ (အနှစ်တစ်ရာ အသက်ရှည်သည်ဖြစ်၍) အနှစ်တစ်ရာ ကုန်လွန်သောအခါထိုးထွင်းမသိရသေးသော အရိယသစ္စာတရား လေးပါး တို့ကို ထိုးထွင်းသိရလိမ့်မည်"ဟု ဤသို့ ပြောဆိုလာငြားအံ့။ ရဟန်းတို့ ... အကျိုးကို လိုလားတောင့်တသော အမျိုးကောင်းသား အမျိုးကောင်းသမီးသည် ထိုသို့ အညှဉ်းပန်းခံရန် ကပ်ရောက်ထိုက်၏။ ထိုသို့ ဖြစ်ခြင်းသည် အဘယ်ကြောင့်နည်း? ရဟန်းတို့ ... ဤခန္ဓာ အာယတန ဓာတ်တို့၏ အဆက်မပြတ် ဖြစ်၍နေရာ အစဉ်အတန်းဟု ခေါ်ဆိုအပ်သော ဤသံသရာသည် ဉာဏ်ဖြင့် အစဉ်လျောက်၍သော်လည်း မသိအပ်မသိနိုင် သော အစရှိ၏။ သံသရာ၏ ရှေ့အစွန်းကို မသိအပ် မသိနိုင်။ ထိုသို့ မသိအပ် မသိနိုင်သောကြောင့် ဤမျှရှည်လျားလှသည့် သံသရာတစ်ခွင်၌ လှံထိုးခံရ၍ သေရသည့်ဘ၀ သန်လျက်ဖြင့် အဖြတ်ခံရ၍ သေရသည့်ဘ၀ ပုဆိန်ပေါက် ခံရ၍ သေရသည့်ဘ၀တို့၏ အရေအတွက် အပိုင်းအခြားကိုလည်း မသိအပ် မသိနိုင်သည်သာတည်း။


ရဟန်းတို့ ... ငါဘုရားသည် ကိုယ်ဆင်းရဲမှု ဒုက္ခနှင့်တကွ စိတ် မချမ်းသာမှု ဒေါမနဿနှင့်တကွ အရိယသစ္စာလေးပါးတို့ကို ထိုးထွင်းသိမြင် ခြင်းကိုကား ဟောတော်မမူပါ။ ကိုယ်ချမ်းသာခြင်း သုခနှင့်တကွ စိတ်ချမ်းသာ ခြင်း သောမနဿနှင့် တကွသာလျှင် အရိယသစ္စာလေးပါးတို့ကို ထိုးထွင်း သိမြင်ခြင်းကိုကား ငါဘုရားရှင်သည် ဟောကြားတော်မူပါ၏။

အဘယ် အရိယသစ္စာတရားလေးပါးတို့နည်း? ဒုက္ခအရိယသစ္စာတရား၊ ဒုက္ခသမုဒယအရိယသစ္စာတရား၊ ဒုက္ခနိရောဓအရိယသစ္စာတရား၊ ဒုက္ခနိရောဓသို့ ရောက်ကြောင်း ကျင့်စဉ်ဟု ခေါ်ဆိုအပ်သော မဂ္ဂအရိယ- သစ္စာတရားတို့တည်း။

ရဟန်းတို့ ... ထို့ကြောင့် ဤသာသနာတော်၌ သင်တို့တစ်တွေသည် "ဤကား ဒုက္ခအရိယသစ္စာတရားတည်းဟု သိအောင် ကြိုးစားအားထုတ် ကြပါ၊ ဤကား ဒုက္ခသမုဒယအရိယသစ္စာတရားတည်းဟု သိအောင် ကြိုးစား အားထုတ်ကြပါ၊ ဤကား ဒုက္ခနိရောဓအရိယသစ္စာတရားတည်းဟု သိအောင် ကြိုးစားအားထုတ်ကြပါ၊ ဤကား ဒုက္ခနိရောဓသို့ ရောက်ကြောင်း ကျင့်စဉ် မဂ္ဂအရိယသစ္စာတရားတည်းဟုသိအောင် ကြိုးစားအားထုတ်ကြပါ"ဤသို့ မိန့်ကြားတော်မူ၏။